ನಗರದ ಮುಖ್ಯ ಆಕರ್ಷಣೆಯೆಂದರೆ, ತಿರುಚೆಂಡೂರ್ ಮುರುಗನ್ ದೇವಸ್ಥಾನ. ಇದು ಮುರುಗನ್ ದೇವರ ಆರು ಪವಿತ್ರ ನೆಲೆಗಳಲ್ಲಿ ಒಂದು ಎಂದು ಕರೆಯಲ್ಪಡುತ್ತದೆ. ಈ ದೇವಸ್ಥಾನವು ಮುರುಗನ್ ಹಾಗೂ ಅವರ ಪತ್ನಿಯರಾದ ವಲ್ಲಿ ಮತ್ತು ದೈವನೈ ಗೆ ಮೀಸಲಾಗಿದೆ. ಈ ದೇವಸ್ಥಾನದಲ್ಲಿ ಶಿವ ಹಾಗೂ ವಿಷ್ಣುವಿನ ಗುಡಿಗಳಿವೆ.
ಈ ದೇವಸ್ಥಾನವು ವೇದಕಾಲದಿಂದಲೇ ಇತ್ತು ಎಂದೂ ಇದರ ಕುರಿತಾಗಿ ಪುರಾಣಗಳಲ್ಲಿ ಉಲ್ಲೇಖವಿದೆ ಎಂದೂ ಹೇಳಲಾಗುತ್ತದೆ. ಈ ದೇವಸ್ಥಾನದ ಗೋಪುರಕ್ಕೆ ಒಂಬತ್ತು ಅಂತಸ್ತುಗಳಿವೆ. ನಜ್ಹಿಕ್ಕಿಣರು, ಪವಿತ್ರವಾದ ಬಾವಿ-ಅನ್ನು ದೇವಸ್ಥಾನದ ಆವರಣದಲ್ಲಿರುವ ಚಿಲುಮೆಯ ಸುತ್ತ ಕಟ್ಟಲಾಗಿದೆ. ಇಲ್ಲಿರುವ ಮುರುಗನ್, ಸೆನ್ಥಿಲಾಂಡವನ್ ಎಂದು ಕರೆಯಲ್ಪಡುವ, ದೇವರ ವಿಗ್ರಹವು ಪೂರ್ವದಿಕ್ಕಿಗೆ ಮುಖ ಮಾಡಿದ್ದರೆ, ದೇವಸ್ಥಾನದ ಮುಖ್ಯದ್ವಾರವು ದಕ್ಷಿಣ ದಿಕ್ಕಿನಲ್ಲಿದೆ.
ಭಾರತದ ಎಲ್ಲಾ ಮುರುಗನ್ ದೇವಸ್ಥಾನಗಳು ಕಾಡು ಅಥವಾ ಬೆಟ್ಟದ ತುದಿಯಲ್ಲಿದ್ದರೆ, ಈ ದೇವಸ್ಥಾನ ಮಾತ್ರಾ ಸಮುದ್ರ ತೀರದಲ್ಲಿದೆ. ಬ್ರಹ್ಮೋತ್ಸವ, ವಸಂತೋತ್ಸವ, ವಿಸಾಕ ವಿಲಾಸಮ್, ಸ್ಕಂದ ಷಷ್ಠಿ, ಆವನಿಪ್ಪೆರುನಿತಿರುನಾಳ್ ಮತ್ತು ಮಾಸಿಪ್ಪೆರುನ್ತಿರುನಾಳ್ ಮತ್ತು ಊನ್ಜಲ್ ಸೇವೈ ಹಬ್ಬಗಳನ್ನು ಬಹಳ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ ಹಾಗೂ ಇದು ಇಲ್ಲಿನ ಪ್ರಮುಖ ಆಕರ್ಷಣೆಗಳಾಗಿವೆ.