ಹೆದರಬೇಡಿ... ಧೈರ್ಯದಿಂದ ಹೋಗಿ...

ವನ್ಯ ಧಾಮದ ಉದಯ

1988ರಲ್ಲಿ ಆರಂಭವಾದ ಈ ವನ್ಯ ಧಾಮ 620 ಎಕರೆ ಪ್ರದೇಶದಲ್ಲಿದೆ. ಮೊದಲು ಹುಲಿ ಸಿಂಹಗಳಿಗೆ ಮೀಸಲಾದ ಈ ಧಾಮ ನಿಧಾನವಾಗಿ ಕರಡಿ, ಮಂಗ, ಜಿಂಕೆ, ಚಿರತೆ ಸೇರಿದಂತೆ ಅನೇಕ ಪ್ರಾಣಿ ಪಕ್ಷಿಗಳಿಗೂ ಆಶ್ರಯ ಧಾಮವಾಯಿತು.
PC: wikipedia.org

ಹುಲಿ ಮತ್ತು ಸಿಂಹ ಧಾಮ

ಇಲ್ಲಿ ಹುಲಿಗಳಿಗಾಗಿ 35 ಹೆಕ್ಟೇರ್ ಹಾಗೂ ಸಿಂಹಗಳಿಗಾಗಿ 35 ಹೆಕ್ಟೇರ್ ಪ್ರದೇಶವನ್ನು ಪ್ರತ್ಯೇಕವಾಗಿ ಮೀಸಲಿಡಲಾಗಿದೆ. ಇತ್ತೀಚೆಗೆ ಇವುಗಳ ಸಂಖ್ಯೆ ಕ್ಷೀಣಿಸುತ್ತಿವೆ.
PC: wikipedia.org

ಇತರ ಪ್ರಾಣಿಗಳು

ಹುಲಿ ಮತ್ತು ಸಿಂಹಗಳ ವನ್ಯಧಾಮ ಎಂದು ಹೇಳಿದರೂ ಇಲ್ಲಿ ಬೇರೆ ಬೇರೆ ಪ್ರಾಣಿಗಳು ಇರುವುದನ್ನು ಕಾಣಬಹುದು. ಒಟ್ಟು 305 ಪ್ರಾಣಿ ಪಕ್ಷಿಗಳಿವೆ ಎಂದು ಹೇಳಲಾಗುತ್ತದೆ.
PC: wikimedia.org

ಇಲ್ಲಿರುವ ಪಕ್ಷಿಗಳು

ಇಲ್ಲಿ ಹನ್ನೊಂದು ಬಗೆಯ ವಿವಿಧ ಪಕ್ಷಿ ಸಂಕುಲಗಳಿವೆ. ಪ್ರತಿಯೊಂದು ಪಕ್ಷಿಗೂ ಪ್ರತ್ಯೇಕ ಪಂಜರಗಳನ್ನು ಮಾಡಲಾಗಿದೆ. ನವಿಲು, ಸಿಲ್ವರ್ ಫೀಸೆಂಟ್, ರೆಡ್ ಜಂಗಲ್ ಬೌಲ್ ಸೇರಿದಂತೆ ವಿವಿಧ ಪಕ್ಷಿಗಳನ್ನು ನೋಡಬಹುದು.
PC: wikipedia.org

ಹೀಗೂ ಮಾಡಬಹುದು

ಇಲ್ಲಿ ಕೇವಲ ಪಂಜರಗಳಲ್ಲಿಟ್ಟಿರುವ ಪ್ರಾಣಿಗಳನ್ನಷ್ಟೇ ನೋಡಬೇಕೆಂದೇನೂ ಇಲ್ಲ. ಅರಣ್ಯ ಇಲಾಖೆ ವನ್ಯಧಾಮದೊಳಗೆ ಸಫಾರಿಗೆ ಹೋಗಲು ಅವಕಾಶ ಕಲ್ಪಿಸಿಕೊಟ್ಟಿದೆ. ಇಲ್ಲಿ ಸುಂದರವಾದ ಪ್ರಕೃತಿ ದೃಶ್ಯ ಹಾಗೂ ಪ್ರಾಣಿಗಳ ಚಿತ್ರವನ್ನು ಸೆರೆಹಿಡಿಯಬಹುದು.
PC: wikipedia.org

ಮಕ್ಕಳಿಗಾಗಿ

ಮಕ್ಕಳಿಗೆ ಇಷ್ಟವಾಗುವಂತಹ ಈ ತಾಣದಲ್ಲಿ ಮಕ್ಕಳಿಗಾಗಿಯೇ ವಿಶೇಷ ಉದ್ಯಾನವಿದೆ. ಉತ್ತಮವಾದ ನಿರ್ವಹಣೆ ಇರುವುದರಿಂದ ಹೆಚ್ಚು ಸ್ವಚ್ಛವಾಗಿ ಇಡಲಾಗಿದೆ.
PC: wikimedia.org

ಇತರ ಮಾಹಿತಿ

ವರ್ಷದ ಎಲ್ಲಾ ಕಾಲದಲ್ಲೂ ಇಲ್ಲಿಗೆ ಬರಬಹುದು. ಮಂಗಳವಾರ ವಾರದ ರಜೆ. ಉಳಿದ ದಿನಗಳಲ್ಲಿ ಬೆಳಗ್ಗೆ 10 ರಿಂದ 1 ಗಂಟೆಯವರೆಗೆ, ಮಧ್ಯಾಹ್ನ 2.15 ರಿಂದ ಸಂಜೆ 5ರ ವರೆಗೆ ತೆರೆದಿರುತ್ತದೆ. ಇಲ್ಲಿ ಪ್ರಯಾಣಿಕರು ಒಮ್ಮೆ ಪ್ರವೇಶ ಪಡೆದ ಮೇಲೆ 4 ರಿಂದ 5 ತಾಸುಗಳು ಮಾತ್ರ ಇರಬಹುದು.
PC: wikipedia.org