400 ವರ್ಷಗಳಷ್ಟು ಹಳೆಯದಾದ ಎಂದು ನಂಬಲಾದ, ಭರತ್ಪುರ್ ನ ಲಕ್ಷ್ಮಣ ದೇವಾಲಯವು ಒಂದು ಪ್ರಮುಖ ಯಾತ್ರಾ ಸ್ಥಳವಾಗಿದೆ. ರಾಜಸ್ಥಾನಿ ವಾಸ್ತುಶಿಲ್ಪ ಕಲೆಯನ್ನು ಇಲ್ಲಿ ಹೇರಳವಾಗಿ ನೋಡಬಹುದು. ಈ ದೇವಸ್ಥಾನದ ಪ್ರವೇಶ ದ್ವಾರಗಳು, ಛಾವಣಿಗಳು, ಖಂಬಗಳು ಮತ್ತು ಕಮಾನುಗಳು ತಮ್ಮ ಸುಂದರವಾದ ಕಲ್ಲಿನ ಕೆತ್ತನೆಯ ಕೆಲಸದಿಂದ ಆಕರ್ಶಿಸುತ್ತವೆ. ಭರತ್ಪುರ್ ನಗರದ ಮಧ್ಯದಲ್ಲಿರುವ ಈ ದೇವಸ್ಥಾನವು, ಹಿಂದುಗಳ ದೇವತೆ ಭಗವಾನ್ ರಾಮನ ಸಹೋದರನಾದ ಲಕ್ಷ್ಮಣನಿಗೆ ಸಮರ್ಪಿತವಾಗಿದೆ. ದಂತಕಥೆಯ ಪ್ರಕಾರ, 'ನಾಗಾ ಬಾಬಾ' ಎಂಬ ಮುನಿಯಿಂದ ಈ ದೇವಸ್ಥಾನ ನಿರ್ಮಾಣವಾಗಿದೆ.ಇದರ ಹತ್ತಿರವೇ ಮತ್ತೊಂದು ಲಕ್ಷ್ಮಣ ದೇವಸ್ಥಾನವಿದೆ. ಲಕ್ಷ್ಮಣನಿಗೆಂದೇ ಸರ್ಪಿತವಾದ ಈ ದೇವಸ್ಥಾನವನ್ನು, ರಾಜಾ ಬಲ್ದೇವ್ ಸಿಂಗ್ 1870 ರಲ್ಲಿ ನಿರ್ಮಿಸಿದ್ದಾನೆ. ಈ ದೇವಸ್ಥಾನವನ್ನು ಮರುಳುಗಲ್ಲು ಮತ್ತು ಬಿಳಿ ಮಾರ್ಬಲ್ ಗಳಿಂದ ಕಟ್ಟಲಾಗಿದೆ. ಇದು ಭಗವಾನ್ ರಾಮ, ಲಕ್ಷ್ಮಣ, ಉರ್ಮಿಳಾ, ಭರತ, ಶತ್ರುಘ್ನ ಮತ್ತು ಹಣುಮಂತನ ಅಷ್ಟಧಾತುಗಳ ವಿಗ್ರಹಗಳಿಗೆ ಹೆಸರುವಾಸಿಯಾಗಿದೆ.ಈ ಎರಡೂ ದೇವಸ್ಥಾನಗಳಿಗೆ ನಗರದ ಯಾವುದೇ ಭಾಗದಿಂದ ಸುಲಭವಾಗಿ ತಲುಪಬಹುದಾಗಿದೆ.