ಎಡಕಲ್ಲು ಗುಡ್ಡ ಸಿನಿಮಾದ ಶೂಟಿಂಗ್ ನಡೆದ ಎಡಕಲ್ಲು ಗುಹೆಗೆ ಹೋಗಿದ್ದೀರಾ?

ಎಡಕಲ್ಲು ಗುಡ್ಡ ಶೂಟಿಂಗ್

PC: Arav

ಆ ಸಿನಿಮಾದಲ್ಲಿ ಎಡಕಲ್ಲು ಗುಹೆಯಲ್ಲಿ ಚಂದ್ರಶೇಖರ್ ಹಾಗು ಜಯಂತಿ ನಟನೆಯಂತೂ ಎಂದಿಗೂ ಅಚ್ಚಳಿಯದೇ ಉಳಿದಿದೆ. ಎಡಕಲ್ಲು ಗುಹೆಯು ಕೇರಳದ ಒಂದು ಪ್ರಸಿದ್ಧ ಪ್ರವಾಸಿ ತಾಣವಾಗಿದೆ. ಇಂದಿಗೂ ಈ ತಾಣವನ್ನು ಎಡಕಲ್ಲು ಗುಡ್ಡ ಸಿನಿಮಾದಿಂದಲೇ ಗುರುತಿಸುತ್ತಾರೆ. ಸಿನಿಮಾದ ಸಂತೋಷ...ಉಲ್ಲಾಸ ಹಾಡು ಶೂಟಿಂಗ್ ನಡೆದಿದ್ದು ಅಲ್ಲೇ.

ವಯನಾಡ್ ಜಿಲ್ಲೆಯಲ್ಲಿದೆ

PC: Asif K Karim

ಇನ್ನು ಎಡಕಲ್ಲು ಗುಹೆಯ ಬಗ್ಗೆ ಹೇಳುವುದಾದರೆ ಇದು ಕೇರಳದ ವಯನಾಡ್ ಜಿಲ್ಲೆಯ ಕಲ್ಪೆಟ್ಟಾದಿಂದ 25 ಕಿಮೀ ದೂರದಲ್ಲಿರುವ ಎಡಕಲ್‌ನಲ್ಲಿ ಎರಡು ನೈಸರ್ಗಿಕ ಗುಹೆಗಳಿವೆ. ಇದು ಸಮುದ್ರ ಮಟ್ಟಕ್ಕಿಂತ ಸುಮಾರು 1200 ಕಿ.ಮೀ ದೂರದಲ್ಲಿದೆ.

ಎಡಕಲ್ಲು ಗುಹೆ

PC:Drajay1976

ಇದೊಂದು ಗುಹೆಯಲ್ಲ ಬದಲಾಗಿ ಪ್ರಕೃತಿಯೇ ಕಟ್ಟಿದ ಎರಡು ಕಲ್ಲುಗಳ ಕೊರಕಲಾಗಿದೆ. ಆ ಕಲ್ಲುಗಳು ಇರುವ ಬಗೆಯನ್ನು ನೋಡಿದಾಗ ಅದೊಂದು ಗುಹೆಯಂತೆ ಕಾಣಿಸುತ್ತದೆ. ಈ ಗುಹೆಯ ಪ್ರವೇಶ ದ್ವಾರದ ಒಳಗೆ ಹೋದರೆ ನಿಮಗೆ ಒಂದು ಸಣ್ಣ ಕೋಣೆಯಂತೆ ಸಿಗುತ್ತದೆ. ಅಲ್ಲಿಂದ ಕಬ್ಬಿಣದ ಮೆಟ್ಟಲಿಲುಗಳಿವೆ. ಅವುಗಳನ್ನು ಹತ್ತಿ ಹೋದಾಗ 96ಅಡಿ ಉದ್ದ, 22ಅಡಿ ಅಗಲ ಹಾಗೂ 30 ಅಡಿ ಆಳದ ಒಂದು ಪ್ರದೇಶ ಸಿಗುತ್ತದೆ.

ಶೂರ್ಪಣಕಿ ಸಂಹಾರ ಇಲ್ಲೇ

PC: Shareef Taliparamba

ಮೇಲಕ್ಕೆ ಹೋಗುತ್ತಿದ್ದಂತೆ ಕಲ್ಲುಗಳೂ ಒತ್ತಾಗಿದ್ದರೂ ಗುಹೆಯೊಳಗೆ ಬೆಳಕು ಕಲ್ಲಿನ ಎಡೆಯಿಂದ ಬರುತ್ತದೆ. ಇದು ಗುಹೆಯನ್ನು ಬೆಳಗಿಸುತ್ತದೆ. ಇನ್ನು ಶ್ರೀರಾಮ ಶೂರ್ಪಣಕಿಯನ್ನು ಕೊಂದಿದ್ದು ಇಲ್ಲೇ ಎಂದು ಪುರಾಣಗಳು ಹೇಳುತ್ತವೆ.

ಸಿಂಧೂ ಕಣಿವೆ ನಾಗರಿಕತೆ

PC: Shekure

ಇಲ್ಲಿನ ಗುಹೆಯ ಗೋಡೆಯ ಮೇಲೆ ಅನೇಕ ಕೆತ್ತನೆಗಳು ಕಲಾಕೃತಿಯನ್ನು ಕಾಣುವುದು. ಇದು 8000 ವರ್ಷ ಹಳೆಯದು ಎನ್ನಲಾಗುತ್ತದೆ. ಇವುಗಳು ಸಿಂಧೂ ಕಣಿವೆ ನಾಗರಿಕತೆಗೆ ಸಂಬಂಧಿಸಿದ್ದು, ಆ ಪ್ರದೇಶದಲ್ಲಿ ಹರಪ್ಪ ನಾಗರೀಕತೆಯು ಸಕ್ರೀಯವಾಗಿತ್ತು ಎನ್ನವುದಕ್ಕೆ ಅವು ಸಾಕ್ಷ್ಯಗಳಾಗಿವೆ.

ತಲುಪುವುದು ಹೇಗೆ?

PC:Amalshaji27

ಕೇರಳದ ವಯನಾಡಿನಲ್ಲಿರುವ ಈ ಗುಹೆಗೆ ಹೋಗಬೇಕಾದರೆ ಕೇರಳದ ವಯನಾಡಿನ ಅಂಬಾಲಾವಾಯಲ್‌ಗೆ ಬಂದರೆ ಅಲ್ಲಿಂದ ಕೇವಲ 5ಕಿ.ಮೀ ದೂರದಲ್ಲಿದೆ ಎಡಕಲ್ಲು ಗುಹೆ. ಸುಲ್ತಾನ್‌ ಬತ್ತೇರಿಯಿಂದ ಖಾಸಗಿ ಬಸ್‌ನಲ್ಲಿ ನೀವು ಅಂಬಾಲಾವಾಯಲ್ ತಲುಪಬಹುದು. ನಂತರ ಅಲ್ಲಿಂದ ಬೇಕಾದಷ್ಟು ಆಟೋ ರಿಕ್ಷಾಗಳು ಸಿಗುತ್ತವೆ.