ಈ ದೇವಾಲಯ ರತ್ನಾಗಿರಿಯಿಂದ 20 ಕಿ.ಮೀ ದೂರದಲ್ಲಿದೆ. ಈ ಸ್ಥಳವು ಗಣಪತಿಪುಲೆಯ ಕೆರಿಬಿಯನ್ ಎಂದು ಕರೆಯಲಾಗುವ ಬೀಚಿನಲ್ಲಿದೆ.
ಈ ದೇವಾಲಯದ ಗಣಪತಿ ವಿಗ್ರಹದ ಕುರಿತಾದ ಆಸಕ್ತಿದಾಯಕವಾದ ವಿಚಾರವೇನೆಂದರೆ, ಈ ವಿಗ್ರಹವು ಬಿಳಿ ಮಣ್ಣಿನಿಂದ ಮಾಡಲಾಗಿದ್ದು, ಇದು ತನ್ನಷ್ಟಕ್ಕೆ ತಾನೇ ಉದ್ಭವವಾಯಿತೆ ಹೊರತು ಯಾವುದೇ ಮಾನವನಿಂದ ನಿರ್ಮಾಣವಾದುದಲ್ಲ ಎಂದು ನಂಬಲಾಗಿದೆ. ಈ ಗರ್ಭಗುಡಿಯಲ್ಲಿ ತಾಮ್ರದಿಂದ ಮಾಡಲಾದ ಮತ್ತೊಂದು ಗಣಪತಿ ಮೂರ್ತಿಯನ್ನು ಸ್ಥಾಪಿಸಲಾಗಿದೆ. ಇದು ಸಿಂಹದ ಮೇಲೆ ಕಾಲು ಚಾಚಿಕೊಂಡು ಆರೂಢವಾಗಿರುವ ಭಂಗಿಯಲ್ಲಿದೆ.
ಈ ದೇವಾಲಯ ಬೆಟ್ಟದ ತುದಿಯಲ್ಲಿ ನೆಲೆಸಿದೆ. ಇಲ್ಲಿನ ಮೂರ್ತಿಗಳನ್ನು ಪೂರ್ವಾಭಿಮುಖಕ್ಕೆ ಬದಲಾಗಿ ಪಶ್ಚಿಮಾಭಿಮುಖವಾಗಿ ಪ್ರತಿಷ್ಠಾಪಿಸಲಾಗಿದೆ. ಇಲ್ಲಿನ ಒಳಾಂಗಣವನ್ನು ಅತ್ಯಂತ ಸೂಕ್ಷ್ಮವಾದ ರಚನೆಗಳಿಂದ ಶೃಂಗರಿಸಲಾಗಿದೆ.
ಈ ದೇವಾಲಯವು ನಾಲ್ಕು ಶತಮಾನಗಳಷ್ಟು ಹಳೆಯದಾಗಿದೆ. ಇದು ಭಾನುವಾರಗಳಂದು ಹೊರತುಪಡಿಸಿ ಉಳಿದ ದಿನಗಳಂದು ಬೆಳಗ್ಗೆ 5 ರಿಂದ ರಾತ್ರಿ 9 ರವರೆಗೆ ತೆರೆದಿರುತ್ತದೆ.