ವೈಸ್ರೀಗಲ್ ಲಾಡ್ಜ್ ಮತ್ತು ಬೊಟಾನಿಕಲ್ ಗಾರ್ಡನ್ಗಳು ಶಿಮ್ಲಾದ ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿವೆ. ಈ ನಯನ ಮನೋಹರವಾದ ಲಾಡ್ಜ್ 1888ರಲ್ಲಿ ಸ್ಥಾಪಿತವಾಯಿತು. ಇದು ಅಬ್ಸರ್ವೇಟರಿ ಬೆಟ್ಟದ ಮೇಲೆ ನೆಲೆಗೊಂಡಿದೆ. ಯೂರೋಪಿಯನ್ ಶೈಲಿಯ ಈ ಕಟ್ಟಡವು ಬ್ರಿಟೀಷ್ ಇಂಡಿಯಾದ ಕಾಲದಲ್ಲಿ ಭಾರತದ ವೈಸ್ರಾಯ್ಗಳ ಅಥವಾ ರಾಷ್ಟ್ರಪತಿಗಳ ನಿವಾಸವಾಗಿ ಬಳಸಲ್ಪಡುತ್ತಿತ್ತು. ಹಾಗಾಗಿ ಇದನ್ನು " ರಾಷ್ಟ್ರಪತಿ ನಿವಾಸ್" ಎಂದು ಕರೆಯಲಾಗುತ್ತಿತ್ತು.
ಭಾರತದ ಸ್ವಾತಂತ್ರ್ಯಾನಂತರ ಪ್ರೋ|| ರಾಧಾಕೃಷ್ಣನ್ರವರ ಕಾಲದಲ್ಲಿ ಇದನ್ನು ಶೈಕ್ಷಣಿಕ ಇಲಾಖೆಯ ಸುಪರ್ದಿಗೆ ಒಪ್ಪಿಸಲಾಯಿತು. ಭಾರತದ ಅತ್ಯಂತ ವಿಶ್ವಾಸಾರ್ಹ ಸಂಶೋಧನಾ ಸಂಸ್ಥೆಯಾದ ಭಾರತೀಯ ಉನ್ನತ ಅಧ್ಯಯನ ಸಂಸ್ಥೆ ( ಐ ಐ ಎ ಎಸ್) ಯನ್ನು ಇಲ್ಲಿ 1964ರಲ್ಲಿ ಸ್ಥಾಪಿಸಲಾಯಿತು. ಇದೊಂದು ಆರು ಅಂತಸ್ತಿನ ಕಟ್ಟಡವಾಗಿದ್ದು, ಸುತ್ತಲು ಸುಂದರವಾದ ಹುಲ್ಲು ಹಾಸು ಮತ್ತು ಉದ್ಯಾನವನಗಳನ್ನು ನಾವು ಇಲ್ಲಿ ಕಾಣಬಹುದು. ಇದರ ಒಳಾಂಗಣ ಮತ್ತು ಹೊರಾಂಗಣ ವಿನ್ಯಾಸವು ನೋಡುಗರನ್ನು ಸೆಳೆಯುತ್ತದೆ. ಇದು ಪುನರುಜ್ಜೀವನ ಕಾಲದ ವಾಸ್ತು ಶೈಲಿಯನ್ನು ಹೊಂದಿದೆ. ಈ ಕಟ್ಟಡವು ಶಿಮ್ಲಾ ಸಮಾವೇಶ (1945) ಮತ್ತು ಶಿಮ್ಲಾ ಒಪ್ಪಂದ (1947)ದಂತಹ ಐತಿಹಾಸಿಕ ಘಟನೆಗಳಿಗೆ ಸಾಕ್ಷಿಯಾಗಿದೆ.