ಬ್ರಹ್ಮಗಿರಿ ಮತ್ತು ಶತಪಾದದತ್ತ ಪ್ರಯಾಣಿಸುವಾಗ ಪುರಿಯಿಂದ 27 ಕಿ.ಮೀ. ನೈಋತ್ಯದಲ್ಲಿರುವ ದುರ್ಗಾ ದೇವಿಗೆ ಬಲಿಹಾರ್ ಮಂದಿರವನ್ನು ಸಮರ್ಪಿಸಲಾಗಿದೆ. ಸಮುದ್ರಕ್ಕೆ ತುಂಬಾ ಹತ್ತಿರದಲ್ಲೇ, ಮರಳಿನ ದಿಣ್ಣೆಯ ಮೇಲೆ ಈ ಸುಂದರ ಮಂದಿರವಿದೆ. ಭಕ್ತರು ದುರ್ಗಾ ದೇವಿಯನ್ನು ಬಲಿಹಾರ್ ದೇವಿಯೆಂದು ಪೂಜಿಸುವ ಕಾರಣ ಈ ಹೆಸರಿದೆ. ಪುರಿಯಲ್ಲಿರುವ ಇತರ ಮಂದಿರಗಳಂತೆ ಈ ಮಂದಿರಕ್ಕೂ ಜಗನ್ನಾಥ ಮಂದಿರದ ಸಂಬಂಧವಿದ್ದು, ಅಶ್ವಿನಾದಲ್ಲಿ ಮಹಾನವಮಿ ದಿನ ಇಲ್ಲಿ ಪೂಜಾವಿಧಿವಿಧಾನಗಳನ್ನು ನಡೆಸಲಾಗುತ್ತದೆ.
ಕೈಯಲ್ಲಿ ತಲೆಬುರುಡೆ ಮತ್ತು ರುಂಡವನ್ನು ಎಡದ ಕೈಯಲ್ಲಿ ಹಿಡಿದುಕೊಂಡಿರುವ ಶಿವನ ದೇಹದಲ್ಲಿರುವ ಕಾಳಿಮಾತೆಯ ರೌದ್ರಾವತಾರದ ಚಿತ್ರ ದೇವಾಸ್ಥಾನದ ಹಿಂಭಾಗದಲ್ಲಿರುವ ರಹಪಾಗದ ತಳಭಾಗದಲ್ಲಿ ಕಾಣಬಹುದು. ಈ ದೇವಸ್ಥಾನವು ಭಾರ್ಗವಿ ನದಿಯ ದಡದಲ್ಲಿದ್ದು, ಕೇವಲ ಯಾತ್ರಾರ್ಥಿಗಳಿಗೆ ಮಾತ್ರವಲ್ಲದೆ ಪ್ರಾಕೃತಿಕ ಸೌಂದರ್ಯ ವೀಕ್ಷಣೆಗೂ ಅಮೋಘ ಸ್ಥಳವಾಗಿದೆ. ಭಾರ್ಗವಿ ನದಿಯು ಸಮುದ್ರ ಸೇರುವ ಜಾಗದಲ್ಲಿ ಈ ಮಂದಿರವಿದೆ.