ತೆಪ್ಪದ ವಿಹಾರ ತಪ್ಪದೆ ಮಾಡಿ

ದುಬಾರೆ

ಕೂರ್ಗ್‍ನಲ್ಲಿ ಬರುವ ದುಬಾರೆಯ ತಾಣ ಆನೆಗಳ ಸವಾರಿಗೆ ಪ್ರಸಿದ್ಧಿ ಪಡೆದಿದೆ. ಇಲ್ಲಿ ಕಾವೇರಿ ನದಿ ತೀರವೂ ಇರುವುದರಿಂದ ಪ್ರವಾಸಿಗರು ತೆಪ್ಪದಲ್ಲಿ ವಿಹರಿಸಬಹುದು. ಖುಷಿ-ಖುಷಿಯಾಗಿ ನೀರಿನಲ್ಲಿ ಆಡುತ್ತ, ಸುತ್ತಲು ಇರುವ ದಟ್ಟ ಅರಣ್ಯದ ಸೊಬಗನ್ನು ಕಣ್ತುಂಬಿಕೊಳ್ಳಬಹುದು. ಇದು ಬೆಂಗಳೂರಿನಿಂದ 248 ಕಿ.ಮೀ. ದೂರದಲ್ಲಿದೆ.
PC: wikimedia.org

ಕಬಿನಿ

ನಾಗರಹೊಳೆ ಅಭಯಾರಣ್ಯದ ಸಮೀಪ ಇರುವ ಕಬಿನಿ ಹಿನ್ನೀರಿನ ಜಲಾಶಯದಲ್ಲಿ ತೆಪ್ಪದ ವಿಹಾರವಿದೆ. ಅಗಲವಾದ ತಟ್ಟೆಯಂತಹ ತೆಪ್ಪದಲ್ಲಿ ಕುಳಿತು, ಸುತ್ತಲ ಪ್ರಪಂಚವನ್ನು ನೋಡುವುದೇ ಒಂದು ಚೆಂದ. ಚಾರಣ ಮಾಡಲು ಅವಕಾಶ ಇರುವ ಈ ತಾಣ ಬೆಂಗಳೂರಿನಿಂದ 215 ಕಿ.ಮೀ. ದೂರದಲ್ಲಿದೆ.
PC: wikimedia.org

ಭೀಮೇಶ್ವರಿ

ಹಲಗೂರಿನಲ್ಲಿ ಬರುವ ಭೀಮೇಶ್ವರಿ ಸಾಹಸ ಕ್ರೀಡೆ ಹಾಗೂ ನೇಚರ್ ಕ್ಯಾಂಪ್‍ಗಳಿಗೆ ಪ್ರಸಿದ್ಧಿ ಪಡೆದ ತಾಣ. ಇಲ್ಲಿ ಹರಿಯುವ ನದಿಯಲ್ಲಿ ತೆಪ್ಪದ ವಿಹಾರವೂ ಹೆಚ್ಚು ಪ್ರಸಿದ್ಧಿ ಪಡೆದಿದೆ. ಬೆಂಗಳೂರಿನಿಂದ 105 ಕಿ.ಮೀ. ದೂರದಲ್ಲಿದೆ.
PC: wikipedia.org

ದಾಂಡೇಲಿ

ಉತ್ತರ ಕರ್ನಾಟಕ ಭಾಗದಲ್ಲಿ ಬರುವ ದಾಂಡೇಲಿ ವಾಟರ್ ರಾಫ್ಟಿಂಗ್ ಹಾಗೂ ತೆಪ್ಪದ ವಿಹಾರಕ್ಕೆ ಹೆಸರುವಾಸಿ. ಇಲ್ಲಿರುವ ರಮ್ಯವಾದ ಪ್ರಕೃತಿಯ ಮಧ್ಯೆ ಪಕ್ಷಿಗಳ ಸುಂದರವಾದ ನೋಟಗಳು ಅದ್ಭುತವಾಗಿರುತ್ತದೆ.
PC: flickr.com

ಕಾರವಾರ

ಹಲವಾರು ರೆಸಾರ್ಟ್‍ಗಳನ್ನು ಒಳಗೊಂಡಿರುವ ಕಾರವಾರ ತೆಪ್ಪದ ಸವಾರಿಗೂ ಹೆಸರುವಾಸಿಯಾಗಿದೆ. ಇಲ್ಲಿರುವ ಪ್ರತಿಯೊಂದು ರೆಸಾರ್ಟ್‍ಗಳು ತೆಪ್ಪದ ವಿಹಾರವನ್ನು ಒಂದು ವಿಶೇಷ ಕ್ರೀಡೆಯಾಗಿ ಪರಿಗಣಿಸಿವೆ. ಒಮ್ಮೆ ಇಲ್ಲಿಗೆ ಬಂದರೆ ತೆಪ್ಪದ ವಿಹಾರವನ್ನು ಆನಂದಿಸಬಹುದು. ಬೆಂಗಳೂರಿನಿಂದ ಈ ತಾಣ 424 ಕಿ.ಮೀ. ದೂರದಲ್ಲಿದೆ.
PC: wikipedia.org

ತಲಕಾಡು

ಬೆಂಗಳೂರಿನಿಂದ 132 ಕಿ.ಮೀ. ದೂರದಲ್ಲಿರುವ ತಲಕಾಡಿಗೆ ಕಾವೇರಿ ನದಿ ತೀರವೂ ಹತ್ತಿರದಲ್ಲಿಯೇ ಇದೆ. ಈ ತೀರದಲ್ಲಿ ತೆಪ್ಪದಲ್ಲಿ ವಿಹರಿಸುವುದು ಒಂದು ಸುಂದರ ಅನುಭವವನ್ನು ನೀಡುತ್ತದೆ. ಇದಕ್ಕೆ ಹತ್ತಿರವೇ ಮರಳಿನಲ್ಲಿ ಹುದುಗಿದ ಅನೇಕ ದೇಗುಲಗಳಿವೆ.
PC: wikimedia.org

ಹೊಗೆನಕಲ್ ಜಲಪಾತ

ಹಲವಾರು ಪ್ರವಾಸಿಗರ ಮನಸೂರೆಗೊಳಿಸುವ ಹೊಗೆನಕಲ್ ಜಲಪಾತದಲ್ಲಿ ತೆಪ್ಪ ವಿಹಾರವನ್ನು ಮಾಡಬಹುದು. ಜಲಧಾರೆಯ ಸಮೀಪವೇ ತೆಪ್ಪದಲ್ಲಿ ಕರೆದೊಯ್ಯುವುದರಿಂದ, ಆ ಸಂದರ್ಭದಲ್ಲಿ ಉಂಟಾಗುವ ಖುಷಿಯನ್ನು ಹೇಳಲು ಅಸಾಧ್ಯ. ಏನಿದ್ದರೂ ಅದನ್ನು ಅನುಭವಿಸಬೇಕಷ್ಟೆ. ಬೆಂಗಳೂರಿನಿಂದ 180 ಕಿ.ಮೀ.ದೂರದಲ್ಲಿದೆ.
PC: wikipedia.org