Click it and Unblock the Notifications
ನದಿ ತೀರದ ಚಿತ್ರ ಹಾಗೂ ಇತರೆ ಆಕರ್ಷಕ ಚಿತ್ರಗಳನ್ನು ತೆಗೆಯಬಯಸುವವರಿಗೆ, ನೋಡುಗರಿಗೆ ಗೋಲ್ಡನ್ ವ್ಯಾಲಿ ಒಂದು ಮಾದರಿ ತಾಣ. ನದಿಯ ಅಲೆ, ತೀರ, ಹಿಮಗಟ್ಟಿದಂತ ತಂಪು ನೀರು, ಹಸಿರಾದ ಮರಗಳು ಈ ಭಾಗದಲ್ಲಿ ಗಮನ ಸೆಳೆಯುತ್ತವೆ. ರಜೆಗಾಗಿ ಬಂದವರ ಉತ್ಸಾಹವನ್ನು ಇಮ್ಮಡಿಗೊಳಿಸಿ, ಸಾರ್ಥಕತೆ ಪಡೆಯುತ್ತವೆ. ಪೊನ್ಮುಡಿಗೆ ಬಂದವರ್ಯಾರೂ ಗೋಲ್ಡನ್ ವ್ಯಾಲಿಯನ್ನು ಕಾಣದೇ ಹಿಂತಿರುಗುವುದಿಲ್ಲ. ತಪ್ಪದೇ ಭೇಟಿ ನೀಡುತ್ತಾರೆ. ವನ್ಯ ಸಂಪತ್ತು ಹಾಗೂ ಪರಿಸರ, ಕಣ್ಣು ಹಾಯಿಸಿದಷ್ಟಕ್ಕೂ ಗೋಚರಿಸುವ ಹಸಿರು ವಲಯ ಪ್ರತಿಯೊಬ್ಬರನ್ನೂ ಸೆಳೆಯುತ್ತದೆ. ಅಚ್ಚಳಿಯದ ನೆನಪಾಗಿ ಮನಸ್ಸಿನಲ್ಲಿ ಅಚ್ಚೊತ್ತಿ ಬಿಡುತ್ತದೆ.
ಈ ವ್ಯಾಲಿಯ ಮಾರ್ಗವಾಗಿ ಹರಿದು ಹೋಗಿರುವ ನದಿ ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತದೆ. ಅತ್ಯಂತ ಸುರಕ್ಷಿತವಾದ ಪ್ರದೇಶ ಇದಾಗಿದೆ. ನದಿಯಲ್ಲಿ ಆಟವಾಡಲು ಇದು ಸೂಕ್ತ ಅನುಕೂಲ ಹೊಂದಿದೆ. ಮಕ್ಕಳಿಗೂ ಇಷ್ಟವಾಗಬಲ್ಲ ರಮಣೀಯ ತಾಣವಾಗಿದೆ. ಕೌಟುಂಬಿಕ ಪ್ರವಾಸ, ಹನಿಮೂನ್ಗೆ ಗೋಲ್ಡನ್ ವ್ಯಾಲಿ ಪ್ರಶಸ್ತ ತಾಣ. ಇದರ ಜತೆ ಟ್ರೆಕ್ಕಿಂಗ್ ಪ್ರಿಯರಿಗೆ ಕಣಿವೆ ಇಳಿಯುವ ಹಾಗೂ ಏರುವ ಎರಡೂ ವಿಧದ ಅದ್ಭುತ ಅನುಭವ ನೀಡುತ್ತದೆ.
ಇಲ್ಲಿಗೆ ಸಮೀಪದಲ್ಲಿ ಯಾವುದೇ ಅಂಗಡಿಗಳು ಇಲ್ಲ. ಇದರಿಂದ ಪ್ರವಾಸಿಗರು ಇತ್ತ ಬರುವಾಗ ಅಗತ್ಯ ಆಹಾರ ಹಾಗೂ ನೀರನ್ನು ಜತೆಯಲ್ಲಿ ತರುವುದು ಅನಿವಾರ್ಯ. ಕುಟುಂಬವರ್ಗ ಹಾಗೂ ಜೋಡಿ ಹಕ್ಕಿಗಳಿಗೆ ಇದು ಅತ್ಯಂತ ಸಂತಸದಾಯಕ ಸ್ಥಳ. ಉತ್ತಮ ವಾತಾವರಣ ಗಮನ ಸೆಳೆಯುವ ಜತೆಗೆ ತಂಪಾದ ಗಾಳಿ, ಆಹ್ಲಾದಮಯ ವಾತಾವರಣ ಮಕ್ಕಳಿಂದ, ಮುದುಕರವರೆಗೆ ಎಲ್ಲರನ್ನೂ ಮೆಚ್ಚಿಸುತ್ತದೆ.
