Click it and Unblock the Notifications
ಹರ್ಯಾಣದ ಗುರ್ಗಾಂವ್ ಜಿಲ್ಲೆಯಲ್ಲಿರುವ ಸುಲ್ತಾನಪುರ್ ಪಕ್ಷಿಧಾಮವನ್ನು ಸರ್ಕಾರವು 1972 ರಲ್ಲಿ ಅಧಿಕೃತವಾಗಿ ಪಕ್ಷಿಧಾಮವೆಂದು ಘೋಷಿಸಿತು. ಈ ಪಕ್ಷಿಧಾಮವು ಒಂದು ಸಂರಕ್ಷಿತ ಪ್ರದೇಶವಾಗಿದ್ದು ಇಲ್ಲಿ 250 ಕ್ಕೂ ಅಧಿಕ ಬಗೆಯ ಪಕ್ಷಿಗಳನ್ನು ವೀಕ್ಷಿಸಬಹುದಾಗಿದೆ.
ಚಳಿಗಾಲವು ಈ ಪಕ್ಷಿಧಾಮಕ್ಕೆ ಭೇಟಿ ನೀಡಲು ಪ್ರಶಸ್ತವಾದ ಸಮಯವಾಗಿದೆ. ಏಕೆಂದರೆ ಈ ಸಮಯದಲ್ಲಿ ಸೈಬಿರಿಯಾ, ಯುರೋಪ್ ಮತ್ತು ಅಫ್ಘಾನಿಸ್ತಾನಗಳಿಂದ ಅನೇಕ ವಲಸೆ ಪಕ್ಷಿಗಳಿ ಇಲ್ಲಿಗೆ ಆಗಮಿಸುತ್ತವೆ. ಒಂದು ಆದರ್ಶಮಯ ಪಿಕ್ನಿಕ್ ತಾಣವೂ ಆಗಿರುವ ಈ ಪ್ರದೇಶದಲ್ಲಿ ವೀಕ್ಷಣಾ ಗೋಪುರ, ಗ್ರಂಥಾಲಯ, ಮಕ್ಕಳ ಉದ್ಯಾನಗಳನ್ನೂ ಕಾಣಬಹುದು.
ಇಲ್ಲಿ ಕಾಣಬಹುದಾದ ಕೆಲವು ಪಕ್ಷಿಗಳೆಂದರೆ ಕಾಮನ್ ಹೂಪ್, ಪ್ಯಾಡಿ ಫೀಲ್ಡ್ ಪಿಪಿಟ್, ಪರ್ಪಲ್ ಸನ್ಬರ್ಡ್, ವ್ಹೈಟ್ ಐಬಿಸ್, ಸ್ಪೂನ್ ಬಿಲ್ ಮತ್ತು ಡೋವ್. ಇನ್ನೂ ವಲಸೆ ಹಕ್ಕಿಗಳೆಂದರೆ ಗ್ರೇಟರ್ ಫ್ಲೆಮಿಂಗೊ, ವುಡ್ ಸ್ಯಾಂಡ್ ಪೈಪರ್, ಕೊಂಬ್ ಡಕ್ ಹಾಗು ಯಲ್ಲೋವ್ ವ್ಯಾಗ್ಟೇಲ್.
