Click it and Unblock the Notifications
ಅಸ್ಸಾಮಿನ ಮರಿಗಾಂವ್ ಜಿಲ್ಲೆಯಲ್ಲಿರುವ ಪೊಬಿತೊರಾ ವನ್ಯಜೀವಿ ಅಭಯಾರಣ್ಯವು ಗುವಾಹಾಟಿಯಿಂದ 50 ಕಿ.ಮೀ ದೂರದಲ್ಲಿದೆ. ಈ ಅಭಯಾರಣ್ಯದ ವಿಶೇಷತೆಯೆಂದರೆ ಇದರ ಒಟ್ಟು 30.8 ಚ.ಕಿ.ಮೀ ವಿಸ್ತೀರ್ಣದಲ್ಲಿ ಸುಮಾರು 16 ಚ.ಕಿ.ಮೀ ಯಷ್ಟು ಪ್ರದೇಶವು ಒಂದು ಕೊಂಬಿನ ಘೆಂಡಾಮೃಗಗಳಿಂದ ಆವೃತವಾಗಿದೆ. ಇವುಗಳ ಹೆಚ್ಚಿನ ಸಂಖ್ಯೆಯಿಂದಾಗಿ ಇತ್ತೀಚೆಗೆ ಈ ಮೃಗಗಳು ಅಭಯಾರಣ್ಯದ ಗಡಿಗಳನ್ನು ದಾಟಿ ಹೋಗುತ್ತಿವೆ ಎನ್ನಲಾಗಿದೆ.
ಘೆಂಡಾಮೃಗಗಳಲ್ಲದೆ, ಇಲ್ಲಿ ಪ್ರತಿ ವರ್ಷವು ವಲಸೆ ಹಕ್ಕಿಗಳೂ ಸಹ ಬರುತ್ತವೆ. ಏಷಿಯನ್ ಕಾಡೆಮ್ಮೆಗಳು, ಚಿರತೆಗಳು, ಕಾಡು ಬೆಕ್ಕುಗಳು, ಕರಡಿಗಳು ಹೀಗೆ ಹಲವು ಪ್ರಾಣಿಗಳನ್ನು ಇಲ್ಲಿ ಕಾಣಬಹುದಾಗಿದೆ. ಅಕ್ತೋಬರ್ ನಿಂದ ಏಪ್ರಿಲ್ ಮಧ್ಯದಲ್ಲಿನ ಅವಧಿಯು ಇಲ್ಲಿಗೆ ಭೇಟಿ ನೀಡಲು ಸೂಕ್ತವಾಗಿದೆ.
