Click it and Unblock the Notifications
ಐಆರ್ಸಿಟಿಸಿ (IRCTC) ಪ್ರವಾಸಿಗರಿಗೆ "ಗುರುಕೃಪಾ ಯಾತ್ರಾ ಪ್ರವಾಸ ಪ್ಯಾಕೇಜ್" ಅನ್ನು ಪರಿಚಯಿಸಿದೆ. ಈ ಪ್ರವಾಸ ಪ್ಯಾಕೇಜ್ ಅನ್ನು ದೇಖೋ ಅಪ್ನಾ ದೇಶ್ ಅಡಿಯಲ್ಲಿ ಪರಿಚಯಿಸಲಾಗಿದೆ. ಪ್ರವಾಸದ ಪ್ಯಾಕೇಜ್ 10 ದಿನಗಳವರೆಗೆ ಇರುತ್ತದೆ. ಈ ಟೂರ್ ಪ್ಯಾಕೇಜ್ನ ಆರಂಭಿಕ ಬೆಲೆ 19,650 ರೂ. ಐಆರ್ಸಿಟಿಸಿ ದೇಶ ಮತ್ತು ವಿದೇಶದ ಪ್ರವಾಸಿಗರಿಗೆ ಪ್ರವಾಸ ಪ್ಯಾಕೇಜ್ಗಳನ್ನು ನೀಡುತ್ತಿರುತ್ತದೆ ಎಂಬುದು ಗಮನಾರ್ಹ. ಈ ಪ್ರವಾಸ ಪ್ಯಾಕೇಜ್ಗಳ ಮೂಲಕ, ಪ್ರವಾಸಿಗರು ಅಗ್ಗವಾಗಿ ಮತ್ತು ಅನುಕೂಲಕರವಾಗಿ ಪ್ರಯಾಣಿಸುತ್ತಾರೆ ಮತ್ತು ಪ್ರವಾಸೋದ್ಯಮವು ಸಹ ಪ್ರಚಾರಗೊಳ್ಳುತ್ತದೆ. ಐಆರ್ಸಿಟಿಸಿ ಪ್ರವಾಸದ ಪ್ಯಾಕೇಜ್ಗಳಲ್ಲಿ ಪ್ರವಾಸಿಗರಿಗೆ ವಸತಿ ಮತ್ತು ಆಹಾರ ಉಚಿತವಾಗಿದೆ. ಅನೇಕ ಪ್ರವಾಸ ಪ್ಯಾಕೇಜ್ಗಳಲ್ಲಿ, ಪ್ರವಾಸಿಗರಿಗೆ ಪ್ರಯಾಣ ವಿಮೆಯ ಸೌಲಭ್ಯವನ್ನು ಸಹ ಒದಗಿಸಲಾಗಿದೆ. ಅಂದಹಾಗೆ ಐಆರ್ಸಿಟಿಸಿಯ ಗುರುಕೃಪಾ ಟೂರ್ ಪ್ಯಾಕೇಜ್ 9 ರಾತ್ರಿಗಳು ಮತ್ತು 10 ದಿನಗಳು ಇರುತ್ತದೆ.
ಏನೆಲ್ಲಾ ನೋಡಬಹುದು?
ಸಿಖ್ ಅನುಯಾಯಿಗಳು ತಮ್ಮ ಜೀವನದಲ್ಲಿ ಒಮ್ಮೆಯಾದರೂ 5 ತಖ್ತ್ ಸಾಹಿಬ್ಗೆ ಭೇಟಿ ಕೊಡಲು ಬಯಸುತ್ತಾರೆ. ಈ ಹಿನ್ನೆಲೆಯಲ್ಲಿ ಭಾರತೀಯ ರೈಲ್ವೆ ಸಿಖ್ ಧರ್ಮದ ಭಕ್ತರಿಗೆ ದೊಡ್ಡ ಕೊಡುಗೆ ನೀಡಿದೆ. ನವೆಂಬರ್-ಡಿಸೆಂಬರ್ ತಿಂಗಳಲ್ಲಿ 5 ತಖ್ತ್ಗಳಿಗೆ ಭೇಟಿ ನೀಡಲು ಐಆರ್ಸಿಟಿಸಿ ಸಿಖ್ ಭಕ್ತರಿಗೆ ಕೈಗೆಟುಕುವ ಪ್ಯಾಕೇಜ್ಗಳೊಂದಿಗೆ ಬಂದಿದೆ. ಐಆರ್ಸಿಟಿಸಿಯ ಈ ಪ್ರವಾಸದ ಪ್ಯಾಕೇಜ್ನ ಹೆಸರು "ಗುರು ಕೃಪಾ ಯಾತ್ರಾ". ಈ ಪ್ರವಾಸದ ಪ್ಯಾಕೇಜ್ನಲ್ಲಿ ಪ್ರಯಾಣಿಕರು ನಾಂದೇಡ್ ಹಜೂರ್ ಸಾಹಿಬ್, ಹರ್ಮಿಂದರ್ ಸಾಹಿಬ್, ಕೇಶ್ಗಢ ಸಾಹಿಬ್, ಶ್ರೀ ಅಕಲ್ ತಖ್ತ್ ಸಾಹಿಬ್ (ಅಮೃತಸರ) ಮತ್ತು ಶ್ರೀ ದಮದಾಮ ಸಾಹಿಬ್ಗೆ ಭೇಟಿ ನೀಡಬಹುದು. ಪ್ಯಾಕೇಜ್ ಅನ್ನು ಬುಕ್ ಮಾಡಲು, ನೀವು ಅಧಿಕೃತ ವೆಬ್ಸೈಟ್ www.irctctourism.com/pacakage ಗೆ ಹೋಗಬೇಕು. ಅಗತ್ಯ ವಿವರಗಳನ್ನು ನಮೂದಿಸುವ ಮೂಲಕ ನಿಮ್ಮ ಟಿಕೆಟ್ ಅನ್ನು ದೃಢೀಕರಿಸಬಹುದು. ಟಿಕೆಟ್ ದೃಢೀಕರಣದ ನಂತರ ಯಾವ ಸಮಯಕ್ಕೆ ತಲುಪಬೇಕೆಂದು ಸಲಹೆ ನೀಡಲಾಗುತ್ತದೆ.
ಹೀಗೆ ಬುಕ್ ಮಾಡಿ...
ಭಾರತೀಯ ರೈಲ್ವೇ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮ ಲಿ.(IRCTC) ಕಾಲಕಾಲಕ್ಕೆ ಉತ್ತಮ ಪ್ರವಾಸ ಪ್ಯಾಕೇಜ್ಗಳೊಂದಿಗೆ ಬರುತ್ತದೆ. ಈ ಪ್ರವಾಸದ ಪ್ಯಾಕೇಜ್ಗಳು ಪ್ರಯಾಣವನ್ನು ಇಷ್ಟಪಡುವ ಜನರಿಗೆ ತುಂಬಾ ಉಪಯುಕ್ತವಾಗಿವೆ, ಇದರಲ್ಲಿ ಪ್ರಯಾಣಿಕರಿಗೆ ಹಲವಾರು ಮೂಲಭೂತ ಸೌಲಭ್ಯಗಳನ್ನು ಸಹ ಒದಗಿಸಲಾಗಿದೆ. ಈ ಬಾರಿ ಸಿಖ್ ಧರ್ಮಕ್ಕೆ ಸಂಬಂಧಿಸಿದ ಪವಿತ್ರ ಸ್ಥಳಗಳಿಗೆ ಭೇಟಿ ನೀಡಲು ಅವಕಾಶವನ್ನು ನೀಡಲಾಗುತ್ತಿದೆ. ಇದರ ಮೂಲಕ ಭಾರತದ ಪ್ರಸಿದ್ಧ ಗುರುದ್ವಾರಗಳನ್ನು ನೋಡಲು ನಿಮ್ಮನ್ನು ಕರೆದೊಯ್ಯಲಾಗುತ್ತದೆ. ಇದು ಸಿಖ್ ಭಕ್ತರಿಗೆ ಉತ್ತಮ ಕೊಡುಗೆಯಾಗಿದೆ. ಈ ಪ್ರವಾಸದ ಪ್ಯಾಕೇಜ್ ಮತ್ತು ಟಿಕೆಟ್ಗಳನ್ನು ಐಆರ್ಸಿಟಿಸಿಯ ಅಧಿಕೃತ ವೆಬ್ಸೈಟ್ ಮೂಲಕ ಬುಕ್ ಮಾಡಬಹುದು. ಇದರೊಂದಿಗೆ ಪ್ರವಾಸಿಗರು 9321901804 ಸಂಖ್ಯೆಗೆ ಕರೆ ಮಾಡುವ ಮೂಲಕ ಈ ಪ್ರವಾಸ ಪ್ಯಾಕೇಜ್ ಅನ್ನು ಬುಕ್ ಮಾಡಬಹುದು.
ಕ್ಯಾನ್ಸಲ್ ಮಾಡುವುದಾದರೆ...
ಪ್ರವಾಸದ ಪ್ರಾರಂಭದ 15 ದಿನಗಳ ಮೊದಲು ನಿಮ್ಮ ಟಿಕೆಟ್ ಅನ್ನು ನೀವು ರದ್ದುಗೊಳಿಸಿದರೆ, ಪ್ಯಾಕೇಜ್ ದರದಿಂದ ರೂ 250 ಕಡಿತಗೊಳಿಸಲಾಗುತ್ತದೆ. ಪ್ಯಾಕೇಜ್ ಪ್ರಾರಂಭವಾಗುವ 8 ರಿಂದ 14 ದಿನಗಳ ಮೊದಲು ಟಿಕೆಟ್ ಅನ್ನು ರದ್ದುಗೊಳಿಸಿದರೆ, ಪ್ಯಾಕೇಜ್ ವೆಚ್ಚದಿಂದ 25 ಪ್ರತಿಶತ ಕಡಿತಗೊಳಿಸಲಾಗುತ್ತದೆ. ಪ್ಯಾಕೇಜ್ ಪ್ರಾರಂಭವಾಗುವ 04 ರಿಂದ 07 ದಿನಗಳ ಮೊದಲು ಟಿಕೆಟ್ ಅನ್ನು ರದ್ದುಗೊಳಿಸಿದರೆ, ಪ್ಯಾಕೇಜ್ ದರದ 50 ಪ್ರತಿಶತ ಕಡಿತಗೊಳಿಸಲಾಗುತ್ತದೆ. ಪ್ಯಾಕೇಜ್ ಪ್ರಾರಂಭವಾಗುವ 4 ದಿನಗಳ ಮೊದಲು ನೀವು ಪ್ಯಾಕೇಜ್ ಟಿಕೆಟ್ ಅನ್ನು ರದ್ದುಗೊಳಿಸಿದರೆ ಪ್ಯಾಕೇಜ್ ಟಿಕೆಟ್ಗೆ ನಿಮಗೆ ಒಂದು ರೂಪಾಯಿಯನ್ನು ಸಹ ನೀಡಲಾಗುವುದಿಲ್ಲ.
ಪ್ಯಾಕೇಜ್ ದರ
ಈ ಪ್ಯಾಕೇಜ್ ಅಡಿಯಲ್ಲಿ ಪ್ರಯಾಣಿಕರು ಭಾರತ್ ಗೌರವ್ ಟೂರಿಸ್ಟ್ ರೈಲಿನಲ್ಲಿ ಪ್ರಯಾಣಿಸಲು ಅವಕಾಶವನ್ನು ಪಡೆಯುತ್ತಾರೆ. ಐಆರ್ಸಿಟಿಸಿ ಈ ಪ್ಯಾಕೇಜ್ ಬಗ್ಗೆ ಟ್ವೀಟ್ ಮಾಡುವ ಮೂಲಕ ಮಾಹಿತಿ ನೀಡಿದೆ. ಈ ಪ್ರವಾಸದ ಪ್ಯಾಕೇಜ್ನಲ್ಲಿ ಒಟ್ಟು ಸೀಟುಗಳು 662. ಸ್ಲೀಪರ್ ವಿಭಾಗದಲ್ಲಿ 448, ಎಸಿ III ಯಲ್ಲಿ 172 ಮತ್ತು ಎಸಿ II ಗೆ 42 ಸೀಟುಗಳಿವೆ. ಟೂರ್ ಪ್ಯಾಕೇಜ್ನ ಬೋರ್ಡಿಂಗ್ ಮತ್ತು ಡಿಬೋರ್ಡಿಂಗ್ ದಾದರ್, ಥಾಣೆ ಮತ್ತು ಕಲ್ಯಾಣ್ ಜಂಕ್ಷನ್ನಿಂದ ಇರುತ್ತದೆ. ಈ ಟೂರ್ ಪ್ಯಾಕೇಜ್ನ ಸ್ಲಿಪರ್ ಕ್ಲಾಸ್ನಲ್ಲಿ ನೀವು ಪ್ರಯಾಣಿಸಿದರೆ ಪ್ರತಿ ವ್ಯಕ್ತಿಗೆ 19,650 ರೂ., ಎಸಿ III ಯಲ್ಲಿ ಪ್ರಯಾಣಿಸಿದರೆ ತಲಾ 28,505 ರೂ. ಎಸಿ II ನಲ್ಲಿ ಪ್ರಯಾಣಿಸಿದರೆ ಪ್ರತಿ ವ್ಯಕ್ತಿಗೆ 38,770 ರೂ. ಪಾವತಿಸಬೇಕಾಗುತ್ತದೆ.
