ಹೆಳವನಕಟ್ಟೆ ರಂಗನಾಥನ ದರ್ಶನ ಪಡೆದಿದ್ದೀರಾ?

ದಾವಣಗರೆ ಸಮೀಪದಲ್ಲಿರುವ ಹೆಳವನಕಟ್ಟೆ ರಂಗನಾಥ ಸ್ವಾಮಿ, ಅಥವಾ ಹೆಳವನಕಟ್ಟೆ ಗಿರಿಯಮ್ಮನ ಬಗ್ಗೆ ಕೇಳಿದ್ದೀರಾ? ಗಿರಿಯಮ್ಮ ರಂಗನಾಥ ಸ್ವಾಮಿಯ ಮಹಾನ್ ಭಕ್ತೆ. ಈಕೆಯಿಂದಾಗಿಯೇ ಈ ಕ್ಷೇತ್ರ ಸಾಕಷ್ಟು ಪ್ರಸಿದ್ಧಿ ಹೊಂದಿತು.ಈ ಹೆಳವನಕಟ್ಟೆ ಗ್ರಾಮವನ್ನು ಕೋಮಾರನಹಳ್ಳಿ ಎಂದೂ ಕರೆಯುತ್ತಾರೆ. PC: facebook ಬೆಂಗಳೂರಿನಿಂದ ಸುಮಾರು 5-6ಗಂಟೆಯಲ್ಲಿ ದಾವಣಗೆರೆಯನ್ನು ತಲುಪಬಹುದು. ಹೊನ್ನಾವಳಿ ಮಾರ್ಗದಲ್ಲಿ ಸಾಗಿದರೆ ಮಲೆಬೆನ್ನೂರು ಎನ್ನುವ ಊರು ಸಿಗುತ್ತದೆ. ಅಲ್ಲಿಗೆ ಸಮೀಪದಲ್ಲಿದೆ ರಂಗನಾಥನ ಸನ್ನಿಧಿ. ದಾವಣಗೆರೆಯಿಂದ ಸುಮಾರು 20 ಕಿ.ಮೀ ದೂರದಲ್ಲಿದೆ. PC: facebook ಸೂರ್ಯನ ಸಾರಥಿ ಅರುಣ ಶಾಪಗ್ರಸ್ಥನಾಗಿ ಹೆಳವನಾಗಿದ್ದನಂತೆ. ಹಸುವಿನ ಮೈ ತೊಳೆಯಲು ಹೆಳವನು ಒಂದು ಕಟ್ಟೆಯನ್ನು ನಿರ್ಮಿಸಿದ್ದನಂತೆ. ಹಾಗಾಗಿ ಇಲ್ಲಿಗೆ ಹೆಳವನ ಕಟ್ಟೆ ಎನ್ನಲಾಗುತ್ತದೆ. ಇಲ್ಲಿ ರಂಗನಾಥ ಸ್ವಾಮಿ ನೆಲೆಸಿರುವುದು ತಿಳಿದುಬಂದಿದ್ದು ಹಸುವಿನಿಂದ ಎನ್ನಲಾಗುತ್ತದೆ. PC: facebook ಹೆಳವ ತಾನು ಮೇಯಿಸುತ್ತಿದ್ದ ದನಗಳನ್ನು ಯಜಮಾನದ ಮನೆಗೆ ಹೋಗಿ ಬಿಡುತ್ತಿದ್ದ ಆಗ ಎಲ್ಲಾ ಹಸುಗಳು ಹಾಲನ್ನು ನೀಡುತ್ತಿದ್ದವು ಆದರೆ ಒಂದು ಹಸು ಮಾತ್ರ ಹಾಲು ನೀಡುತ್ತಿರಲಿಲ್ಲವಂತೆ. ಈ ಬಗ್ಗೆ ಪರೀಕ್ಷಿಸಿದಾಗ ಹಸು ರಂಗನಾಥ ಸ್ವಾಮಿಗೆ ಹಾಲು ಅರ್ಪಿಸುತ್ತಿದ್ದದು ಬೆಳಕಿಗೆ ಬರುತ್ತದೆ. PC: facebookಒಂದು ದಿನ ಸಾದ್ವಿ ಒಬ್ಬರು ಇಲ್ಲಿಗೆ ಭೇಟಿ ನೀಡಿ ರಂಗನಾಥನ ಸೇವೆ ಮಾಡುತ್ತಾಳೆ. ಆಕೆ ಇಲ್ಲಿಗೆ ಬಂದ ನಂತರ ಈ ಸ್ಥಳ ಪ್ರಖ್ಯಾತವಾಗಿದದ್ದು. ಆ ಸಾದ್ವಿಯ ಹೆಸರು ಹೆಳವನಕಟ್ಟೆ ಗಿರಿಯಮ್ಮ. PC: facebook ಗಿರಿಯಮ್ಮ ವಾಸಮಾಡುತ್ತಿದ್ದ ಮಲೆಬೆನ್ನೂರಿನ ಮನೆಯಲ್ಲಿ ಇಂದಿಗೂ ಬೃಂದಾವನವನ್ನು ಕಾಣಬಹುದು. ಇಲ್ಲಿ ಸಾಕಷ್ಟು ಗೀತೆಗಳನ್ನು ರಚಿಸಿದ್ದಾರಂತೆ. ರಂಗಸ್ಪರಣೆಯಲ್ಲೇ ಬದುಕನ್ನು ಕಳೆಯುತ್ತಿದ್ದರಂತೆ. PC: facebookಕಮ್ಮಾರಗಟ್ಟೆ ಎನ್ನುವ ಸ್ಥಳದಲ್ಲಿ ಬುಡಮೇಲಾದ ಹುಣಸೆ ಮರದ ಕೆಳಗೆ ದೇಹತ್ಯಾಗ ಮಾಡಿದರು ಎನ್ನಲಾಗುತ್ತದೆ. ಈಗಲೂ ಆ ಬುಡಮೇಲಾದ ಹುಣಸೆಮರವನ್ನು ಕಾಣಬಹುದು. PC: facebookಇಲ್ಲಿ ಶಿವ, ಮಹಾಲಕ್ಷ್ಮೀಯನ್ನೂ ಪೂಜಿಸಲಾಗುತ್ತದೆ. ಇನ್ನೂ ಇಲ್ಲಿಗೆ ಬರುವ ಭಕ್ತರಿಗೆ ಉಳಿಯಲು ರಂಗನಾಥ ಆಶ್ರಮದಲ್ಲಿ ಉಚಿತ ವ್ಯವಸ್ಥೆಯೂ ಇದೆ.