ಇದು ಸಿಕ್ಕಿಂನ ಆಸಕ್ತಿದಾಯಕ ಪ್ರದೇಶಗಳಲ್ಲೊಂದು. ಭೂತಿಯ ಭಾಷೆಯಲ್ಲಿ ಇದರರ್ಥ “ ಇಷ್ಟಾರ್ಥ ನೆರವೇರಿಸುವ ಪರ್ವತ”. ಇದು ಸಿಕ್ಕಿಂನ ಪ್ರಸಿದ್ಧ ಯಾತ್ರಾಸ್ಥಳ.
ಸಮದ್ರುಪತ್ಸೆ ದಕ್ಷಿಣ ಸಿಕ್ಕಿಂ ವಲಯದ ನಾಮ್ಚಿಗೆ ಸಮೀಪದಲ್ಲಿದೆ. ಗ್ಯಾಂಗ್ಟಾಕ್ನಿಂದ 75ಕಿಮೀ ದೂರದಲ್ಲಿದೆ. ಇಲ್ಲಿನ ಗುರು ಪದ್ಮಸಂಭವನ ವಿಗ್ರಹವು ಪ್ರಸಿದ್ಧವಾದುದು. ಇವನನ್ನು ಗುರು ರಿನ್ಪೊಚೆ ಎಂದು ಕೂಡ ಕರೆಯುತ್ತಾರೆ. ಈತ ಸಿಕ್ಕಿಂ ನಾಡನ್ನು ಆಶೀರ್ವದಿಸಿದವನು ಎಂದು ನಂಬಲಾಗುತ್ತದೆ.
ಈ ವಿಗ್ರಹವು ಪ್ರಪಂಚದಲ್ಲೇ ಎತ್ತರವಾದ ಅಂದರೆ 135 ಅಡಿ ಎತ್ತರದ ವಿಗ್ರಹ. 1997ರಲ್ಲಿ ದಲೈಲಾಮ ಇದರ ಶಂಕುಸ್ಥಾಪನೆ ಮಾಡಿದರು. ಮುಂದೆ ಮೂರು ವರ್ಷದಲ್ಲಿ ಈ ವಿಗ್ರಹವು ಪೂರ್ಣಗೊಂಡಿತು. ಈ ನಿರ್ಮಾಣಕ್ಕೆ ಸಿಕ್ಕಿಂ ರಾಜ್ಯ ಸರ್ಕಾರವು ಧನಸಹಾಯ ನೀಡಿತು.