ರಹಸ್ಯಗಳಿಗೆ ಸಾಕ್ಷಿ... ದೌಲತಾಬಾದ್ ಕೋಟೆ!

ಔರಂಗಾಬಾದ್ ಗುಹೆಗಳು

ಔರಂಗಾಬಾದ್ ಗುಹೆಗಳು ಬಿಬಿ ಕಾ ಮಕ್‍ಗೆ ಉತ್ತರದಿಂದ ಸುಮಾರು 2 ಕಿ.ಮೀ ದೂರದಲ್ಲಿದೆ. ಅದ್ಭುತವಾದ ಈ ಗುಹೆಗಳು ಬೌದ್ಧ ಧರ್ಮಕ್ಕೆ ಸಂಬಂಧಿಸಿದೆ. ಇಲ್ಲಿನ ಗುಹೆಗಳು ಅತ್ಯಂತ ಪ್ರಾಚೀನವಾದುದಾಗಿದ್ದು, ಕ್ರಿ.ಶ 2 ನೇ ಶತಮಾನ ಅಥವಾ 7 ನೇ ಶತಮಾನದ ಮಧ್ಯಭಾಗದಲ್ಲಿ ನಿರ್ಮಾಣ ಮಾಡಿರಬಹುದು ಎಂದು ಲೆಕ್ಕಾಚಾರ ಹಾಕಲಾಗಿದೆ.

PC: C .SHELARE

ಔರಂಗಾಬಾದ್ ಗುಹೆಗಳು

ಇಲ್ಲಿನ ಗುಹೆಗಳು ಅತ್ಯಂತ ಆಕರ್ಷಣಿಯುತವಾಗಿದೆ. ಇವುಗಳ ವಾಸ್ತು ಶಿಲ್ಪವು ಹಿಂದೂ ಧರ್ಮದ ಶೈಲಿಯಲ್ಲಿ ಇರುವುದನ್ನು ಕಾಣಬಹುದು. ಅದ್ಭುತವಾದ ಆ ಗುಹೆಗಳ ಪ್ರವೇಶವನ್ನು ಪಡೆಯಬೇಕಾದರೆ ಭಾರತೀಯರಿಗೆ 10 ರೂಪಾಯಿಗಳು ಹಾಗು ವಿದೇಶಿಯರಿಗೆ 100 ರೂಪಾಯಿಗಳನ್ನು ನೀಡಬೇಕಾಗುತ್ತದೆ. ಈ ಗುಹೆಗಳನ್ನು ಕಾಣಲು ಬೆಳಗ್ಗೆ 9 ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ಪ್ರವೇಶಕ್ಕೆ ಅನುಮತಿ ಇದೆ.

PC: Ghumakkar Punit

ಬಿಬಿ ಕಾ ಮಕ್ ಬರ

ಬಿಬಿ ಕಾ ಮಕ್ ಬರ ಪ್ರಸಿದ್ಧವಾದ ಕಟ್ಟಡವಾಗಿದೆ. ಔರಂಗಾಬಾದ್‍ನಿಂದ 5 ಕಿ.ಮೀ ದೂರದಲ್ಲಿದೆ. ಇದನ್ನು ಔರಂಗಜೇಬ್ ಕುಮಾರನು ತನ್ನ ತಾಯಿಯಾದ ಬೆಗಂ ರಬಿಯಾ ದುರಾನಿಯ ಜ್ಞಾಪಕಾರ್ಥವಾಗಿ 1678 ರಲ್ಲಿ ನಿರ್ಮಾಣ ಮಾಡಿದನು. ಈ ಕಟ್ಟಡವನ್ನು ತಾಜ್ ಮಹಲ್‍ನಂತೆಯೇ ನಿರ್ಮಾಣ ಮಾಡಿದ್ದಾರೆ. ಈ ಸ್ಮಾರಕವು ತಾಜ್ ಮಹಲಿನಂತೆಯೇ ಇರುವುದರಿಂದ ಅಷ್ಟಾಗಿ ಪ್ರಸಿದ್ಧಿಯನ್ನು ಪಡೆಯಲಿಲ್ಲ.

PC:Arian Zwegers

ಬಿಬಿ ಕಾ ಮಕ್ ಬರ

ಈ ಅದ್ಭುತವಾದ ತಾಣಕ್ಕೆ ಭೇಟಿ ನೀಡಲು ಪ್ರವೇಶ ಸಮಯವೆಂದರೆ ಅದು ಬೆಳಗ್ಗೆ 8 ಗಂಟೆಯಿಂದ ಸಂಜೆ 6 ಗಂಟೆಯವರೆಗೆ. ಪ್ರವೇಶ ಶುಲ್ಕ: ಭಾರತೀಯರಿಗೆ 10 ರೂಪಾಯಿ ಹಾಗು ವಿದೇಶಿಯರಿಗೆ 100 ರೂಪಾಯಿಗಳನ್ನು ಪಾವತಿಸಿ ಪ್ರವೇಶಿಸಬೇಕಾಗುತ್ತದೆ.

PC: Shaikh Munir

ದೌಲತಾಬಾದ್ ಕೋಟೆ

ದೊಡ್ಡ ದೊಡ್ಡದಾದ ಕೋಟೆಗಳನ್ನು ಕಾಣುವುದಕ್ಕೆ ತೆರಳಿದಾಗ ಪ್ರವಾಸಿಗರಿಗೆ ಆಗುವ ಅನುಭವ ಜೀವನದಲ್ಲಿ ಎಂದೂ ಮರೆಯಲಾಗದಂತಹ ಅನುಭವವನ್ನು ನೀಡುತ್ತದೆ. ಕಡಿಮೆ ಜನರು ಇದ್ದ ಆ ಕಾಲದಲ್ಲಿ ಇಂತಹ ಸುಂದರವಾದ ಕಟ್ಟಡದ ನಿರ್ಮಾಣ ಹೇಗೆ ಮಾಡಿದರು ಎಂಬುದು ಸಾಮಾನ್ಯವಾಗಿ ಎಲ್ಲರಿಗೂ ಆಶ್ಚರ್ಯಗೊಳಿಸುವಂತಹದು. ನೂರಾರು ವರ್ಷಗಳ ಚರಿತ್ರೆಯನ್ನು ಕಂಡಿದೆ ಈ ಕಟ್ಟಡ. 800 ವರ್ಷಗಳಲ್ಲಿ 8 ರಾಜವಂಶಗಳು ಅಭಿವೃದ್ಧಿ ಹೊಂದಿರುವುದಕ್ಕೆ ಸಾಕ್ಷಿಯಾಗಿದೆ ಈ ಕೋಟೆ.

Todd vanGoethem

ಕೈಲಾಸ ದೇವಾಲಯ

16 ನೇ ಗುಹೆಯಲ್ಲಿ ಇರುವ ಈ ಕೈಲಾಸ ದೇವಾಲಯವು ಪ್ರಪಂಚದಲ್ಲಿಯೇ ಅತ್ಯಂತ ದೊಡ್ಡದಾದ ಏಕಶಿಲಾ ಶಿವಾಲಯವಾಗಿದೆ. ಈ ದೇವಾಲಯಕ್ಕೆ ಕಾಲು ಇಡುತ್ತಿದ್ದಂತೆ ನಮಗೆ ಕಾಣುವ ಭವ್ಯವಾದ ಧ್ವಜಸ್ತಂಭವು ನಮ್ಮನ್ನು ಸ್ವಾಗತಿಸುತ್ತದೆ. ಈ ಧ್ವಜಸ್ತಂಭದ ನಿರ್ಮಾಣಕ್ಕೆ ಸುಮಾರು 150 ವರ್ಷಗಳು ಬೇಕಾಯಿತಂತೆ. ಇದರ ನಿರ್ಮಾಣಕ್ಕೆ ಸುಮಾರು 7.000 ಕಾರ್ಮಿಕರು ಪಾಲ್ಗೊಂಡಿರಬಹುದು ಎಂದು ಹೇಳುತ್ತಾರೆ.

cool_spark

ಕೈಲಾಸ ದೇವಾಲಯ

ಸುಮಾರು 60.000 ಚದರ ಅಡಿ ವಿಸ್ತೀರ್ಣದಲ್ಲಿ ನಿರ್ಮಾಣ ಮಾಡಿರುವ ಈ ದೇವಾಲಯವು, 2 ಕಡೆಯಿಂದ 2 ಅಂತಸ್ತಿನ ನಿರ್ಮಾಣಗಳನ್ನು ಕಾಣಬಹುದು. ಈ ಸುಂದರವಾದ ಕೈಲಾಸ ಶಿವಾಲಯಕ್ಕೆ ಹಲವಾರು ಪ್ರವಾಸಿಗರು ಭೇಟಿ ನೀಡಲು ಬಯಸುತ್ತಾರೆ. ಇಲ್ಲಿ ರಾಮಾಯಣ, ಮಹಾಭಾರತದ ಕಥೆಯನ್ನು ಶಿಲ್ಪಗಳ ಮೂಲಕ ಕೆತ್ತನೆಗಳಿರುವುದನ್ನು ಕಾಣಬಹುದು. ಆಶ್ಚರ್ಯ ಏನಪ್ಪ ಎಂದರೆ ಆ ಕಾಲದಲ್ಲಿ ಒಂದು ಗೋಡೆಯ ಮೇಲೆ ಕೆತ್ತನೆ ಮಾಡಿರುವ ನಟರಾಜನ ವಿಗ್ರಹಕ್ಕೆ ಹಾಕಿರುವ ಬಣ್ಣ ಇಂದಿಗೂ ಇರುವುದನ್ನು ಕಾಣಬಹುದು.

ರಾಂಟೆಕ್ ದೇವಾಲಯ

ರಾಂಟೆಕ್ ಎಂಬ ಪ್ರದೇಶವು ರಾಮ, ಸೀತ ಮತ್ತು ಲಕ್ಷ್ಮಣ ತಮ್ಮ ಪ್ರಯಾಣದ ಕಾಲದಲ್ಲಿ ಕೆಲವು ಕಾಲ ಈ ಸ್ಥಳದಲ್ಲಿ ಕಳೆದಿದ್ದರು ಎಂದು ಹೇಳಲಾಗುತ್ತದೆ. ಇದನ್ನು ಒಂದು ಪುಣ್ಯ ಕ್ಷೇತ್ರವಾಗಿ ಗುರುತಿಸಲಾಗಿದೆ. ಇದು 600 ವರ್ಷಗಳ ಪುರಾತನವಾದ ದೇವಾಲಯವಾಗಿದೆ. ರಾಮನು ಈ ಪ್ರದೇಶದಲ್ಲಿ ಇದ್ದ ಕಾರಣಕ್ಕೆ ಇದನ್ನು ರಾಂಟೆಕ್ ಎಂದು ಕರೆಯುತ್ತಾರೆ. ಇಲ್ಲಿ ಇನ್ನು ಹಲವಾರು ಚಿಕ್ಕ ಚಿಕ್ಕ ದೇವಾಲಯವನ್ನು ಕೂಡ ಕಾಣಬಹುದಾಗಿದೆ.

Muk.khan