Click it and Unblock the Notifications
ಆದಿ ಶಂಕರರ ಪ್ರಕಾರ ಮಂಗಳ ಗೌರಿ ದೇವಸ್ಥಾನವು ಪ್ರಸಿದ್ದ ಮಹಾಶಕ್ತಿ ಪೀಠಗಳಲ್ಲಿ ಒಂದು. ಈ ದೇವಸ್ಥಾನದ ಕುರಿತು ಪದ್ಮ ಪುರಾಣ, ವಾಯು ಪುರಾಣ ಮತ್ತು ಅನೇಕ ತಾಂತ್ರಿಕ , ಧಾರ್ಮಿಕ ಗ್ರಂಥಗಳಲ್ಲಿ ವರ್ಣಿಸಲಾಗಿದೆ. ಈ ದೇವಸ್ಥಾನವು ಹಿಂದುಗಳು ಶಕ್ತಿಯ ಮೇಲೆ ಇಟ್ಟಿರುವ ನಂಬಿಕೆಯನ್ನು ದೃಢಕರಿಸುತ್ತದೆ. ಈ ದೇವಸ್ಥಾನವು ಹದಿನೈದು ಶತಮಾನಕ್ಕೆ ಮುಂಚೆ ಜನ್ಮ ತಾಳಿತೆಂದು ಹೇಳಲಾಗುತ್ತದೆ. ಈ ದೇವಾಲಯವು ಶಕ್ತಿ ಎಂಬ ದೇವತೆಗೆ ಸಮರ್ಪಿತವಾಗಿದೆ.
ಈ ದೇವಸ್ಥಾನವು ಮಂಗಳ ಗೌರಿ ಬೆಟ್ಟದ ಮೇಲೆ ನಿರ್ಮಾಣಗೊಂಡಿದೆ. ಈ ಶಕ್ತಿಪೀಠವು ಒಂದು ಉಪ ಶಕ್ತಿ ಪೀಠವನ್ನು ಹೊಂದಿದ್ದು ಇದು ಶಿವ ದೇವರ ದೇಹದ ಒಂದು ಭಾಗವನ್ನು ತನ್ನಲ್ಲಿ ಹೊಂದಿದೆ ಎಂಬ ನಂಬಿಕೆ ಇದೆ. ಇಲ್ಲಿ ಶಕ್ತಿಯನ್ನು ಸ್ತನದ ಸಂಕೇತ ರೂಪದಲ್ಲಿ ಪೂಜಿಸಲಾಗುತ್ತದೆ. ಇದು ಉತ್ತಮ ಮತ್ತು ಆರೋಗ್ಯಕರವಾದ ಪೋಷಣೆಯನ್ನು ಸೂಚಿಸುತ್ತದೆ. ಈ ದೇವಾಲಯವನ್ನು ತಲುಪಲು ವಿಮಾನವಾಗಲಿ , ರೇಲ್ವೆ ಆಗಲಿ ಅಥವಾ ರಸ್ತೆಗಳಲ್ಲಿ ಓಡಾಡುವ ಮೋಟಾರು ವಾಹನಗಳನ್ನಾಗಲಿ ಬಳಸಬಹುದು. ಈ ಪವಿತ್ರ ಸ್ಥಳವು ದೇವಿಯ ಪವಿತ್ರ ಸಂಕೇತಗಳನ್ನು ಹೊಂದಿದ್ದು, ಅದನ್ನು ಪ್ರಾಚೀನ ಶಿಲೆಗಳ ಮೇಲೆ ಸುಂದರವಾಗಿ ಕೆತ್ತಲಾಗಿದ್ದು ಪ್ರಶಂಸನೀಯ ಯೋಗ್ಯವಾಗಿವೆ.
ದೇವಾಲಯದ ಮುಂಭಾಗವು ಮಂಟಪದಿಂದ ಅಲಂಕೃತಗೊಂಡಿದೆ. ದೇವಾಲಯದಲ್ಲಿ ಅಂಗಳದಲ್ಲಿ ಒಂದು ಅಗ್ನಿ ಗುಂಡಿ ಇದೆ. ದೇವಾಲಯದಲ್ಲಿರುವ ಎರಡು ಸಣ್ಣ ದೇವಾಲಯಗಳು ಈ ಮಂಗಳ ಗೌರಿ ದೇವಾಲಯಕ್ಕೆ ಹೆಚ್ಚಿನ ಮೆರಗನ್ನು ಉಂಟು ಮಾಡಿವೆ. ಈ ಪುಟ್ಟ ದೇವಸ್ಥಾನಗಳು ಶಿವ ದೇವರು ಮತ್ತು ಮಹಿಷಾಸುರ ಮರ್ದಿನಿ, ದುರ್ಗಾ ಮತ್ತು ದಕ್ಷಿಣ ಕಾಳಿಗಳಿಗೆ ಸಮರ್ಪಿತವಾಗಿವೆ. ಇಲ್ಲಿ ವಿವಿಧ ದೇವಾಲಯಗಳು ಆಸ್ತಿತ್ವದಲ್ಲಿವೆ.
