ಗಿರ್ ರಾಷ್ಟ್ರೀಯ ಉದ್ಯಾನವನಕ್ಕೆ ಹತ್ತಿಕೊಂಡೇ ಇರುವ  ಸುಮಾರು 18.22 ಸ್ಕ್ವೆರ್ ಕಿ.ಮೀ  ಭೂಪ್ರದೇಶವನ್ನು 2004 ರಲ್ಲಿ ಮಿತಿಯಾಲ ವನ್ಯಜೀವಿ ಅಭಯಾರಣ್ಯ ಎಂದು ಘೋಷಿಸಲಾಯಿತು. ಈ ಪ್ರದೇಶದಲ್ಲಿ ಸಿಂಹಗಳು, ಚಿರತೆಗಳು ಸೇರಿದಂತೆ ಚುಕ್ಕೆ ಜಿಂಕೆಗಳು ಮತ್ತು ನಿಲ್ಗೈಗಳಂತಹ ಅಪರೂಪದ ಪ್ರಾಣಿಸಂತತಿಗಳು ನೆಲೆಕಂಡಿವೆ. ಪರಿಸರ ಹಾಗು ವನ್ಯಜೀವಿಗಳ ಬಗ್ಗೆ ಕಲಿಯಬಯಸುವವರಿಗೆ ಇದು ಹೇಳಿಮಾಡಿಸಿದ ತಾಣ. ಸಿಂಹಗಳು,ಚಿರತೆಗಳು ನಿಮ್ಮ ಕಣ್ಣಳತೆಯಲ್ಲೇ ಓಡಾಡುತ್ತಿರುತ್ತವೆ. ಪ್ರಾಣಿಪ್ರೀಯರಷ್ಟೇ ಅಲ್ಲ, ಸಾಹಸಿಗಳೂ ಈ ಕಾಡಿನೊಳಗೆ ಒಂದು ರೈಡ್ ಹೋಗಿ ಸಿಂಹ-ಚಿರತೆಗಳನ್ನು ಮಾತಾಡಿಸಿಕೊಂಡು ಬರಬಹುದು.