ಕಸರ್ ದೇವಿ ದೇವಾಲಯ, ಅಲ್ಮೋರಾದಿಂದ 5 ಕಿ. ಮೀ ದೂರದಲ್ಲಿರುವ ಜನಪ್ರಿಯ ದೇವಾಲಯ. ಈ ದೇವಾಲಯವನ್ನು 2 ನೇ ಶತಮಾನದಲ್ಲಿ ನಿರ್ಮಿಸಲಾಗಿದೆ. ಸ್ಥಳೀಯರ ಪ್ರಕಾರ,1970 ರಿಂದ 1980 ರ ಸಮಯದಲ್ಲಿ ಇದು ಡಚ್ ಸನ್ಯಾಸಿಯೊಬ್ಬನ ಮನೆಯಾಗಿತ್ತು. ದೇವಾಲಯದ ಹಿನ್ನೆಲೆಯಲ್ಲಿ ರಮಣೀಯ ಹವಾಭಾಗ್ ಕಣಿವೆ ಸುಂದರವಾಗಿ ಗೋಚರಿಸುತ್ತದೆ. ಇದರ ಪರಿಣಾಮವಾಗಿ ಈ ಸ್ಥಳ ವಿಹಾರಿ ಧಾಮದಂತೆಯೂ ಕಾರ್ಯನಿರ್ವಹಿಸುತ್ತದೆ.
ಒಂದು ದಂತಕಥೆಯ ಪ್ರಕಾರ, ರಾಮಕೃಷ್ಣ ಮಠ ಮತ್ತು ರಾಮಕೃಷ್ಣ ಮಿಷನ್ ಸಂಸ್ಥಾಪಕರಾದ ಮಹಾನ್ ಭಾರತೀಯ ಸನ್ಯಾಸಿ ಸ್ವಾಮಿ ವಿವೇಕಾನಂದರವರು ಒಮ್ಮೆ ಈ ಸ್ಥಳದಲ್ಲಿ ಧ್ಯಾನ ಮಾಡಿದ್ದರು. ಪ್ರಯಾಣಿಕರು ಕಾಳಿಮಠ್ ಪಟ್ಟಣದಿಂದ ಕಾಲ್ನಡಿಗೆಯಲ್ಲಿ ಈ ದೇವಸ್ಥಾನವನ್ನು ತಲುಪಬಹುದು. ಈ ಸ್ಥಳವನ್ನು ತಲುಪಲು ಅಲ್ಮೋರಾದಿಂದ ಬಸ್ಸುಗಳು ಮತ್ತು ಟ್ಯಾಕ್ಸಿಗಳ ಸೌಲಭ್ಯಗಳಿವೆ.