ನವ ತಿರುಪತಿ ದೇವಾಲಯವೆಂದರೆ ಶ್ರೀ ಮಹಾ ವಿಷ್ಣುವನ್ನು ಪೂಜಿಸುವ ಒಂಬತ್ತು ದೇವಾಲಯಗಳು. ಈ ದೇವಾಲಯಗಳು ತಾಮಿರಭರಣಿ/ತಾಮಿರಪರಣಿ ನದಿಯ ಎರಡೂ ಬದಿಗಳಲ್ಲಿವೆ. ಈ ದೇವಾಲಯಗಳು 108 ದಿವ್ಯ ದೇಶಂ ಗಳಲ್ಲಿ ಗಮನಾರ್ಹವಾದವುಗಳಾಗಿವೆ. ಈ ಒಂಬತ್ತು ದೇವಾಲಯಗಳ ಯಾತ್ರೆ ಶ್ರೀವೈಕುಂಠಂ ನಲ್ಲಿ ಆರಂಭವಾಗಿ ಅಲ್ವಾರ್ತಿರುನಗರಿಯಲ್ಲಿ ಕೊನೆಗೊಳ್ಳುತ್ತದೆ. ಈ ಒಂಬತ್ತು ದೇವಾಲಯಗಳ ಹೆಸರುಗಳು ಇಂತಿವೆ : ಶ್ರೀವೈಕುಂಠಂ, ತುರುವರಗುಣಮಂಗೈ, ತಿರುಪುಲಿಂಕುಡಿ, ಇರೆಟ್ಟಾಯೈ ತಿರುಪತಿ, ತುಲೈವೆಲ್ಲಿ ಮಂಗಲಂ, ತಿರುಕುಳಂದೈ, ತುರುಪೆರೈ, ತುರುಕುಲೂರು-ವಿತ್ತಮಾನಿದೈ ಮತ್ತು ಅಲ್ವಾರ್ತಿರುನಗರಿ- ನಮಾಳವರ್. ಇತ್ತೀಚಿಗೆ ಟಿವಿಎಸ್ ಗುಂಪು / ಟಿವಿಎಸ್ ಗ್ರೂಪ್ ದೇವಾಲಯಗಳಿಗೆ ಒಂದು ಹೊಸ ನೋಟವನ್ನು ನೀಡುವುದಕ್ಕಾಗಿ ವ್ಯಾಪಕವಾದ ನವೀಕರಣ ಕೆಲಸ ಮಾಡಿದೆ.