ಬಾಹುಬಲಿಯ ಸಿಂಹಾಸನದಿಂದ ದೇವಸೇನಾ ಜೈಲಿನವರೆಗೆ…ಸುಂದರವಾದ ರಾಮೋಜಿ ಫಿಲ್ಮ್‌ ಸಿಟಿಯಲ್ಲಿ ನೋಡಿ, ಮಳೆಗಾಲವನ್ನು ಆನಂದಿಸಿ

ಯಾರೇ ಆಗಲಿ ಸಾಮಾನ್ಯವಾಗಿ ಸಿನಿಮಾಗಳಲ್ಲಿ ಕಂಡಂತಹ ದೃಶ್ಯವನ್ನು ತಮ್ಮ ರಿಯಲ್ ಲೈಫ್ ನಲ್ಲಿ ನೋಡಬೇಕೆಂದು ಬಯಸುತ್ತಾರೆ. ಇನ್ನು ಆಗಿನ ಕಾಲದಲ್ಲೇ ಅಣ್ಣಾವ್ರು ಯಾವುದೇ ಚಿತ್ರದಲ್ಲಿ ನಟಿಸಿದರೂ ಆ ಸಿನಿಮಾದಲ್ಲಿ ತೋರಿಸಿದ ದೇವಸ್ಥಾನ, ತೋಟ, ಕೋಟೆ, ಊರುಗಳನ್ನು ನೋಡಲು ಜನರು ಬಯಸುತ್ತಿದ್ದರು. ಇನ್ನು ಈಗಿನ ಜಮಾನದಲ್ಲಿ ಮುಂಗಾರು ಮಳೆ ಸಿನಿಮಾ ಬಿಡುಗಡೆಯಾದಾಗ ಜೋಗ ಜಲಪಾತದ ವೈಭವವನ್ನು ಕಣ್ತುಂಬಿಕೊಂಡವರು ಆ ನಂತರ ಫಾಲ್ಸ್ ನೋಡಲು ನಾ ಮುಂದು, ತಾ ಮುಂದು ಎಂಬಂತೆ ದಾಂಗುಡಿಯಿಟ್ಟರು. ಇನ್ನು ನಮ್ಮೂರ ಮಂದಾರ ಹೂವೆಯಲ್ಲಿ ತೋರಿಸಿದ ಯಾಣ, ಡಾ.ವಿಷ್ಣುವರ್ಧನ್ ಅಭಿನಯದ ನಾಗರಹಾವು ಚಿತ್ರದಲ್ಲಿನ ಚಿತ್ರದುರ್ಗದ ಕೋಟೆ ಹೀಗೆ ಹೇಳುತ್ತಾ ಹೋದರೆ ಬಹಳಷ್ಟು ಉದಾಹರಣೆಗಳಿವೆ.ಕಳೆದ ಕೆಲವು ವರ್ಷಗಳಿಂದ ಶೂಟಿಂಗ್ ಸೆಟ್ ಗಳು ಸಹ ಬಹಳಷ್ಟು ಜನಪ್ರಿಯತೆ ಪಡೆದುಕೊಂಡಿವೆ. ಇದೀಗ ಇವುಗಳನ್ನು ನೀವು ಸಿನಿಮಾದಲ್ಲಿ ಮಾತ್ರವಲ್ಲ, ನಿಜ ಜೀವನದಲ್ಲಿಯೂ ನೋಡಬಹುದು. ಹೌದು, ಸಿನಿಮಾ ಶೂಟಿಂಗ್ ನ ಕೆಲವು ಸೆಟ್ ಗಳನ್ನು ನೋಡಲು ಅವಕಾಶ ಕಲ್ಪಿಸಲಾಗಿದ್ದು, ಜನರು ಎಲ್ಲಾ ಕಾಲದಲ್ಲಿಯೂ ಅವುಗಳನ್ನು ವೀಕ್ಷಿಸಿಬಹುದು. ಆದರೆ ಇಂದು ಈ ಲೇಖನದಲ್ಲಿ ದೇಶ ಮಾತ್ರವಲ್ಲದೆ, ಪ್ರಪಂಚದಾದ್ಯಂತ ಜನಪ್ರಿಯತೆ ಪಡೆದಿರುವ ಒಂದು ಫಿಲ್ಮ್ ಸಿಟಿಯ ಪರಿಚಯ ಮಾಡಿಕೊಡುತ್ತಿದ್ದೇವೆ. ಬನ್ನಿ ಹಾಗಾದರೆ ಆ ಫಿಲ್ಮ್ ಸಿಟಿ ಯಾವುದು? ಅದು ಎಲ್ಲಿದೆ? ಅಲ್ಲಿ ಶೂಟ್ ಆಗಿರುವ ಸಿನಿಮಾಗಳು ಯಾವುವು ಇತ್ಯಾದಿ ಮಾಹಿತಿಗಳನ್ನು ನೋಡೋಣ...ರಾಮೋಜಿ ನಗರಕ್ಕೆ ಪ್ರಯಾಣಈ ಮಳೆಗಾಲದಲ್ಲಿ ನೀವು ನಿಮ್ಮ ಕುಟುಂಬ ಅಥವಾ ಸ್ನೇಹಿತರೊಂದಿಗೆ ರಾಮೋಜಿ ನಗರಕ್ಕೆ ಹೋಗಬಹುದು. ಏಕೆಂದರೆ ಇದು ಫಿಲ್ಮ್ ಸಿಟಿ ಆಗಿದ್ದು, ಇಲ್ಲಿ ಅನೇಕ ಚಿತ್ರಗಳ ಸೆಟ್ ಗಳನ್ನು ಹಾಕಲಾಗಿದೆ. ಮಳೆ ಮತ್ತು ಚಳಿಗಾಲದಲ್ಲಿ ಇಲ್ಲಿಗೆ ಹೋಗಲು ಉತ್ತಮವೆಂದು ಪರಿಗಣಿಸಲಾಗಿದೆ. ಏಕೆಂದರೆ ಬೇಸಿಗೆ ಕಾಲದಲ್ಲಿ ಹೈದರಾಬಾದಿನಲ್ಲಿ ಉಷ್ಣಾಂಶ ಹೆಚ್ಚಾಗುವುದರಿಂದ ಜನರು ಆ ಸಮಯದಲ್ಲಿ ಬರಲು ಹಿಂಜರಿಯುತ್ತಾರೆ.ವಿನ್ಯಾಸಗೊಳಿಸಿದವರು ಯಾರು?ರಾಮೋಜಿ ರಾವ್ ಫಿಲ್ಮ್ ಸಿಟಿ ಭಾರತದಲ್ಲಿ ಮಾತ್ರವಲ್ಲ ಇಡೀ ವಿಶ್ವದಲ್ಲೇ ನಂಬರ್ ಒನ್. ಹಾಲಿವುಡ್ ಕೂಡ ಇದರ ಮುಂದೆ ಏನೂ ಇಲ್ಲ. ಇದನ್ನು 1996 ರಲ್ಲಿ ಪ್ರಾರಂಭಿಸಲಾಯಿತು. ಹೈದರಾಬಾದ್ ನಲ್ಲಿರುವ ರಾಮೋಜಿ ರಾವ್ ಫಿಲ್ಮ್ ಸಿಟಿಯು ಒಟ್ಟು 1666 ಎಕರೆ ಪ್ರದೇಶದಲ್ಲಿ ಹರಡಿಕೊಂಡಿದೆ. ಇದನ್ನು ಖ್ಯಾತ ಕಲಾ ನಿರ್ದೇಶಕ ನಿತೀಶ್ ರಾಯ್ ವಿನ್ಯಾಸಗೊಳಿಸಿದ್ದಾರೆ. ಇಲ್ಲಿ ಅನೇಕ ಫಿಲ್ಮ್ ಸೆಟ್ ಗಳು, ಥೀಮ್ ಪಾರ್ಕ್ ಗಳು ಮತ್ತು ಸಾಕಷ್ಟು ಮನರಂಜನಾ ಸೌಲಭ್ಯಗಳಿವೆ. ಪ್ರತಿ ವರ್ಷ ಲಕ್ಷಾಂತರ ಜನರು ಈ ಫಿಲ್ಮ್ ಸಿಟಿಯನ್ನು ನೋಡಲು, ತಮ್ಮ ಸ್ನೇಹಿತರೊಂದಿಗೆ ಆನಂದಿಸಲು ಇಲ್ಲಿಗೆ ಬರುತ್ತಾರೆ.ಚಿತ್ರೀಕರಣಗೊಂಡ ಮೊದಲ ಚಿತ್ರಇಲ್ಲಿಯವರೆಗೆ ಬಾಲಿವುಡ್ ನಿಂದ ದಕ್ಷಿಣ ಚಿತ್ರರಂಗದವರೆಗೆ ಅನೇಕ ಉತ್ತಮ ಚಿತ್ರಗಳು ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಚಿತ್ರೀಕರಣಗೊಂಡಿವೆ. ಆದರೆ, ಇಲ್ಲಿ ಚಿತ್ರೀಕರಣಗೊಂಡ ಮೊದಲ ಚಿತ್ರ ಯಾವುದು ಗೊತ್ತಾ? 1997ರಲ್ಲಿ ತೆರೆಕಂಡ ತೆಲುಗು ಚಿತ್ರ ಮಾ ನನ್ನಕು ಪೆಲ್ಲಿ300 ಚಲನಚಿತ್ರಗಳ ಚಿತ್ರೀಕರಣರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಯಾವುದಾದರೊಂದು ಚಿತ್ರದ ಶೂಟಿಂಗ್ ನಿರಂತರವಾಗಿ ನಡೆಯುತ್ತದೆ. ಶೂಟಿಂಗ್ ಇಲ್ಲಿ ನಿಲ್ಲುವುದಿಲ್ಲ. ಇಲ್ಲಿ ಏಕಕಾಲಕ್ಕೆ 15ರಿಂದ 25 ಚಿತ್ರಗಳ ಚಿತ್ರೀಕರಣ ಮಾಡಬಹುದು. ಮಾಧ್ಯಮ ವರದಿಗಳ ಪ್ರಕಾರ, ಹೈದರಾಬಾದ್ ನ ಹೊರವಲಯದಲ್ಲಿರುವ ಈ ಫಿಲ್ಮ್ ಸಿಟಿಯಲ್ಲಿ ಒಂದು ವರ್ಷದಲ್ಲಿ ಸುಮಾರು 300 ಚಲನಚಿತ್ರಗಳನ್ನು ಚಿತ್ರೀಕರಿಸಲಾಗುತ್ತದೆ.2500 ಕ್ಕೂ ಹೆಚ್ಚು ಚಿತ್ರಗಳ ಶೂಟಿಂಗ್ 1997ರಿಂದ ಕಳೆದ 26 ವರ್ಷಗಳಲ್ಲಿ ರಾಮೋಜಿ ಫಿಲಂ ಸಿಟಿಯಲ್ಲಿ ಹಲವು ಸಿನಿಮಾಗಳ ಚಿತ್ರೀಕರಣ ನಡೆದಿದೆ. ದಕ್ಷಿಣ ಭಾರತ ಮತ್ತು ಬಾಲಿವುಡ್ ನ ಅನೇಕ ಬ್ಲಾಕ್ ಬಸ್ಟರ್ ಚಿತ್ರಗಳು ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಚಿತ್ರೀಕರಣಗೊಂಡಿವೆ. ಇಲ್ಲಿಯವರೆಗೆ 2500 ಕ್ಕೂ ಹೆಚ್ಚು ಚಿತ್ರಗಳನ್ನು ಇಲ್ಲಿ ಚಿತ್ರೀಕರಿಸಲಾಗಿದೆ ಎಂದು ಹೇಳಲಾಗುತ್ತದೆ. ದಕ್ಷಿಣ ಮತ್ತು ಬಾಲಿವುಡ್ ನ ಹಲವು ಅತ್ಯುತ್ತಮ ಚಿತ್ರಗಳು ಸಹ ಇದರಲ್ಲಿ ಚಿತ್ರೀಕರಣಗೊಂಡಿವೆ. ರಾಮೋಜಿ ಫಿಲ್ಮ್ ಸಿಟಿಯು ಬಾಹುಬಲಿ, ಬಾಹುಬಲಿ 2 ದಿ ಕನ್ ಕ್ಲೂಷನ್, ಪುಷ್ಪಾ ದಿ ರೈಸ್, ಚೆನ್ನೈ ಎಕ್ಸ್ ಪ್ರೆಸ್, ಯಮ್ಲಾ ಪಾಗ್ಲಾ ದೀವಾನಾ, ಆರ್ ಆರ್ ಆರ್, ಸಾಹೋ ಮತ್ತು ಹನುಮಾನ್ ಸೇರಿದಂತೆ ಅನೇಕ ಸ್ಮರಣೀಯ ಚಿತ್ರಗಳ ಶೂಟಿಂಗ್ ಸ್ಥಳವಾಗಿದೆ.ಏನೆಲ್ಲಾ ಸೌಲಭ್ಯಗಳಿವೆ?ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಚಿತ್ರಗಳ ಚಿತ್ರೀಕರಣ ಮಾತ್ರವಲ್ಲದೆ ಸ್ಟಾರ್ ಗಳಿಗೆ ಐಷಾರಾಮಿ ಹೋಟೆಲ್ ಸೌಲಭ್ಯವೂ ಇದೆ. ಅವರ ವಾಸ್ತವ್ಯದಿಂದ ಹಿಡಿದು ಊಟ-ಪಾನೀಯಗಳವರೆಗೆ ಎಲ್ಲಾ ವ್ಯವಸ್ಥೆಗಳನ್ನು ಫಿಲ್ಮ್ ಸಿಟಿಯಲ್ಲಿಯೇ ಮಾಡಲಾಗಿದೆ. ಇಲ್ಲಿ ಚಿತ್ರಗಳ ಚಿತ್ರೀಕರಣದ ಜೊತೆಗೆ ನಿರ್ಮಾಣ ಮತ್ತು ಡಬ್ಬಿಂಗ್ ಕೂಡ ನಡೆಯುತ್ತದೆ.ರಾಜ ಮಹಾರಾಜರ ಕೋಟೆಯ ಸೆಟ್ಇಷ್ಟೇ ಅಲ್ಲ, ಮದುವೆಯಾದ ಕೆಲವೇ ತಿಂಗಳುಗಳ ನಂತರ ಇಲ್ಲಿಗೆ ಬಂದು ತಮ್ಮ ಸಂಗಾತಿಯೊಂದಿಗೆ ಸ್ಮರಣೀಯ ಕ್ಷಣಗಳನ್ನು ಕಳೆಯುವ ಜೋಡಿಗಳು ಅನೇಕ. ಈ ಫಿಲ್ಮ್ ಸಿಟಿಯಲ್ಲಿ ರಾಜ ಮಹಾರಾಜರ ಕೋಟೆಯ ಸೆಟ್ ಅನ್ನು ನೀವು ನೋಡಬಹುದು ಮತ್ತು ನಿಮ್ಮ ಸ್ನೇಹಿತರೊಂದಿಗೆ ಸುಂದರವಾದ ಚಿತ್ರಗಳನ್ನು ಕ್ಲಿಕ್ ಮಾಡಬಹುದು. ಬೆಳಗ್ಗೆ 9ರಿಂದ ಸಂಜೆ 5ರವರೆಗೆ ಇಲ್ಲಿಗೆ ಬರಬಹುದು.ರೈಲಿನಲ್ಲಿ ಬರುವುದಾದರೆ...ಇಲ್ಲಿಗೆ ಬರಲು ನೀವು ರೈಲನ್ನು ಬಳಸುವುದಾದರೆ ಸಿಕಂದರಾಬಾದ್ ರೈಲು ನಿಲ್ದಾಣಕ್ಕೆ ಯಾವುದೇ ರೈಲನ್ನು ಹತ್ತಬಹುದು. ಸಿಕಂದರಾಬಾದ್ ರೈಲು ನಿಲ್ದಾಣ ಮಾತ್ರವಲ್ಲದೆ, ಕಾಚೆಗುಡ ರೈಲು ನಿಲ್ದಾಣ, ನಾಂಪಲ್ಲಿ ರೈಲು ನಿಲ್ದಾಣ ಕೂಡ ಹತ್ತಿರದಲ್ಲಿದೆ. ಈ ರೈಲು ನಿಲ್ದಾಣಗಳಿಂದ ನೀವು ಟ್ಯಾಕ್ಸಿ ಅಥವಾ ಬಸ್ ನ ಸಹಾಯದಿಂದ ರಾಮೋಜಿ ಫಿಲ್ಮ್ ಸಿಟಿಯನ್ನು ತಲುಪಬಹುದು.ವಿಮಾನದಲ್ಲಿ ಬರುವುದಾದರೆಇನ್ನು ವಿಮಾನ ನಿಲ್ದಾಣದ ಬಗ್ಗೆ ಮಾತನಾಡುವುದಾದರೆ, ರಾಮೋಜಿ ಫಿಲ್ಮ್ ಸಿಟಿಯನ್ನು ತಲುಪಲು ಹೈದರಾಬಾದ್ ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ವಿಮಾನದಲ್ಲಿ ಬರಬಹುದು. ನೀವು ಟ್ಯಾಕ್ಸಿ ಅಥವಾ ಬಸ್ ನ ಸಹಾಯದಿಂದ ವಿಮಾನ ನಿಲ್ದಾಣದಿಂದ ರಾಮೋಜಿ ಫಿಲ್ಮ್ ಸಿಟಿಯನ್ನು ತಲುಪಬಹುದು. ಇಲ್ಲಿ ನೀವು ಅನೇಕ ಸ್ಥಳಗಳಿಗೆ ಭೇಟಿ ನೀಡಬಹುದು ಮತ್ತು ವೀಕ್ಷಿಸಬಹುದು ಮತ್ತು ಸ್ನೇಹಿತರೊಂದಿಗೆ ಮೋಜು ಮಾಡಬಹುದು.