ಸಿಕರ್ ನಿಂದ 65 ಕಿ.ಮೀ ದೂರವಿರುವ ಖತುಶ್ಯಾಮ್ಜಿ ಹಳ್ಳಿಯಲ್ಲಿ ಈ ದೇವಸ್ಥಾನವಿದೆ. ಈ ಪ್ರಾಚೀನ ಬಿಳಿ ಅಮೃತಶಿಲೆಯ ದೇವಸ್ಥಾನವು ಭಗವಾನ್ ಕೃಷ್ಣನಿಗೆ ಅರ್ಪಿತವಾಗಿದ್ದು, ಹಲವು ದಂತಕಥೆಗಳನ್ನು ಹೊಂದಿದೆ. ಮಹಾಕಾವ್ಯವಾದ 'ಮಹಾಭಾರತ' ದಲ್ಲಿ ಈ ದೇವಸ್ಥಾನದ ಉಲ್ಲೇಖವಿದೆ. ಹಿಂದುಗಳ ಪ್ರಕಾರ, ಈ ದೇವಸ್ಥಾನದಲ್ಲಿರುವ ಕೊಳದಲ್ಲಿಯ ಒಂದು ಸ್ನಾನ ಪವಿತ್ರವಾದುದೆಂದು ಭಾವಿಸಲಾಗಿದೆ. ದೇವಸ್ಥಾನದ ಶ್ಯಾಮ್ಜಿ ಉದ್ಯಾನ ತನ್ನ ಅದ್ಭುತವಾದ ಮೈಸಿರಿಯಿಂದ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಫೆಬ್ರುವರಿ ಹಾಗು ಮಾರ್ಚ್ ತಿಂಗಳುಗಳಲ್ಲಿ ಖತುಶ್ಯಾಮ್ಜಿ ಉತ್ಸವವನ್ನು ಇಲ್ಲಿ ಆಚರಿಸಲಾಗುತ್ತದೆ. ಉತ್ಸವವು ಈ ಪ್ರದೇಶದ ಸ್ಥಳಿಯ ಸಂಪ್ರದಾಯ ಮತ್ತು ಕಲೆಗಳನ್ನು ಅನಾವರಣಗೊಳಿಸುತ್ತದೆ. ಇದಲ್ಲದೆ ಮೂರು ದಿನಗಳ ಒಂದು ವಾರ್ಷಿಕ ಉತ್ಸವವನ್ನು ಫಾಲ್ಗುಣ ಶುದ್ಧ ದಶಮಿ ಮತ್ತು ದ್ವಾದಶಿಗಳಂದು ಇಲ್ಲಿ ಆಚರಿಸಲಾಗುತ್ತದೆ.