Click it and Unblock the Notifications
ನಚಿಕೇತ ತಾಲ್ ಒಂದು ಸುಂದರ ಕೆರೆ. ಉತ್ತರಕಾಶಿಯಿಂದ 32 ಕಿ.ಮೀ. ದೂರದಲ್ಲಿದೆ. ಈ ಕೆರೆಯ ಸುತ್ತಲೂ ಓಕ್, ಪೈನ್, ರೋಡೋಡೇಂಡ್ರನ್ ಮರಗಳು ಬೆಳೆದು ನಿಂತಿವೆ. ಅಲ್ಲದೆ, ಇವು ಈ ತಾಣದ ಸೌಂದರ್ಯವನ್ನು ಸಾಕಷ್ಟು ಹೆಚ್ಚಿಸಿವೆ. ಈ ಕೆರೆಯನ್ನು ನಚಿಕೇತ ನಿರ್ಮಿಸಿದ ಎಂದು ನಂಬಲಾಗುತ್ತದೆ. ಈತ ಋಷಿ ಉದ್ದಾಲಕರ ಪುತ್ರ.
ಪ್ರವಾಸಿಗರು ಉತ್ತರಕಾಶಿಯಿಂದ 29 ಕಿ.ಮೀ. ದೂರದಲ್ಲಿರುವ ಚತುರಂಗಿ ಕಾಲಾಗೆ ತಲುಪಿ ಅಲ್ಲಿಂದ ಈ ಕೆರೆಗೆ ಕನಿಷ್ಠ ಮೂರು ಕಿ.ಮೀ. ಟ್ರೆಕ್ಕಿಂಗ್ ಮಾಡಲೇಬೇಕು. ನಚಿಕೇತ ತಾಲ್ ಬಳಿ ಯಾವುದೇ ವಸತಿ ಸೌಲಭ್ಯ ಇಲ್ಲ ಎನ್ನುವುದನ್ನು ಪ್ರವಾಸಿಗರು ಗಮನದಲ್ಲಿಡಬೇಕಾದ ಸಂಗತಿ. ಪ್ರವಾಸಿಗರಿಗೆ ಚತುರಂಗಿ ಕಾಲಾ ಅಥವಾ ಉತ್ತರಕಾಶಿಯಲ್ಲಿ ವಾಸಕ್ಕೆ ಅವಕಾಶ ಇದೆ.
