ಲಗೇಜ್‌ ಜಾಸ್ತಿ ಇದ್ರೆ ಟೆನ್ಷನ್‌ ಬೇಡ… ಪ್ರವಾಸಕ್ಕೆ ಈ ರೀತಿ ನೀವು ಸ್ಮಾರ್ಟ್ ಪ್ಯಾಕಿಂಗ್ ಮಾಡಬಹುದು!

ಹೆಚ್ಚಿನ ಜನರು ಪ್ರಯಾಣವನ್ನು ತುಂಬಾ ಇಷ್ಟಪಡುತ್ತಾರೆ. ಪ್ರವಾಸದ ಟಾಪಿಕ್ ಬಂದಾಗಲೆಲ್ಲಾ ತುಂಬಾ ಉತ್ಸುಕರಾಗುತ್ತಾರೆ. ಅಂದಹಾಗೆ ಜೂನ್-ಜುಲೈ ಋತುವಿನಲ್ಲಿ ಅನೇಕರು ಮಳೆಗಾಲದ ದೃಶ್ಯವನ್ನು ಕಣ್ತುಂಬಿಕೊಳ್ಳಲು ದೂರದ ಸ್ಥಳಗಳಿಗೆ ಪ್ರಯಾಣಿಸುತ್ತಾರೆ. ಆದರೆ ಇಂತಹ ಸಮಯದಲ್ಲಿ ಸಾಮಾನುಗಳನ್ನು ಪ್ಯಾಕ್ ಮಾಡುವುದು ದೊಡ್ಡ ಪೇಚಿಗೆ ಸಿಲುಕಿಸುತ್ತದೆ. ಆದ್ದರಿಂದಲೇ ಪ್ರವಾಸದ ಸಮಯದಲ್ಲಿ ಕಡಿಮೆ ಲಗೇಜ್ ನೊಂದಿಗೆ ದೀರ್ಘ ದಿನಗಳವರೆಗೆ ಪ್ರಯಾಣಿಸಲು ಪ್ರತಿಯೊಬ್ಬರೂ ಇಷ್ಟಪಡುತ್ತಾರೆ. ನೀವು ಸಹ ಪ್ರವಾಸಕ್ಕೆ ಹೋಗುವ ಬಗ್ಗೆ ಯೋಚಿಸುತ್ತಿದ್ದರೆ, ಲಗೇಜ್ ಪ್ಯಾಕಿಂಗ್ ಗಾಗಿ ಈ ಸಲಹೆಗಳು ನಿಮಗೆ ತುಂಬಾ ಉಪಯುಕ್ತವಾಗುತ್ತವೆ.ಮೊದಲಿಗೆ ಪಟ್ಟಿ ಮಾಡಿಎಲ್ಲಿಗೆ ಹೋಗಲಿ ಮೊದಲು ನಿಮ್ಮ ಪ್ರಯಾಣಕ್ಕೆ ಸಂಬಂಧಿಸಿದ ಎಲ್ಲಾ ಸರಕುಗಳು ಅಥವಾ ವಸ್ತುಗಳನ್ನು ಲಿಸ್ಟ್ ಮಾಡಿ. ಪ್ರಯಾಣದ ಸಮಯದಲ್ಲಿ ಹೀಗೆ ಪಟ್ಟಿ ಮಾಡುವುದು ಅತ್ಯಗತ್ಯ. ಈ ಪಟ್ಟಿಯನ್ನು ಮಾಡುವುದರಿಂದ ಎರಡು ಪ್ರಮುಖ ಪ್ರಯೋಜನಗಳಿವೆ. ಮೊದಲನೆಯದಾಗಿ, ನೀವು ನಿಮ್ಮೊಂದಿಗೆ ಸಾಗಿಸುತ್ತಿರುವ ವಸ್ತುಗಳ ದಾಖಲೆಯನ್ನು ಇರಿಸಿಕೊಳ್ಳಲು ಇದು ಸಹಾಯ ಮಾಡುತ್ತದೆ ಮತ್ತು ಎರಡನೆಯದಾಗಿ ಮರೆಯದೆ ಕೊಂಡೊಯ್ಯುವಿರಿ.ಈ ರೀತಿ ಬಟ್ಟೆಗಳನ್ನು ಪ್ಯಾಕ್ ಮಾಡಿನೀವು ಏಳು ಅಥವಾ ಅದಕ್ಕಿಂತ ಹೆಚ್ಚು ದಿನಗಳವರೆಗೆ ಪ್ರವಾಸಕ್ಕೆ ಹೋಗುತ್ತಿದ್ದರೆ, ನೀವು ಬಟ್ಟೆಗಳನ್ನು ಪ್ಯಾಕ್ ಮಾಡುವ ಬಗ್ಗೆ ಚಿಂತಿಸಬೇಕಾಗಿಲ್ಲ. ಏಕೆಂದರೆ ನೀವು ಎಲ್ಲವನ್ನೂ ತೆಗೆದುಕೊಂಡು ಹೋಗಬೇಕಂತಿಲ್ಲ ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ಈ ಸಮಯದಲ್ಲಿ ನಿಮ್ಮ ಬಟ್ಟೆಗಳನ್ನು ಮಿಕ್ಸ್ ಮಾಡಿ ಧರಿಸಬಹುದು. ಗಾಢ ಬಣ್ಣದ ಜೀನ್ಸ್ ಗೆ ಟಾಪ್ಸ್, ಕ್ರಾಪ್ ಟಾಪ್ಸ್, ಯಾವುದೇ ಬಣ್ಣದ ಶರ್ಟ್ ಮ್ಯಾಚ್ ಆಗಬಹುದು. ಹೀಗೆ ಪ್ರತಿ ದಿನವೂ ವಿಭಿನ್ನ ರೀತಿಯಲ್ಲಿ ಮ್ಯಾಚ್ ಮಾಡುವ ಮೂಲಕ ನೀವು ಕೇವಲ ಎರಡು ಜೀನ್ಸ್ ಅನ್ನು ಮಾತ್ರ ಧರಿಸಬಹುದು.ಹಗುರವಾದ ಕಂಪ್ರೆಷನ್ ಬ್ಯಾಗ್ದೀರ್ಘ ಪ್ರವಾಸ ಮಾಡುವವರು ಸದಾ ಹಗುರವಾದ ಬ್ಯಾಗ್ ಇಟ್ಟುಕೊಳ್ಳಿ. ಇದರಿಂದ ನೀವು ಅದನ್ನು ಸಾಗಿಸಲು ಅಥವಾ ಸಾಗಿಸುವಾಗ ಯಾವುದೇ ತೊಂದರೆಗಳನ್ನು ಎದುರಿಸುವುದಿಲ್ಲ. ನೀವು ಕಡಿಮೆ ಕಂಪ್ರೆಷನ್ ಹೊಂದಿರುವ ಕಡಿಮೆ ತೂಕದ ಬ್ಯಾಗ್ ತೆಗೆದುಕೊಂಡರೆ ನಿಮ್ಮ ಬಟ್ಟೆಗಳನ್ನು ಇಡಲು ಹೆಚ್ಚುವರಿ ಜಾಗ ಸಿಕ್ಕಂತಾಗುತ್ತದೆ. ಈ ಬ್ಯಾಗ್ ತೆಗೆದುಕೊಂಡರೆ ನೀವು ಪ್ರತ್ಯೇಕ ಬ್ಯಾಗ್ ಅಥವಾ ಬ್ರೀಫ್ಕೇಸ್ ಅನ್ನು ಇಟ್ಟುಕೊಳ್ಳಬೇಕಾಗಿಲ್ಲ ಮತ್ತು ಪ್ರಯಾಣದ ಸಮಯದಲ್ಲಿ ನೀವು ಆರಾಮವಾಗಿ ಆನಂದಿಸಬಹುದು. ಒಮ್ಮೆ ನೀವು ಪ್ಯಾಕಿಂಗ್ ಪೂರ್ಣಗೊಳಿಸಿದ ನಂತರ, ಯಾವಾಗಲೂ ನಿಮ್ಮ ಬ್ಯಾಗ್ ಅನ್ನು ತೂಕ ಮಾಡಿ, ವಿಶೇಷವಾಗಿ ನೀವು ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದರೆ, ವಿಮಾನಯಾನ ಸಂಸ್ಥೆಗಳು ನಿಮ್ಮ ಲಗೇಜ್ ನ ತೂಕ ಮತ್ತು ಗಾತ್ರವನ್ನು ಮಿತಿಗೊಳಿಸುತ್ತವೆ. ನಿಮ್ಮ ಲಗೇಜ್ ಹಗುರವಾಗಿರಲು, ನೀವು ಕಡಿಮೆ ತೂಕದ ಸೂಟ್ ಕೇಸ್ ಸಹ ಖರೀದಿಸಬಹುದು.ಡಿಜಿಟಲ್ ಪುಸ್ತಕ ಓದಿನೀವು ಪ್ರಯಾಣದ ಸಮಯದಲ್ಲಿ ಪುಸ್ತಕ ಓದಬೇಕೆಂದರೆ ಪುಸ್ತಕಗಳನ್ನು ತೆಗೆದುಕೊಂಡು ಹೋಗುವ ಅಗತ್ಯವಿಲ್ಲ. ಏಕೆಂದರೆ ಪುಸ್ತಕಗಳ ತೂಕದಿಂದಾಗಿ ಬ್ಯಾಗ್ ತೂಕ ಕೂಡ ಹೆಚ್ಚುತ್ತದೆ. ಅದಕ್ಕಾಗಿಯೇ ಪುಸ್ತಕ ಹವ್ಯಾಸಿಗಳು ಡಿಜಿಟಲ್ ಪುಸ್ತಕ ಓದಬಹುದು. ಹೌದು, ಈ ಪುಸ್ತಕಗಳನ್ನು ನಿಮ್ಮ ಫೋನ್ ನಲ್ಲಿಯೇ ಓದಬಹುದು.ಗ್ಯಾಜೆಟ್ ಗಳ ಸುರಕ್ಷತೆಗೆಗ್ಯಾಜೆಟ್ ಗಳು ನಿಮ್ಮ ಲಗೇಜ್ ನ ಅತ್ಯಂತ ಸೂಕ್ಷ್ಮ ಮತ್ತು ಅತ್ಯಂತ ದುಬಾರಿ ಭಾಗವಾಗಿದೆ. ನೀವು ಅವುಗಳನ್ನು ಜಿಪ್ ಲಾಕ್ ಬ್ಯಾಗ್ ನಲ್ಲಿ ಇಡಬೇಕು ಎಂಬುದನ್ನು ನೆನಪಿನಲ್ಲಿಡಿ. ಇದರಿಂದ ಅವುಗಳಿಗೆ ಯಾವುದೇ ಹಾನಿಯಾಗುವುದಿಲ್ಲ. ನೀವು ಬೇಕಾದರೆ ಬ್ಯಾಗ್ ಸುತ್ತಲೂ ಬಟ್ಟೆಯನ್ನು ಕಟ್ಟಬಹುದು ಇದಲ್ಲದೆ, ಸೆಲ್ ಫೋನ್ ಚಾರ್ಜರ್ ಗಳು, ಹೆಡ್ ಫೋನ್ ಗಳು ಮತ್ತು ಡೇಟಾ ಕೇಬಲ್ ಗಳನ್ನು ಸಹ ಹಳೆಯ ಸನ್ ಗ್ಲಾಸ್ ಕೇಸ್ ನಲ್ಲಿ ಸಂಗ್ರಹಿಸಬಹುದು.ಆಭರಣಗಳನ್ನು ಒಯ್ಯುವಾಗನಿಮ್ಮ ಪ್ಯಾಕಿಂಗ್ ಪಟ್ಟಿಯಲ್ಲಿ ಹೆಚ್ಚು ಮೌಲ್ಯಯುತವಾದ ಮತ್ತೊಂದು ಐಟಂ ನಿಮ್ಮ ಆಭರಣವಾಗಿದೆ. ಆದ್ದರಿಂದ, ನಿಮ್ಮ ಕಿವಿಯೋಲೆಗಳು, ಉಂಗುರಗಳು, ಗಡಿಯಾರಗಳು, ನೆಕ್ಲೇಸ್ ಗಳು ಇತ್ಯಾದಿ ಆಭರಣಗಳನ್ನು ಪ್ಲಾಸ್ಟಿಕ್ ಹೊದಿಕೆಯಲ್ಲಿ ಸುತ್ತಿ ನಿಮ್ಮ ಬ್ಯಾಗ್ ನಲ್ಲಿ ಇರಿಸಿ.ಶೂಗಳನ್ನು ಪ್ಯಾಕ್ ಮಾಡುವುದು ಹೇಗೆ?ಶೂಗಳು ಟ್ರಾವೆಲ್ ಬ್ಯಾಗ್ ನಲ್ಲಿ ಸಾಕಷ್ಟು ಜಾಗವನ್ನು ತೆಗೆದುಕೊಳ್ಳುತ್ತವೆ ಮತ್ತು ಇತರ ವಸ್ತುಗಳಿಗೆ ಕಡಿಮೆ ಜಾಗವನ್ನು ಬಿಡುತ್ತವೆ. ಆದರೆ ನಿಮ್ಮ ಪ್ರವಾಸದಲ್ಲಿ ನೀವು ಆ ಬೂಟುಗಳನ್ನು ಒಯ್ಯಲೇಬೇಕಾಗುತ್ತದೆ. ಅವುಗಳು ಕೂಡ ಹೆಚ್ಚು ಮುಖ್ಯವಾದವು ಅಥವಾ ಸಂಪೂರ್ಣ ಪ್ರವಾಸಕ್ಕಾಗಿ ನೀವು ಧರಿಸಬೇಕಾಗುತ್ತದೆ. ಬೂಟುಗಳನ್ನು ತೆಗೆದುಕೊಂಡು ಹೋಗುವವರು ಚಿಕ್ಕ ಚಿಕ್ಕ ಹಗುರವಾದ ಐಟಂಗಳನ್ನು ನಿಮ್ಮ ಬೂಟುಗಳಲ್ಲಿ ಇಡುವ ಮೂಲಕ ಚಿಕ್ಕ ವಸ್ತುಗಳಿಗೆ ಜಾಗವನ್ನು ಮಾಬಹುದು ಮತ್ತು ಶೂಗಳಿಗೆ ಸುಲಭವಾಗಿ ಜಾಗವನ್ನು ಸೃಷ್ಟಿಸುತ್ತದೆ.ನಿಮ್ಮ ಬೂಟುಗಳು ಕೊಳಕಾಗಿದ್ದಾಗ ಅಥವಾ ಶೂಗಳಲ್ಲಿ ಇದನ್ನೆಲ್ಲಾ ಯಾರು ಹಾಕುತ್ತಾರೆ ಎಂದು ನೀವು ಆಶ್ಚರ್ಯಪಡುತ್ತಿದ್ದಾರಾ?, ನೀವು ಶೂಗಳ ಅಡಿಭಾಗವನ್ನು ಶವರ್ ಕ್ಯಾಪ್ ನಿಂದ ಮುಚ್ಚಬಹುದು. ಇದಲ್ಲದೆ, ನೀವು ಪ್ರಯಾಣಿಸುವಾಗ ನಿಮ್ಮ ಭಾರವಾದ ಶೂಗಳನ್ನು ಧರಿಸಬಹುದು.ಬಟ್ಟೆಗಳನ್ನ ಮಡಚಬೇಡಿ, ಸುತ್ತಿ...ಕೆಲವು ಬಟ್ಟೆಗಳನ್ನು ಮಡಚುವಾಗ ಮುದುಡುತ್ತದೆ. ಇಂತಹ ಸೂಕ್ಷ್ಮವಾದ ಬಟ್ಟೆಗಳಿಗೆ, ನೀವು ಅವುಗಳನ್ನು ಮಡಚಲು ಎರಡು ತೆಳುವಾದ ಟಿಶ್ಯೂ ಪೇಪರ್ ಅನ್ನು ಬಳಸಬೇಕು. ನಂತರ ಬಟ್ಟೆಗಳನ್ನು ಸುತ್ತಿಕೊಳ್ಳಬೇಕು. ಹೀಗೆ ಮಾಡುವುದರಿಂದ ನಿಮ್ಮ ಬಟ್ಟೆಗಳು ಕ್ರೀಸ್ ಮುಕ್ತವಾಗಿ ಉಳಿಯುವುದು ಮಾತ್ರವಲ್ಲ, ಕೊನೆಯ ಕ್ಷಣದಲ್ಲಿ ಬ್ಯಾಗ್ ನಲ್ಲಿ ಇನ್ನೇನಾದರೂ ಇಡಲು ನೀವು ಬಯಸಿದರೆ, ಬ್ಯಾಗ್ ನಲ್ಲಿ ಅದಕ್ಕೆ ಸ್ಥಳಾವಕಾಶವಿರುತ್ತದೆ. ಈ ಹ್ಯಾಕ್ ಮದುವೆಯ ದಿರಿಸುಗಳು ಮತ್ತು ಲಿನಿನ್ ಮತ್ತು ರೇಷ್ಮೆ ಬಟ್ಟೆಗಳಿಗೆ ಸೂಕ್ತವಾಗಿರುತ್ತದೆ.ಡಕ್ಟ್ ಟೇಪ್ ಜೊತೆಗಿರಲಿನೀವು ಎಂದಾದರೂ ಚಪ್ಪಲಿ ಹರಿದುಹೋಗಿರುವುದು ಅಥವಾ ಬ್ಯಾಗ್ ನ ಹಿಡಿಕೆ ಕಳಚಿದ ಪರಿಸ್ಥಿತಿಯನ್ನು ಎದುರಿಸಿದ್ದೀರಾ? ಹೌದು ಎಂದಾದರೆ, ಅಂತಹ ಪರಿಸ್ಥಿತಿಯು ಎಷ್ಟು ಮುಜುಗರ ಮತ್ತು ಗೊಂದಲವನ್ನು ಉಂಟುಮಾಡುತ್ತದೆ ಎಂದು ನಿಮಗೆ ಚೆನ್ನಾಗಿ ತಿಳಿದಿರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಡಕ್ಟ್ ಟೇಪ್ ಅನ್ನು ಬಳಸಬಹುದು, ಈ ಟೇಪ್ ನಿಮ್ಮ ಮುರಿದ ಹ್ಯಾಂಡಲ್ / ಸ್ಟ್ರಾಪ್ ಅನ್ನು ಸ್ವಲ್ಪ ಸಮಯದವರೆಗೆ ನೀಟಾಗಿಡುತ್ತದೆ. ನೀವು ಪೆನ್ ಸುತ್ತಲೂ ಕೆಲವು ಡಕ್ಟ್ ಟೇಪ್ ಅನ್ನು ಸುತ್ತಿ ನಿಮ್ಮ ಬ್ಯಾಗ್ ನಲ್ಲಿ ಇಟ್ಟುಕೊಳ್ಳಿ.