ಭಾಕ್ರಾ ಅಣೆಕಟ್ಟು, ಸಟ್ಲಜ್ ನದಿಯ ಮೇಲಿರುವ ಭಾಕ್ರಾ ನಂಗಲ್ ಅಣೆಕಟ್ಟಿನ ಒಂದು ಭಾಗ. ಬಿಲಾಸಪುರ ಜಿಲ್ಲೆಯಲ್ಲಿ ಉಪಸ್ಥಿತವಿರುವ ಈ ಅಣೆಕಟ್ಟಿಗೆ ಭಾಕ್ರಾ ಎಂಬ ಹಳ್ಳಿಯ ನಂತರ ಹೆಸರು ಬಂದಿದೆ. ಭಾರತದ ಎರಡನೆಯ ದೊಡ್ಡ ಅಣೆಕಟ್ಟು ಎಂಬ ಹೆಗ್ಗಳಿಕೆಗೆ ಈ ಅಣೆಕಟ್ಟು ಪಾತ್ರವಾಗಿದೆ. ಈ ಅಣೆಕಟ್ಟು ಬೃಹತ್ ಜಲ ವಿದ್ಯುತ್ ಉತ್ಪಾದನ ಕೇಂದ್ರ ಹೊಂದಿರುವುದರಿಂದ ತನ್ನ ಹಾಗು ನೆರೆ ರಾಜ್ಯಗಳಾದ ಹರಿಯಾಣ, ರಾಜಸ್ಥಾನ, ಗುಜರಾತ್ ಮತ್ತು ಹಿಮಾಚಲ ಪ್ರದೇಶಕ್ಕೆ ವಿದ್ಯುತ್ ಪೂರೈಕೆಯನ್ನು ಮಾಡುತ್ತದೆ. ಈ ಅಣೆಕಟ್ಟು ಮುಂಗಾರಿನ ನೆರೆ ಹಾವಳಿಯನ್ನು ತಡೆಗಟ್ಟುತ್ತದೆ. ಉತ್ತಮ ನೀರಾವರಿಗೆ ಅನುಕೂಲ ಮಾಡಿಕೊಡುವುದರಿಂದ ಪ್ರದೇಶದ ಕೃಷಿ ಉತ್ಪನ್ನದ ಮಟ್ಟವನ್ನು ಹೆಚ್ಚಿಸುತ್ತದೆ. ಮಾನವ ನಿರ್ಮಿತ ಗೊಬಿಂದ ಸಾಗರ ಎಂಬ ಜಲಾಶಯವು ಈ ಅಣೆಕಟ್ಟಿನ ಒಂದು ಭಾಗವಾಗಿದೆ. ಸುತ್ತಮುತ್ತಲಿನ ಹಚ್ಚ ಹಸುರಿನ ನಿಸರ್ಗದತ್ತ ಸೌಂದರ್ಯ ಭಾರತಾದ್ಯಂತ ಪ್ರವಾಸಿಗರನ್ನು ಆಕರ್ಷಿಸುತ್ತದೆ.