Click it and Unblock the Notifications
ದಹನು-ಬೋರ್ಡಿ ಬೀಚ್ ಎಂದೆ ಚಿರಪರಿಚಿತವಾಗಿರುವ ಬೋರ್ಡಿ ಸರೋವರ, ಪ್ರಶಾಂತವಾಗಿದ್ದು, 17 ಕಿ.ಮೀ. ವಿಸ್ತೀರ್ಣದಲ್ಲಿ ದಹನು ಪಟ್ಟಣದಿಂದ ಬೋರ್ಡಿವರೆಗೆ ಹರಡಿಕೊಂಡಿರುವ ಸರೋವರ. ಪ್ರಾಕೃತಿಕ ಸೌಂದರ್ಯದ ಗಣಿ ಎಂದೆ ಹೇಳಬಹುದು. ಸರೋವರದ ನೀರಿನಲ್ಲಿ ಅರ್ಧ ಕಿ.ಮೀ.ನಷ್ಟು ನಡೆದುಹೋದರೂ, ಸೊಂಟಕ್ಕಿಂತ ಮೇಲೆ ಬಾರದ ನೀರಿನ ಆಳ, ಈಜಲು, ಆಟವಾಡಲು ಸುರಕ್ಷಿತವಾಗಿದೆ. ಸರೋವರದ ಕಿನಾರೆಯಲ್ಲಿ ಕಪ್ಪು ಬಣ್ಣದ ಜಿಗುಟು ಮರಳಿದ್ದು, ಸುತ್ತಲೂ ಕಣ್ಣಿಗೆ ತಂಪನ್ನೀಯುವ ಸಪೋಟ ಮರಗಳಿವೆ.
ಕೃತಕವಾಗಿ ಯಾವುದನ್ನೂ ಮಾರ್ಪಾಡು ಮಾಡದೆ ನೈಸರ್ಗಿಕವಾಗಿಯೇ ಮನಸೂರೆಗೊಳ್ಳುವ ನಿರ್ಮಲ ವಾತಾವರಣವೆ ಪ್ರವಾಸಿಗರನ್ನು ಇಂದಿಗೂ ಆಕರ್ಷಿಸುವುದು. ಮತ್ತೆ ಮತ್ತೆ ಈ ಪ್ರದೇಶದತ್ತ ಕರೆತರುವುದು ಸಹ ಇದೇ ನೈಸರ್ಗಿಕ ಸೊಬಗು. ಮಹಾರಾಷ್ಟ್ರ ಅರಣ್ಯ ಸಂರಕ್ಷಣಾ ಇಲಾಖೆ ಪ್ರವಾಸೋದ್ಯಮಕ್ಕೆ ಕೊಡುವಷ್ಟೇ ಪ್ರಾಮುಖ್ಯತೆಯನ್ನು ಬೋರ್ಡಿ ಸರೋವರದ ನಿರ್ವಹಣೆ, ಪ್ರಾಕೃತಿಕ ನೈಜತೆ ಕಾಪಾಡಿಟ್ಟುಕೊಳ್ಳಲೂ ನೀಡುತ್ತಿದೆ ಎಂಬುದು ಸಂತಸದ ವಿಚಾರ.
