ದರಪ್ ಗ್ರಾಮ ಅಥವಾ ದರಪ್ ಚೆರ್ನಿ ಗ್ರಾಮವೆಂದು ಕರೆಯಲ್ಪಡುವ ಈ ಗ್ರಾಮವು, ದಟ್ಟವಾದ ಅರಣ್ಯಪ್ರಿಯರಿಗೆ ಮತ್ತು ಬೆಟ್ಟಗಳ ರಮ್ಯ ನೋಟವನ್ನು ಬಿಡುವಿನ ದಿನಗಳಲ್ಲಿ ಸವಿಯಬಯಸುವವರಿಗೆ ನಿಜಕ್ಕೂ ಒಂದು ಆದರ್ಶ ಸ್ಥಳವಾಗಬಲ್ಲದು. ಈ ಗ್ರಾಮವು ದರಪ್ ಜೈವಿಕ-ಪ್ರವಾಸೋದ್ಯಮ ಸಮಿತಿಯ ಒಂದು ಭಾಗವಾಗಿದೆ. 'ದರಪ್' ಎಂಬ ಪದವು ಲಿಂಬೊ ಭಾಷೆಯ ಪದವಾದ 'ಟನ್-ಲಾಪ್' ಎಂಬ ಪದದಿಂದ ನಿಷ್ಪತ್ತಿ ಹೊಂದಿದ್ದು, ಇದರ ಭಾವಾರ್ಥವು ಸಮತಟ್ಟಾದ ಭೂಮಿ ಎಂದಾಗಿದೆ.
ಇಂದಿನ ದಿನಮಾನಗಳಲ್ಲಿ ದರಪ್, ಪೆಲ್ಲಿಂಗ್ ಗೆ ಭೇಟಿ ಕೊಡುವ ಪ್ರವಾಸಿಗರ ಒಂದು ಜನಪ್ರಿಯ ತಂಗುದಾಣವಾಗಿ ಹೊರಹೊಮ್ಮುತ್ತಿದೆ. ಇದು ಪೆಲ್ಲಿಂಗ್ ನಿಂದ ಸುಮಾರು 6 ಕಿ.ಮೀ. ದೂರದಲ್ಲಿ, ಯುಕ್ಸಾಮ್ ಗೆ ತೆರಳುವ ಮಾರ್ಗದಲ್ಲಿದೆ.