Click it and Unblock the Notifications
ಕಾಳಿಕಾ ಮಠವು 8 ನೇ ಶತಮಾನದಲ್ಲಿ ನಿರ್ಮಾಣಗೊಂಡಿದ್ದು, ಈ ಪ್ರದೇಶದಲ್ಲೇ ಅತ್ಯಂತ ಹಳೆಯದು ಎಂದು ಪರಿಗಣಿತವಾಗಿದೆ. ಸಿಸೋಡಿಯಾ ಸಾಮ್ರಾಜ್ಯದ ರಾಜ ಬಪ್ಪಾ ರಾವಲ್ ಈ ಸೂರ್ಯ ದೇವಸ್ಥಾನವನ್ನು ನಿರ್ಮಿಸಿದರು. 14 ನೇ ಶತಮಾನದಲ್ಲಿ ಮಹಾರಾಣ ಹಮೀರ್ ಸಿಂಗ್ ದೇವಸ್ಥಾನದಲ್ಲಿ ಕಾಳಿಕಾ ಮೂರ್ತಿಯನ್ನು ಸ್ಥಾಪಿಸಿದರು. ಅಲ್ಲಿಂದ ಈ ದೇವಸ್ಥಾನವು ಕಾಳಿಕಾ ಮಠವಾಗಿ ಜನಪ್ರಿಯವಾಯಿತು. ಕಾಳಿ ಮಾತೆಯು ಚಿತ್ತೋರಗಢದ ರಕ್ಷಕಿ ಎಂದು ಭಾವಿಸಲಾಗಿದೆ. ಕಾಳಿಕಾ ಮಠವು ಸುಂದರವಾದ ವಾಸ್ತುಶಿಲ್ಪವನ್ನು ಹೊಂದಿದೆ ಹಾಗೂ ಸೂಕ್ಷ್ಮ ಕೆತ್ತನೆಗಳನ್ನು ಒಳಗೊಂಡಿದೆ. ಕಾಳಿಕಾ ಮಠದಲ್ಲಿ ನಡೆಯುವ ವಾರ್ಷಿಕ ಹಬ್ಬವು ಇಲ್ಲಿಗೆ ಅಪಾರ ಪ್ರಮಾಣದ ಭಕ್ತರನ್ನು ಆಕರ್ಷಿಸುತ್ತದೆ.
