Click it and Unblock the Notifications
ಚಿತೈ ದೇವಾಲಯ ಅಲ್ಮೋರಾದಿಂದ 6 ಕಿ. ಮೀ ದೂರದಲ್ಲಿರುವ ಜನಪ್ರಿಯ ಪವಿತ್ರ ತಾಣವಾಗಿದೆ. ಈ ದೇವಾಲಯವನ್ನು ಚೈತಿ ದೇವಾಲಯ ಎಂದೂ ಕರೆಯಲಾಗುತ್ತದೆ ಮತ್ತು ಕುಮಾವೂನ್ ಪ್ರದೇಶದ ಮೂಲ ದೇವತೆ ಹಾಗು ಶಿವನ ಅವತಾರವೆಂದು ನಂಬಲಾಗಿರುವ 'ಗೋಲು ದೇವತಾ' ಗೆ ದೇಗುಲವನ್ನು ಸಮರ್ಪಿಸಲಾಗಿದೆ. ಚಂದ್ ವಂಶದ ಒಬ್ಬ ರಾಜನ ಮೂಲಕ 12 ನೇ ಶತಮಾನದಲ್ಲಿ ಈ ದೇವಾಲಯ ನಿರ್ಮಿತವಾಯಿತು ಎಂದು ನಂಬಲಾಗಿದೆ.
ದೇವಾಲಯವು ಒಂದು ಬೆಟ್ಟದ ತುದಿಯಲ್ಲಿ ನೆಲೆಸಿದ್ದು, ಚಿರ್ ಪೈನ್ ಮತ್ತು ಮಿಮೋಸ ಕ್ಲಂಪ್ (ಒಂದು ಬಗೆಯ ನಾಚಿಕೆ ಗಿಡ) ಗಳ ದಟ್ಟ ಕಾಡುಗಳಿಂದ ಸುತ್ತುವರೆದಿದೆ. ದೊಡ್ಡ ಸಂಖ್ಯೆಯಲ್ಲಿ ಪ್ರತಿ ವರ್ಷ ಭಕ್ತಾದಿಗಳು ತಮ್ಮ ಪ್ರಾರ್ಥನೆ ಸಲ್ಲಿಸಲು ಈ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾರೆ. ಪ್ರವಾಸಿಗರು ಈ ದೇವಾಲಯದ ಗೋಡೆಗಳ ಮೇಲೆ ಲಗತ್ತಿಸಲಾದ ಕೋರ್ಟ್ ಸ್ಟಾಂಪ್ ಪೇಪರ್ಗಳನ್ನು ನೋಡಬಹುದು. ಈ ಪೇಪರ್ಗಳನ್ನು ನ್ಯಾಯಾಲಯದಲ್ಲಿ ಯಾರಿಗೆ ನ್ಯಾಯವಂಚಿತ ಭಕ್ತರು ಮೇಲ್ಮನವಿಗಳಂತೆ ಭಾವಿಸಿ ಪ್ರಾರ್ಥಿಸಿ ಲಗತ್ತಿಸಿರುತ್ತಾರೆ. ಭಕ್ತಾದಿಗಳು ತಮ್ಮ ಇಚ್ಛೆಗಳು ಪೂರೈಕೆಯಾದ ನಂತರ ಆಡುಗಳನ್ನು ಇಲ್ಲಿ ತ್ಯಾಗ/ಬಲಿ ಕೊಡುತ್ತಾರೆ. ಪ್ರವಾಸಿಗರು ಅಲ್ಮೋರಾದಿಂದ ದೇವಸ್ಥಾನವನ್ನು ತಲುಪಲು ಬಸ್, ಟ್ಯಾಕ್ಸಿ, ಅಥವಾ ಇನ್ನಿತರ ವಾಹನಗಳ ಮೂಲಕ ಪ್ರಯಾಣ ಮಾಡಬಹುದು.
