ಮಧುಗಿರಿಯ ಮಧುರ ಕ್ಷಣಕ್ಕೆ ಚಾರಣ

ಕೋಟೆಯ ವಿಶೇಷ

ವಿಶಾಲವಾಗಿರುವ ಬಂಡೆಗಳ ರಾಶಿ, ಅಲ್ಲಲ್ಲಿ ಚಿಕ್ಕಪುಟ್ಟ ಗಿಡಗಳ ಪೊದೆ. ಕೋಟೆ ಏರಲು ಮೆಟ್ಟಿಲುಗಳ ಸಾಲು, ಕೋಟೆಯ ಮಧ್ಯದಲ್ಲಿಯೇ ಒಂದು ದಂಡಿನ ಮಾರಮ್ಮ ದೇವಿಯ ಗುಡಿಯಿದೆ. ದೇವರ ದರ್ಶನ ಪಡೆಯಲು ಅನೇಕ ಭಕ್ತಾಧಿಗಳು ಬರುತ್ತಾರೆ. ಸಾಮಾನ್ಯವಾಗಿ ಕೋಟೆಯೆಂದರೆ ರಕ್ಷಣೆಯ ವಿಚಾರದಿಂದ ಒಂದೇ ಬಾಗಿಲಿರುವುದನ್ನು ನೋಡಿರುತ್ತೇವೆ. ಆದರೆ ಈ ಅದ್ಭುತ ಕೋಟೆಗೆ ಎರಡು ಬಾಗಿಲಿರುವುದನ್ನು ಕಾಣಬಹುದು. ಕೋಟೆಯ ಎಡಭಾಗಕ್ಕೆ ಹೋದರೆ ಸಿದ್ದರ ಕಟ್ಟೆ ಎಂಬ ಒಂದು ಸಣ್ಣಕೆರೆ ಇದೆ. ಇದನ್ನು ಕೋಟೆಯ ಮೇಲೆ ನಿಂತು ನೋಡಿದರೂ ಕಾಣಬಹುದು.

PC: commons.wikimedia.org

ಕೋಟೆಯ ಸ್ಥಿತಿ

ಈ ಕೋಟೆ ಬಹಳ ಪುರಾತನ ಕಾಲದ್ದಾಗಿರುವುದರಿಂದ ಅಲ್ಲಲ್ಲಿ ಕಲ್ಲುಗಳು ಉದುರಿ ಬಿದ್ದಿರುವುದನ್ನು ಕಾಣಬಹುದು. ಕಿಡಿಗೇಡಿಗಳು ಕಲ್ಲಿನ ಮೇಲೆ ಮತ್ತು ಕೋಟೆಯ ಮೇಲೆ ಹೆಸರುಗಳನ್ನು ಕೊರೆದಿರುವುದು, ಇದರೊಟ್ಟಿಗೆ ನೈಸರ್ಗಿಕವಾಗಿಯೂ (ಮಳೆ-ಬಿಸಿಲು) ಸವೆದು ಹಾಳಾಗಿರುವುದನ್ನು ಅಲ್ಲಲ್ಲಿ ಕಾಣಬಹುದು.

PC: commons.wikimedia.org

ಮಧುಗಿರಿಯ ಸೌಂದರ್ಯ

ಮಧುಗಿರಿ ಬೆಟ್ಟದಲ್ಲಿ ವಿಶಾಲವಾದ ಬಂಡೆಗಳು ವಿಸ್ತಾರವಾಗಿ ಹರಡಿದೆ. ಅದರ ಮೇಲೆ ಏರುವುದು, ಸುತ್ತಲೂ ಇರುವ ಪರಿಸರದ ಛಾಯಾಚಿತ್ರಗಳನ್ನು ಸೆರೆ ಹಿಡಿಯಬಹುದು, ಏಕಾಂತದಲ್ಲಿ ಕುಳಿತುಕೊಂಡು ಕಲಾವಿದನಾಗಿ ಚಿತ್ರವನ್ನೂ ಬಿಡಿಸಬಹುದು. ಅಲ್ಲದೆ ಸ್ನೇಹಿತರೊಂದಿಗೆ ಬಂದು ಕಾಲಕಳೆಯಲೂ ಸಹ ಇದು ಸೂಕ್ತ ಜಾಗ.

PC: commons.wikimedia.org

ಹತ್ತಿರದ ಆಕರ್ಷಣೆ

ಕೋಟೆಯ ಹತ್ತಿರದಲ್ಲೇ ಆಯುರ್ವೇದ ಸಸ್ಯಗಳಿಗೆ ಪ್ರಸಿದ್ಧಿ ಪಡೆದ ಸಿದ್ಧರ ಬೆಟ್ಟವೂ ಇದೆ. ಅಲ್ಲದೆ ಮಧು ಗಿರಿಯಿಂದ ಸುಮಾರು 20 ಕಿ.ಮೀ. ದೂರದಲ್ಲಿರುವ ಮೈದನ ಹಳ್ಳಿಯಲ್ಲಿ ಕೃಷ್ಣಮೃಗಗಳ ವನ್ಯಧಾಮಗಳಿವೆ. ಇದು ಕರ್ನಾಟಕದ ಅರಣ್ಯ ಇಲಾಖೆಯ ಅಧೀನದಲ್ಲಿದೆ.

PC: commons.wikimedia.org

ಹೀಗೆ ಬನ್ನಿ

ಬೆಂಗಳೂರಿನಿಂದ ತುಮಕೂರಿಗೆ 104 ಕಿ. ಮೀ. ದೂರ ಇದೆ. (ಬೆಂಗಳೂರು-ತುಮಕೂರು-ಮಧುಗಿರಿ) ಉತ್ತಮ ರಸ್ತೆಮಾರ್ಗ ಇರುವುದರಿಂದ 1-2 ತಾಸುಗಳಲ್ಲಿ ಕೋಟೆಗೆ ತಲುಪಬಹುದು.

PC: commons.wikimedia.org