ಭಾರತದ ಸ್ಕಾಟ್ ಲ್ಯಾಂಡ್ ಎನಿಸಿರುವ ಕೂರ್ಗ್ ಗೆ ಚೆನ್ನೈ ನಿಂದ ಒಂದು ಪ್ರಯಾಣ

ವೆಲ್ಲೂರು

ಚೆನ್ನೈನಿಂದ ಕೊಡಗಿಗೆ ಹೋಗುವ ಮಾರ್ಗದಲ್ಲಿ 140 ಕಿಮೀ ದೂರದಲ್ಲಿ ಸಿಗುವ ಮೊದಲನೆಯ ಸ್ಥಳ ವೆಲ್ಲೂರು. ಶ್ರೀಪುರಮ್ ಗೋಲ್ಡನ್ ಟೆಂಪಲ್ ಇಲ್ಲಿ ನೆಲೆಸಿರುವ ಪ್ರಸಿದ್ದ ದೇವಾಲಯವಾಗಿದ್ದು ಇದು ವಿಶ್ವದ ಅತ್ಯಂತ ದೊಡ್ಡ ದೇವಾಲಯವಾಗಿದೆ. ಇದು ಪ್ರಾಚೀನ ವಾಸ್ತುಶಿಲ್ಪದ ಅದ್ಭುತವನ್ನು ಪ್ರದರ್ಶಿಸುತ್ತಾ ಚಿನ್ನದ ಹಾಳೆಗಳಿಂದ ಆವೃತವಾದ ಭವ್ಯವಾದ ರಚನೆಯಾಗಿ ನಿಂತಿದೆ.

ವೆಲ್ಲೂರು ಕೋಟೆಗೂ ಕೂಡಾ ನೀವು ಭೇಟಿ ನೀಡಬಹುದಾಗಿದ್ದು ಇದು 1857 ರ ದಂಗೆಯ ನೆನಪುಗಳನ್ನು ಹೊಂದಿದೆ, ಇದು ಮೊದಲ ಸ್ವಾತಂತ್ರ್ಯ ಸಂಗ್ರಾಮದ ಕೆಚ್ಚೆದೆಯ ವೀರರ ಚಿತ್ರಗಳನ್ನು ಹೊಂದಿದೆ. ಹೊರಗಿನ ಹುಲ್ಲುಹಾಸು ನಿಮ್ಮ ವಾಹನವನ್ನು ನಿಲ್ಲಿಸುವಾಗ ವಿಶ್ರಾಂತಿ ಪಡೆಯಲು ಸೂಕ್ತವಾದ ಸ್ಥಳವಾಗಿದೆ.

ಹೊಸೂರು

ವೆಲ್ಲೂರಿನಿಂದ 174 ಕಿಮೀ ಮುಂದೆ ಕೈಗಾರಿಕಾ ನಗರ ಹೊಸೂರು ಇದೆ. ಈ ವಾಣಿಜ್ಯ ಕೇಂದ್ರವು ಕೆಲವು ಉತ್ತಮ ಸ್ಥಳೀಯ ಆಹಾರ ಮಳಿಗೆಗಳು, ಇಂಧನ ತುಂಬುವ ಕೇಂದ್ರಗಳು ಮತ್ತು ಬೇಕಾಗುವ ಇತರ ಎಲ್ಲಾ ಸವಲತ್ತುಗಳನ್ನು ಇಲ್ಲಿ ಕಾಣಬಹುದಾಗಿದೆ. ಹೊಸೂರನ್ನು ಭಾರತದ ಲಿಟಲ್ ಇಂಗ್ಲೆಂಡ್ ಎಂದೂ ಕರೆಯುತ್ತಾರೆ. 500 ವರ್ಷಗಳಷ್ಟು ಹಳೆಯದಾದ ಪುರಾತನ ಮುರುಗನ್ ದೇವಾಲಯವು ಇದರ ಸಮೀಪದಲ್ಲಿದೆ ಮತ್ತು ದಾರಿಯುದ್ದಕ್ಕೂ ಭೇಟಿ ನೀಡಲೇಬೇಕು ಎನ್ನುವಂತಹ ಹಲವಾರು ಸ್ಥಳಗಳನ್ನು ಹೊಂದಿದೆ.

ಕೂರ್ಗ್

ಮೈಸೂರಿನಿಂದ 107 ಕಿಮೀ ಮುಂದೆ ಕೂರ್ಗ್ ಇದೆ. ತಣ್ಣನೆಯ ಮಂಜು ನಿಮ್ಮ ಇಂದ್ರಿಯಗಳನ್ನು ಸಂತೋಷಪಡಿಸುತ್ತದೆ. ಇಲ್ಲಿಯ ಆಹ್ಲಾದಕರವಾದ ವಾತಾವತಣವು ನಿಮ್ಮನ್ನು ಉಲ್ಲಾಸಗೊಳಿಸುತ್ತದೆ. ಪಶ್ಚಿಮ ಘಟ್ಟಗಳಲ್ಲಿ ನೆಲೆಸಿರುವ ಕೂರ್ಗ್ ತನ್ನ ನೈಸರ್ಗಿಕ ಇತಿಹಾಸವನ್ನು ಚೆನ್ನಾಗಿ ಸಂರಕ್ಷಿಸಿದೆ ಮತ್ತು ಸುತ್ತಲೂ ಕಾಣುವ ಸುವಾಸನೆಯ ಹಸಿರು ಇದಕ್ಕೆ ಉತ್ತಮ ಉದಾಹರಣೆಯಾಗಿದೆ. ನೀವು ಆಗಮನದ ಸಮಯದಲ್ಲಿ, ಕೂರ್ಗ್‌ನ ಸ್ಥಳೀಯ ಖಾದ್ಯ, ಕಡುಂಬುಟ್ಟು ಮತ್ತು ಪಾಂಡಿ ಕರಿ, ಆವಿಯಲ್ಲಿ ಬೇಯಿಸಿದ ಅಕ್ಕಿಯ ಖಾದ್ಯಗಳು ಮತ್ತು ಗ್ರೇವಿಯೊಂದಿಗೆ ಹಂದಿಮಾಂಸವನ್ನು ಪ್ರಯತ್ನಿಸಲು ಮರೆಯದಿರಿ.

ಅಬ್ಬೆ ಜಲಪಾತ

ಅಬ್ಬೆ ಜಲಪಾತವು ಕೂರ್ಗ್ ನಲ್ಲಿರುವ ಅತ್ಯಂತ ಅದ್ಬುತವಾದ ಜಲಪಾತವಾಗಿದ್ದು ಇದು ಕಾವೇರಿ ನದಿಯ ಬೆಟ್ಟಗಳ ಕಡಿದಾದ ಇಳಿಜಾರುಗಳಲ್ಲಿ ಕಾವೇರಿ ನದಿಯ ನೀರನ್ನು ಒಯ್ಯುತ್ತದೆ.

ತಲಕಾವೇರಿ ಮತ್ತು ಭಾಗಮಂಡಲ

ಕಾವೇರಿಯ ಜನ್ಮಸ್ಥಳವಾದ ತಲಕಾವೇರ್‍ಇಯು ಬ್ರಹ್ಮಗಿರಿ ಬೆಟ್ಟಗಳ ಇಳಿಜಾರಿನಲ್ಲಿ ನೆಲೆಸಿದ್ದು, ಇದು ತನ್ನಲ್ಲಿಯ ನೈಸರ್ಗಿಕ ಸೌಂದರ್ಯತೆ ಮತ್ತು ಯಾತ್ರಾಸ್ಥಳವಾಗಿದೆ.