ಕೇವಲ ದೇಶ್ನೋಕ್ ಮಾತ್ರವಲ್ಲದೆ ಇಡಿ ರಾಜಸ್ಥಾನದಲ್ಲಿ ಆಚರಿಸಲಾಗುವ ಈ ಗಂಗೌರ್ ಉತ್ಸವವು ವರ್ಣರಂಜಿತವಾಗಿರುತ್ತದೆ. ಈ ಜನಪ್ರಿಯ ಉತ್ಸವವನ್ನು ಹಿಂದು ದೇವತೆ ಗೌರಿ ಮಾತಾಳ ಗೌರವಾರ್ಥವಾಗಿ ಆಚರಿಸಲಾಗುತ್ತದೆ. ಈ ಉತ್ಸವವನ್ನು ಬಹುತೇಕವಾಗಿ ಮಹಿಳೆಯರೇ ತಮ್ಮ ಗಂಡಂದಿರ ಕ್ಷೇಮವನ್ನು ಕೋರಿ ಆಚರಿಸುತ್ತಾರೆ. ಮಾರ್ಚ್ ತಿಂಗಳಿನಲ್ಲಿ 18 ದಿನಗಳ ಕಾಲ ಈ ಉತ್ಸವವು ನಡೆಯುತ್ತದೆ. ಉತ್ಸವದ ಒಂದು ಭಾಗವಾಗಿ ಮಹಿಳೆಯರು ತಮ್ಮ ಕೈಕಾಲುಗಳನ್ನು ಮೆಹಂದಿ ಅಥವಾ ಮದರಂಗಿಯಿಂದ ಅಲಂಕರಿಸಿಕೊಳ್ಳುತ್ತಾರೆ.