Click it and Unblock the Notifications
ಅಹಮದಾಬಾದ್ನಿಂದ 26 ಕಿ.ಮೀ ದೂರದಲ್ಲಿರುವ ಈ ಪಕ್ಷಿಧಾಮವು ಅಹಮದಾಬಾದ್ನ ಅತ್ಯಂತ ಪ್ರಸಿದ್ಧ ವಿಹಾರತಾಣವಾಗಿದೆ. ಇಲ್ಲಿ ಒಂದು ಕೆರೆಯಿದ್ದು, ಅದರ ಸುತ್ತಲಿನ 7 ಚ,ಕಿ,ಮೀ ವ್ಯಾಪ್ತಿಯನ್ನು ಪಕ್ಷಿಧಾಮವೆಂದು ಕರೆಯುತ್ತಾರೆ. ಕೆರೆಗೆ ಹೊಂದಿಕೊಂಡಂತಿರುವ ಜೌಗು ಪ್ರದೇಶದಲ್ಲಿ ಬೆಳೆಯುವ ಗಿಡಗಳು ಇಲ್ಲಿಗೆ ವಲಸೆ ಬರುವ ಪಕ್ಷಿಗಳಿಗೆ ಆಶ್ರಯವನ್ನೊದಗಿಸುತ್ತವೆ. ಕೊಕ್ಕರೆ, ಫ್ಲೆಮಿಂಗೊ, ಗೀಸ್, ಬಾತುಕೋಳಿಗಳು, ಹೆರ್ಜಾಲೆಗಳು, ಪೆಲಿಕಾನ್ಗಳು, ಶಿಳ್ಳೆ ಹೊಡೆಯುವ ಟಿಲ್ಗಳು, ಗದ್ದೆ ಗೊರವಗಳು ಮತ್ತು ಇನ್ನಿತರ ಪಕ್ಷಿಗಳನ್ನು ನಾವಿಲ್ಲಿ ನೊಡಬಹುದು.
ಕೆಂಪು ತಲೆ ಮತ್ತು ಉದ್ದನೆಯ ಬಾಲಗಳಿಂದ ನೋಡುಗರನ್ನು ರಂಜಿಸುವ ಭಾರತೀಯ ಸರಸ್ ಕೊಕ್ಕರೆಯನ್ನು ನಾವಿಲ್ಲಿ ವೀಕ್ಷಿಸಬಹುದು. ಮಳೆಗಾಲದ ನಂತರ, ನವೆಂಬರ್ ನಿಂದ ಫೆಬ್ರವರಿಯವರೆಗಿನ ಅವಧಿಯು ಇಲ್ಲಿಗೆ ಭೇಟಿ ನೀಡಲು ಹೇಳಿ ಮಾಡಿಸಿದ ಸಮಯವಾಗಿರುತ್ತದೆ.
