ಮಳಲಿಯು ಕೊಡಗಿನಲ್ಲಿನ ತುಂಬಾ ಸುಂದರವಾದ ಜಲಪಾತ. ಮಳಲಿ ಜಲಪಾತವು ಕುಮಾರಧಾರ ನದಿಯಿಂದಾಗಿ ನಿರ್ಮಾಣಗೊಂಡಿದೆ. ಪುಷ್ಪಗಿರಿ ಬೆಟ್ಟದ ಬುಡದಲ್ಲಿ ಈ ಜಲಪಾತವಿದ್ದು, ಸುಮಾರು 62 ಮೀಟರು ಎತ್ತರದಿಂದ ನೀರು ಬೀಳುತ್ತದೆ. ಕೊಡಗಿನ ಸೋಮವಾರಪೇಟೆಗೆ ಹತ್ತಿರದಲ್ಲಿದೆ ಮತ್ತು ಹಂಚಿನಳ್ಳಿಯಿಂದ ಕೂಡಾ ಕೆಲವು ಬಸ್ಗಳ ಸಂಪರ್ಕವಿದೆ. ಹಂಚಿಹಳ್ಳಿಯು ಈ ಜಲಪಾತಕ್ಕೆ ಸಮೀಪದ ಹಳ್ಳಿಯಾಗಿದೆ. ಈ ಜಲಪಾತಕ್ಕೆ ನಡೆದುಕೊಂಡೇ ಹೋಗಬೇಕು, ಯಾಕೆಂದರೆ ದಾರಿಯು ಸಣ್ಣದಾಗಿದೆ. ಮಳೆಗಾಲವು ಮಳಲಿ ಜಲಪಾತಕ್ಕೆ ಹೋಗಲು ಉತ್ತಮವಾದ ಕಾಲ. ಬೇಸಿಗೆಕಾಲದಲ್ಲಿ ನದಿಯು ಒಣಗಿಹೋಗುತ್ತದೆ. ಮಳೆಗಾಲದಲ್ಲಿ ತನ್ನೆಲ್ಲಾ ಶಕ್ತಿಯಿಂದ ನೀರು ಧುಮುಕುತ್ತದೆ ಮತ್ತು ಇದರಿಂದಾಗಿ ಮಂಜಿನ ಪದರವೊಂದು ನಿರ್ಮಾಣವಾಗುತ್ತದೆ. ಇದು ವಾತಾವರಣಕ್ಕೆ ಸೌಂದರ್ಯವನ್ನು ನೀಡುತ್ತದೆ.