ಕರ್ನಾಟಕದ ಈ ಊರಲ್ಲಿ ಬೆಕ್ಕು ದಾರಿಗಡ್ಡ ಬಂದ್ರೆ ಶುಭಶಕುನವಂತೆ ...ಬೆಕ್ಕಿಗೆ ದೇವಸ್ಥಾನನೂ ಇದೆಯಂತೆ!

ಬೆಕ್ಕಾಲಲೆಯ ಬೆಕ್ಕಿನ ದೇವಾಲಯ

ಈ ಬೆಕ್ಕಿನ ದೇವಾಲಯ ಇರೋದು ಮಂಡ್ಯ ಜಿಲ್ಲೆಯಲ್ಲಿ. ಮಂಡ್ಯದಿಂದ 35 ಕಿ.ಮೀ ದೂರದಲ್ಲಿ ಬೆಕ್ಕಾಲಲೆ ಎನ್ನುವ ಹಳ್ಳಿಯಲ್ಲಿ ಬೆಕ್ಕಿನ ದೇವಾಲಯವಿದೆ. ಇಲ್ಲಿ ಬೆಕ್ಕನ್ನು ಮಂಗಮ್ಮ ದೇವಿಯ ರೂಪದಲ್ಲಿ ಪೂಜಿಸಲಾಗುತ್ತದೆ. ಸುಮಾರು 1000 ವರ್ಷಗಳಿಂದ ಈ ಆಚರಣೆ ಜಾರಿಯಲ್ಲಿದೆ. ಬೆಕ್ಕಿನ ರೂಪದಲ್ಲಿ ದೇವಿಯನ್ನು ಆರಾಧಿಸಲಾಗುತ್ತಿದೆ. ದೇವಿಯು ಅವರ ಊರನ್ನು ಕಾಯುತ್ತಾರೆ. ದುಷ್ಟಶಕ್ತಿಗಳಿಂದ ಕಾಪಾಡುತ್ತಾರೆ ಎನ್ನುವ ನಂಬಿಕೆ ಜನರದ್ದು.

ಬೆಕ್ಕಿನ ರೂಪದಲ್ಲಿ ಬಂದ ಮಂಗಮ್ಮ ದೇವಿ

ನಮ್ಮ ಪೂರ್ವಜರ ಕಾಲದಲ್ಲಿ ಮಂಗಮ್ಮ ದೇವಿಯು ಬೆಕ್ಕಿನ ರೂಪದಲ್ಲಿ ನಮ್ಮ ಊರಿಗೆ ಬಂದಳು. ತನ್ನ ಶಕ್ತಿಯನ್ನು ತೋರಿಸಿ ಮಾಯವಾದಳು ಆಗಿನಿಂದ ನಮ್ಮ ಪೂರ್ವಜನರು ಹಾಗೂ ಈ ಊರಿನ ಜನತೆ ದೇವಿಯನ್ನು ಬೆಕ್ಕಿನ ರೂಪದಲ್ಲಿ ಪೂಜಿಸುತ್ತಿದ್ದಾರೆ ಎನ್ನುತ್ತಾರೆ ಸ್ಥಳೀಯರು.

ಮಂಗಮ್ಮ ಉತ್ಸವವನ್ನೂ ಆಚರಿಸಲಾಗುತ್ತದೆ

ಈ ಊರಿನಲ್ಲಿ ಮಂಗಮ್ಮ ಉತ್ಸವವನ್ನು ಆಚರಿಸಲಾಗುತ್ತದೆ. ಜೋತ್ಯೀಷಿಗಳು ಹೇಳಿದಾಗ ಈ ಉತ್ಸವ ಆಚರಿಸಲಾಗುತ್ತದೆ. ಮೂರು ನಾಲ್ಕು ದಿನಗಳ ಕಾಲ ಈ ಉತ್ಸವ ನಡೆಯುತ್ತದೆ. ಕಳೆದ ಉತ್ಸವ ಮೂರು ವರ್ಷಗಳ ಹಿಂದೆ ನಡೆದಿದೆ. ಈ ಉತ್ಸವವನ್ನು ಊರಿನವರು ತಮ್ಮ ಮನೆಯವರು ಹಾಗೂ ಸ್ನೇಹಿತರ ಜೊತೆ ಸೇರಿ ಆಚರಿಸುತ್ತಾರೆ.

ಈ ಊರಿನಲ್ಲಿ ಬೆಕ್ಕಿಗೆ ಹಿಂಸಿಸಲಾಗುವುದಿಲ್ಲ

ದೇವರೆಂದು ಪೂಜಿಸಲಾಗುವ ಬೆಕ್ಕನ್ನು ಈ ಊರಿನಲ್ಲಿ ಯಾರು ಹಿಂಸೆ ಮಾಡುವಂತಿಲ್ಲ. ಹಾಗೊಂದು ಬಾರಿ ಹಿಂಸಿಸುವುದು ಕಂಡುಬಂದಲ್ಲಿ ಅವರನ್ನು ಸುಮ್ಮನೆ ಬಿಡೋದಿಲ್ಲ. ಅವರನ್ನು ಹಳ್ಳಿಯಿಂದ ಹೊರಹಾಕಲಾಗುತ್ತದೆ.