ಉದಯ ವಿಲಾಸ ಅರಮನೆಯು ರಾಜ ಎರಡನೇ ಮಹರವಾಲ್ ಉದಯ ಸಿಂಗ್‌ರ ಅರಮನೆಯಾಗಿತ್ತು. ಇದು ಅತ್ಯುತ್ತಮ ವಾಸ್ತುಶಿಲ್ಪ ಮತ್ತು ಕಲೆಗೆ ಸಾಕ್ಷಿಯಾಗಿದೆ. ಈ ಅರಮನೆಯು ರಜಪೂತ ವಾಸ್ತುಶಿಲ್ಪ ಶೈಲಿಗೆ ಉತ್ತಮ ಉದಾಹರಣೆ. ಸುಂದರವಾಗಿ ನಿರ್ಮಿಸಿದ ಬಾಲ್ಕನಿ, ಕಿಟಕಿಗಳು, ಕಮಾನುಗಳು, ಕಂಬಗಳು ಮತ್ತು ಪ್ಯಾನೆಲ್‌ಗಳು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಇದು ಗೈಬ್‌ ಸಾಗರ ಕೆರೆಯ ಸಮೀಪದಲ್ಲೇ ಇದೆ. ಪರೆವಾ ಮತ್ತು ಬಲ್ವಾರಿಯಾ ಕಲ್ಲುಗಳನ್ನು ಈ ಅರಮನೆಯನ್ನು ಕಟ್ಟಲು ಉಪಯೋಗಿಸಲಾಗಿದೆ. ಈ ಅರಮನೆಯು ಮೂರು ಭಾಗಗಳನ್ನು ಹೊಂದಿದೆ, ರಾಣಿವಾಸ, ಉದಯ ವಿಲಾಸ ಮತ್ತು ಕೃಷ್ಣ ಪ್ರಕಾಶ ಅಥವಾ ಏಕ್‌ ಥಂಬಿಯಾ ಮಹಲ್‌ ಎಂದು ಇದನ್ನು ಪರಿಗಣಿಸಲಾಗಿದೆ. ಈ ಅರಮನೆಯ ಗೋಡೆಯು ಸುಂದರವಾದ ಪೇಂಟಿಂಗ್‌ಗಳ ಸಂಗ್ರಹವನ್ನು ಹೊಂದಿದೆ. ಸದ್ಯ ಈ ಅರಮನೆಯು ರಾಜಸ್ಥಾನದ ಹೋಟೆಲ್ ಆಗಿ ಪರಿವರ್ತನೆಯಾಗಿದೆ.