ಬಡ್ಗಮ್ ಜಿಲ್ಲೆಯ ತೋಸಮೈದಾನ್‌ನಲ್ಲಿರುವ ಸುತ್‌ ಹರನ್‌ ತುಂಬಾ ಜನಪ್ರಿಯ ತಾಣ. ದಟ್ಟ ಅರಣ್ಯದ ಮಧ್ಯೆ ಗಡಿ ನಿಯಂತ್ರಣಾ ರೇಖೆಯ ಬಳಿ ಈ ಜೀವಜಲದ ತಾಣವಿದೆ. ಭಾರತ ಮತ್ತು ಚೀನಾದ ಗಡಿ ಇದು. ಹಿಂದೂ ಐತಿಹ್ಯಗಳ ಪ್ರಕಾರ, ವಿಷ್ಣುವಿನ ಅವತಾರವಾದ ರಾಮನು ವನವಾಸದ ಸಂದರ್ಭದಲ್ಲಿ ಪತ್ನಿ ಸೀತೆ ಮತ್ತು ಸಹೋದರ ಲಕ್ಷ್ಮಣನ ಜೊತೆಗೆ ಇಲ್ಲಿ ವಾಸಿಸಿದ್ದ ಎಂದು ಹೇಳಲಾಗಿದೆ. ಸೀತೆಯು ಈ ತೊರೆಯಲ್ಲಿ ಸ್ನಾನ ಮಾಡಿದ್ದಳು ಎಂದು ಇಲ್ಲಿನ ಜನ ನಂಬುತ್ತಾರೆ. ಹೀಗಾಗಿ ಇದನ್ನು ಮೂಲದಲ್ಲಿ ಸೀತಾ ಹರನ್‌ ಎಂದು ಕರೆಯಲಾಗಿದೆ. ಆನಂತರದಲ್ಲಿ ಈ ತೊರೆಯ ಹೆಸರನ್ನು ಸುತ ಹರನ್‌ ಎಂದು ಬದಲಾಯಿಸಲಾಯಿತು.

ಈ ತೊರೆಯ ಸಮೀಪದಲ್ಲಿ ಒಂದು ಕಲ್ಲಿದ್ದು, ಇದರ ಮೇಲೆ ಸೀತೆ ಕುಳಿತಿದ್ದಳು ಎಂದು ಹೇಳಲಾಗಿದೆ. ಇಲ್ಲಿನ ತೊರೆಯ ನೀರು ಅತ್ಯಂತ ಸಿಹಿಯಾಗಿದ್ದು, ರುಚಿಯಾಗಿದೆ ಎಂದು ಹೇಳಲಾಗಿದೆ.