Click it and Unblock the Notifications
ಕುರ್ಮಬಲಂಗೋಡ್ ಹಳ್ಳಿಯಲ್ಲಿ ಅಡ್ಯಾನ್ ಪಾರಾ ಫಾಲ್ಸ್ ಇದೆ. ಪ್ರವಾಸಿಗರನ್ನು ಮತ್ತು ನಿಸರ್ಗ ಪ್ರೇಮಿಗಳನ್ನು ದೊಡ್ಡ ಸಂಖ್ಯೆಯಲ್ಲಿ ಆಕರ್ಷಿಸುವ ಭವ್ಯವಾದ ಜಲಪಾತ ಇದಾಗಿದೆ. ನಿಲಂಬೂರ್ ಪಟ್ಟಣದಿಂದ 12 ಕಿ.ಮೀ ದೂರದಲ್ಲಿದ್ದು, ನಿಲಂಬೂರ್-ಊಟಿ ಹೆದ್ದಾರಿಯ ಮೂಲಕ ತಲುಪಬಹುದು. ಉತ್ತಮ ನೈಸರ್ಗಿಕ ಪರಿಸರ, ಸಮೃದ್ಧ ಹಸಿರು ಮತ್ತು ಬೃಹತ್ ಬಂಡೆಗಳ ತಾಣವಾಗಿದೆ. ಜಲಪಾತದ ನಂತರ ಬಂಡೆಗಳ ಮೂಲಕ ಹಾದು ಹೋಗುವ ನೀರು ಚಿಕ್ಕ ಕೆರೆಯ ಹಾಗೆ ನೀರು ಸಂಗ್ರಹಗೊಳ್ಳುತ್ತದೆ, ಪ್ರವಾಸಿಗರು ತಂಪಾದ ನೀರಿನಲ್ಲಿ ಸ್ನಾನ ಮಾಡಬಹುದು.
ಈ ನೀರು ವೆಲ್ಲೆರಿಮಲಾ ಎನ್ನುವ ಪ್ರಖ್ಯಾತ ಪರ್ವತ ಶ್ರೇಣಿಯ ಮೂಲಕ ಹಾದು ಚಲಿಯಾರ್ ನದಿಯನ್ನು ಸೇರಿಕೊಳ್ಳುತ್ತದೆ. ಈ ಜಲಪಾತ ಸುಮಾರು 300 ಅಡಿ ಎತ್ತರದಿಂದ ಧುಮುಕುತ್ತದೆ. ಎತ್ತರದಿಂದ ಧುಮ್ಮಿಕ್ಕುವ ನೀರಿನ ಸದ್ದು ಕೇಳುವುದೇ ಅಮೋಘವಾಗಿರುತ್ತದೆ. ಇದರ ಸುತ್ತಲು ನಿತ್ಯಹರಿದ್ವರ್ಣದ ಕಾಡು ಆವೃತವಾಗಿದ್ದು, ಚಿತ್ರಸದೃಶ ನೋಟವನ್ನು ಒದಗಿಸುತ್ತದೆ ಹಾಗೂ ಒಂದು ದಿನದ ಕುಟುಂಬ ಪ್ರವಾಸಕ್ಕೆ ಪರಿಪೂರ್ಣ ಸ್ಥಳವಾಗಿದೆ.
