Click it and Unblock the Notifications
ದಟ್ಟ ಕಾಡು, ಗುಡ್ಡಗಳು ಮತ್ತು ತೊರೆಗಳ ಮಧ್ಯೆ ಇರುವ ದೂದ್ಪಥರ್ ಬಡ್ಗಮ್ ನಲ್ಲಿರುವ ಒಂದು ರಮಣೀಯ ತಾಣ. ಸ್ಥಳೀಯರ ನಂಬಿಕೆ ಪ್ರಕಾರ, ನೀರನ್ನು ಹುಡುಕುತ್ತಾ ಕಾಶ್ಮೀರಿ ಸಂತ ನಂದ್ರೇಶಿ ಎಂಬುವವರು ಈ ಪ್ರದೇಶಕ್ಕೆ ಆಗಮಿಸಿದರು. ಋಷಿಯು ನೀರಿಗಾಗಿ ಭೂಮಿಯನ್ನು ಅಗೆಯುತ್ತಿದ್ದಾಗ ಹಾಲು ಉಕ್ಕಿ ಬಂತು ಎಂದು ಹೇಳಲಾಗುತ್ತದೆ. ಇವರ ನಂತರ ಈ ಪ್ರದೇಶವನ್ನು ದೂದ್ ಪಥರ್ ಎಂದೇ ಕರೆಯಲಾಯಿತು. ಹಿಂದಿಯಲ್ಲಿ ದೂದ್ ಎಂದರೆ ಹಾಲು ಪಥರ್ ಎಂದರೆ ಕಲ್ಲು ಎಂದಾಗುತ್ತದೆ. ದೂದ್ಪಥರ್ ಸುತ್ತಲಿರುವ ಇತರ ಪ್ರಮುಖ ತಾಣಗಳೆಂದರೆ ಸಾಚಿಲ್ಪಥರ್, ಮುಜಪಥರ್. ದೋಫಖಲ್, ಪಾಮೈದಾನ್, ಪರಿಹಾಸ್ ಮತ್ತು ಟಂಗಾನರ್.
