ಶನಿ ದೇವಾಲಯವು ಉತ್ತರಕಾಶಿಯ ಕರಸಲಿ ಹಳ್ಳಿಯಲ್ಲಿದೆ. ಇದು ಶನಿ ದೇವರಿಗೆ ಮೀಸಲಾಗಿರುವ ದೇಗುಲ. ಪುರಾಣಗಳ ಪ್ರಕಾರ, ಈ ಶನಿದೇವರು, ದೇವಿ ಯಮುನೆಯ ಸಹೋದರ. ಈ ದೇವಾಲಯವು ಸಮುದ್ರ ಮಟ್ಟದಿಂದ 7000 ಅಡಿ ಎತ್ತರದಲ್ಲಿದೆ. ಕಲ್ಲು ಹಾಗೂ ಮರವನ್ನು ಬಳಸಿ ಐದು ಮಹಡಿಯ ಈ ದೇವಾಲಯವನ್ನು ನಿರ್ಮಿಸಲಾಗಿದೆ. ಇಷ್ಟು ಎತ್ತರ ಹಾಗೂ ಅಪಾಯಕಾರಿ ಸ್ಥಳದಲ್ಲಿ ದೇವಾಲಯಕ್ಕೆ ನೆರೆ ಬಂದು ಯಾವುದೇ ಹಾನಿ ಆಗದಿರಲಿ ಅನ್ನುವ ಕಾರಣಕ್ಕೆ ಮರದ ಆಧಾರ ನೀಡಲಾಗಿದೆ. ಶನಿ ದೇವರ ಕಂಚಿನ ಪ್ರತಿಮೆ ಐದನೇ ಮಹಡಿಯಲ್ಲಿ ಸ್ಥಾಪಿತವಾಗಿದೆ.