ಶಾಕಾಂಬರಿ ದೇವಾಲಯ ಸಹರನ್ಪುರದ ಶಾಕಾಂಬರಿ ಪ್ರದೇಶದಿಂದ ನಲವತ್ತು ಕಿಲೋಮೀಟರ್ ದೂರದಲ್ಲಿದೆ. ದೇವಾಲಯದ ಇತಿಹಾಸದ ಬಗ್ಗೆ ಸರಿಯಾದ ಮಾಹಿತಿ ಇಲ್ಲದಿದ್ದರೂ ಈ ದೇವಾಲಯ ಅತ್ಯಂತ ಪುರಾತನ ದೇವಾಲಯ ಎನ್ನುವುದು ನಂಬಿಕೆ. ದೇವಾಲಯದಲ್ಲಿರುವ ವಿಗ್ರಹವು ಪುರಾತನ ಕಾಲದ್ದು ಎಂದೆನಿಸದೇ ಹೊಸ ವಿಗ್ರಹದಂತಿದೆ. ಇದನ್ನು ಮರಾಠಾ ಕಾಲದಲ್ಲಿ ನಿರ್ಮಾಣವಾಗಿದ್ದು, ಆದಿ ಶಂಕರಾಚಾರ್ಯರು ಇಲ್ಲಿ ತಪಸ್ಸು ನಡೆಸಿದ್ದರು ಎನ್ನಲಾಗುತ್ತದೆ. ಇದೆಲ್ಲಾ ನಂಬಿಕೆಯ ನಡುವೆ ದೇವಾಲಯವು ಭಕ್ತಾದಿಗಳನ್ನು ಆಕರ್ಷಿಸುತ್ತದೆ.
ಈ ದೇವಾಲಯದ ಬಗ್ಗೆ ಹೇಳುವುದಾದರೆ, ಶಾಕಾಂಬರಿ ತಾಯಿಯು ಮಹಿಷಾಸುರ ಎನ್ನುವ ದೈತ್ಯನನ್ನು ಕೊಂದು, ನೂರು ವರ್ಷಗಳ ಕಾಲ ಅಘೋರ ತಪಸ್ಸನ್ನು ಆಚರಿಸಿದಳು. ತಪಸ್ಸಿನ ಸಮಯದಲ್ಲಿ ಮಾಸಾಂತ್ಯದಲ್ಲಿ ಒಂದು ಸಸ್ಯಾಹಾರಿ ಊಟ ಮಾಡುತ್ತಿದ್ದಳು ಎನ್ನುವುದು ನಂಬಿಕೆ.