Click it and Unblock the Notifications
ಅರು ಪಹಲ್ಗಾಂನಿಂದ 11 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಇದು ಸಮುದ್ರಮಟ್ಟದಿಂದ 2408 ಮೀಟರ್ ಎತ್ತರದಲ್ಲಿ ನೆಲೆಗೊಂಡಿದೆ. ಇಲ್ಲಿಂದ ಪ್ರವಾಸಿಗರು ಮಂತ್ರಮುಗ್ಧಗೊಳಿಸುವಂತಹ ಕಣಿವೆಯ ಸುಂದರ ನೋಟವನ್ನು ಕಾಣಬಹುದು. ಲಿಡ್ಡರ್ ವಟ್ನಿಂದ ಕೊಲಹೊಯ್ಗೆ ಸಾಗುವ ಚಾರಣವು ಸಾಹಸಿ ಮನೋಭಾವದವರಿಗೆ ಹೇಳಿ ಮಾಡಿಸಿದ ಚಟುವಟಿಕೆಯಾಗಿದೆ. ಈ ತಾಣವು ಹಚ್ಚ ಹಸಿರಿನ ಹುಲ್ಲುಗಾವಲಿನ ನಡುವೆ ನೆಲೆಗೊಂಡಿದ್ದು, ಪ್ರವಾಸಿಗರು ಶಿಬಿರವನ್ನು ಹಾಕಲು ಹೇಳಿ ಮಾಡಿಸಿದ ತಾಣವಾಗಿದೆ. ಪ್ರವಾಸಿಗರು ಕಣಿವೆಯಿಂದ ಇಳಿದು ಸುಲಭವಾಗಿ ಈ ಸ್ಥಳವನ್ನು ತಲುಪಬಹುದು. ಇದಲ್ಲದೆ ಸಾಹಸೀ ಮನೋಭಾವದವರು ಅರುವನ್ನು ಮೂಲನೆಲೆಯಾಗಿ ಬಳಸಿಕೊಂಡು ಸೋನಾಮಾರ್ಗ್ ಗೆ 3 ದಿನಗಳ ಚಾರಣವನ್ನು ಕೈಗೊಳ್ಳಬಹುದು. ಅಲ್ಲದೆ ಅನುಕೂಲಸ್ಥರು ಸಣ್ಣಕುದುರೆಗಳನ್ನು ಸಹ ಬಾಡಿಗೆಗೆ ಪಡೆಯಬಹುದು.
