Click it and Unblock the Notifications
ತಿರುಚೆಂಗೋಡು ಅರ್ಧನಾರೀಶ್ವರರ ದೇವಸ್ಥಾನವು ನಾಮಕಲ್ಲಿನ ಒಂದು ಪ್ರಸಿದ್ಧವಾದ ಆಕರ್ಷಣೆ. ಉಭಯಲಿಂಗಿತ್ವದ ರೂಪದಲ್ಲಿರುವ ಶಿವನಿಗೆ ಸಮರ್ಪಿಸಲಾಗಿರುವ ಈ ದೇವಸ್ಥಾನವು 900 ಮೀಟರ್ ಎತ್ತರದಲ್ಲಿ ಸ್ಥಾಪಿಸಲಾಗಿದೆ. ಶಿವ ಮತ್ತು ಅವನ ಪತ್ನಿ ಶಕ್ತಿ ಅಥವಾ ಪಾರ್ವತಿ ಇಬ್ಬರೂ ಸೇರಿರುವ ಅರ್ಧನಾರೀಶ್ವರನು ಗಂಡು ಮತ್ತು ಹೆಣ್ಣಿನ ಇಬ್ಬರ ಶಕ್ತಿ ಸಂಯೋಜನೆಯ ಸಂಕೇತವಾಗಿದೆ.
ಈ ದೇವಸ್ಥಾನದ ಪುರಾಣಗಳ ಪ್ರಕಾರ ಶಿವನು ತನ್ನ ಎಡಭಾಗವನ್ನು ತನ್ನ ಪತ್ನಿಗೆ ಮುಂದೆ ಇಬ್ಬರೂ ಬೇರ್ಪಡೆಯಾಗದಿರಲೆಂದು ಕೊಟ್ಟನೆಂಬ ಪ್ರತೀತಿಯಿದೆ. ಅದರಂತೆ ಶಕ್ತಿ ಅಥವಾ ಪಾರ್ವತಿಯು ಶಿವನಿಂದ ಶಿವನ ಸಂಕಲ್ಪದಿಂದ ಬೇರ್ಪಡಿಸಲಾಗದ ಮೂರ್ತಿಯಾಯಿತು. ಅಂತೆಯೇ ಇಲ್ಲಿನ ದೇವತೆಯನ್ನು ಅರ್ಧನಾರಿ ಎಂದು ಕರೆಯಲಾಗಿದೆ. ಈ ಅರ್ಧನಾರೀಶ್ವರರ ಮೂರ್ತಿ ಚಿತ್ರಣವು ಅರ್ಧ ಗಂಡು ಮತ್ತು ಅರ್ಧ ಹೆಣ್ಣು ರೂಪದಲ್ಲಿ ಕೆತ್ತಲಾಗಿದೆ ಮತ್ತು ಮಧ್ಯದಲ್ಲಿ ಬೇರ್ಪಡಿಸಲಾಗಿದೆ.
