Click it and Unblock the Notifications
ಎಕಮ್ರ ಕಾನನ್ ಭುಬನೇಶ್ವರದಲ್ಲಿರುವ ಅದ್ಭುತವಾದ ಉದ್ಯಾನವನಗಳಲ್ಲಿ ಒಂದಾಗಿದೆ. ಈ ಉದ್ಯಾನವನವು ಭುಬನೇಶ್ವರದಲ್ಲಿರುವ ನಯಪಲ್ಲಿ ಪ್ರದೇಶದಲ್ಲಿರುವ ಶಹೀದ್ ನಗರದಲ್ಲಿ ನೆಲೆಗೊಂಡಿದೆ. 512 ಎಕರೆಗಳಷ್ಟು ವಿಸ್ತೀರ್ಣವನ್ನು ಹೊಂದಿರುವ ಈ ಉದ್ಯಾನವನವು ಕೆರೆ, ಗುಲಾಬಿ ವನ ಮತ್ತು ನರ್ಸರಿ ತೋಟಗಳನ್ನು ಹೊಂದಿದ್ದು, ನೋಡುಗರ ಮನತಣಿಸುವಂತಹ ಎಲ್ಲಾ ಅಂಶಗಳು ಹೊಂದಿವೆ.
ಈ ಉದ್ಯಾನವನದಲ್ಲಿ ಪ್ರವಾಸಿಗರು ದೋಣಿಯಾನವನ್ನು ಸಹ ಕೈಗೊಳ್ಳಬಹುದು. ಇಲ್ಲಿ ಮಕ್ಕಳಿಗಾಗಿ ಆಟದ ಮೈದಾನವನ್ನು ಸಹ ಒದಗಿಸಲಾಗಿದೆ. ಪಿರಮಿಡ್ ಮಾದರಿಯಲ್ಲಿರುವ ಹಸಿರು ಮನೆಯು ಇಲ್ಲಿನ ಪ್ರಮುಖ ಆಕರ್ಷಣೆಯಾಗಿದೆ. ಎಕಮ್ರ ಕಾನನ್ ಎಕಮ್ರ ಹಾಟ್ ಬಳಿ ನೆಲೆಗೊಂಡಿದೆ. ಈ ಹಾಟ್ನಲ್ಲಿ ಕರಕುಶಲ ವಸ್ತುಗಳು ಮತ್ತು ಕೈಮಗ್ಗದ ಉತ್ಪನ್ನಗಳನ್ನು ಮಾರುವ ಅಂಗಡಿಗಳು ನೆಲೆಗೊಂಡಿವೆ. ಇಲ್ಲಿ ಪ್ರವಾಸಿಗರು ತಮಗೆ ಹಿಡಿಸಿದ ಕೈಮಗ್ಗದ ಉತ್ಪನ್ನಗಳನ್ನು ಮತ್ತು ಕರಕುಶಲ ವಸ್ತುಗಳನ್ನು ಕೊಳ್ಳಬಹುದು.
