Click it and Unblock the Notifications
ಸಜನ್ ಹಳ್ಳಿಯ ಅತ್ಯಂತ ವಿಶಿಷ್ಟ ಹಾಗೂ ನೋಡಲೇಬೇಕಾದ ತಾಣಗಳಲ್ಲಿ ಕೋಹೋಜ್ ಗುಡ್ಡದ ಕೋಟೆ ಕೂಡ ಒಂದು. ಸ್ಥಳ ವೀಕ್ಷಣೆಗೆ ಇದು ಪ್ರಶಸ್ತ ವಾತಾವರಣವನ್ನು ಕೂಡ ಹೊಂದಿದೆ. ಬೋಜ ಅರಸರ ಕಾಲದಲ್ಲಿಯೆ ಈ ಕೋಟೆ ನಿರ್ಮಾಣಗೊಂಡಿದ್ದು, ಸಮೀಪವೆ ಒಂದು ಆಣೆಕಟ್ಟು ಕೂಡ ಇದೆ. ಗುಡ್ಡದ ಮೇಲೆ ಈ ಕೋಟೆ ಇರುವುದರಿಂದ ಇದೊಂದು ಆಕರ್ಷಕ ಪ್ರವಾಸಿ ತಾಣವಾಗಿಯೂ ಜನಪ್ರಿಯವಾಗಿದೆ.
ನೈಸರ್ಗಿಕ ಸೌಂದರ್ಯದ ಜತೆ ಐತಿಹಾಸಿಕ ಹಿನ್ನೆಲೆಯನ್ನೂ ಒಳಗೊಂಡಿರುವ ಈ ಕೋಟೆ ಹಲವು ವಿಧದಲ್ಲಿ ತನ್ನ ಜನಪ್ರಿಯತೆಯನ್ನು ಹೆಚ್ಚಿಸಿಕೊಂಡಿದೆ. ಐತಿಹಾಸಿಕ ಹಿನ್ನೆಲೆ ಗಮನಿಸಿದಾಗ 16 ನೇ ಶತಮಾನದಲ್ಲಿ ಈ ಕೋಟೆಯನ್ನು ಪೋರ್ಚುಗೀಸರು ಆಕ್ರಮಿಸಿಕೊಂಡರು. ಅಂದು ಗುಜರಾತ್ ಅರಸರು ಈ ಭಾಗವನ್ನು ಆಳುತ್ತಿದ್ದರು. ಅವರಿಂದ ಪೋರ್ಚುಗೀಸ್ ಸೈನ್ಯವು ಈ ಕೋಟೆಯನ್ನು ತನ್ನ ವಶಕ್ಕೆ ಪಡೆಯಿತು. ನಂತರದ ದಿನಗಳಲ್ಲಿ ಪೇಶ್ವೆಗಳು ಈ ಭಾಗವನ್ನು ತಮ್ಮ ಅಧಿನಕ್ಕೆ ತೆಗೆದುಕೊಂಡರು. ಇದು 18 ನೇ ಶತನಮಾನಕ್ಕಿಂತ ಮುಂಚೆ ನಡೆದದ್ದು. ಆ ನಂತರ ಪೇಶ್ವೆಗಳಿಂದ ಬ್ರಿಟಿಷರು ಈ ಪ್ರದೇಶವನ್ನು ಗೆದ್ದುಕೊಂಡರು.
ಇದು ಇತಿಹಾಸ ಹಿನ್ನೆಲೆಯಾದರೆ, ಈ ತಾಣವು ಟ್ರೆಕ್ಕಿಂಗ್ ಪ್ರಿಯರ ಸ್ವರ್ಗವಾಗಿಯೂ ಲಭಿಸಿದೆ. ಸಾಕಷ್ಟು ಟ್ರೆಕ್ಕಿಂಗ್ ಹಾಗೂ ಅದಕ್ಕೆ ಸಂಬಂಧಿಸಿದ ಚಟುವಟಿಕೆಯ ತಾಣವಾಗಿ ಬಳಕೆಯಾಗುತ್ತಿದೆ. ಒಂದು ಸಮೃದ್ಧ ಪಿಕ್ನಿಕ್ ತಾಣವೂ ಹೌದು.
