Click it and Unblock the Notifications
ತಿಲ್ಭಾನೇಶ್ವರ ದೇವಸ್ಥಾನವು ಶಿವನಿಗೆ ಅರ್ಪಿತವಾಗಿದೆ. ಈ ದೇವಾಲಯದ ಬಾಗಿಲುಗಳು ಮತ್ತು ಬಾಲ್ಕನಿಗಳು ಅಧ್ಭುತವಾದ ವಾಸ್ತುಶಿಲ್ಪ ಶೈಲಿಯನ್ನು ಹೊಂದಿದೆ. ಈ ದೇವಾಲಯದ ಅತ್ಯಂತ ವಿಶಿಷ್ಟ ಲಕ್ಷಣ ಏನೆಂದರೆ, ಇಲ್ಲಿನ ದೇವತಾ ವಿಗ್ರಹದ ಗಾತ್ರವು ದಿನದಿಂದ ದಿನಕ್ಕೆ ಏರುತ್ತಿದೆ ಅರ್ಥಾತ್ ಬೆಳೆಯುತ್ತಿದೆ ಎಂಬ ವಿಚಾರ. ಈ ದೇವಸ್ಥಾನದ ಆವರಣದಲ್ಲಿ ಮಹಾ ಶಿವರಾತ್ರಿಯನ್ನು ಆಚರಿಸಲಾಗುತ್ತದೆ. ಪ್ರತಿ ವರ್ಷವು ಸಾವಿರಾರು ಜನರು ಈ ಉತ್ಸವಕ್ಕೆ ಸಾಕ್ಷಿಯಾಗುತ್ತಾರೆ.
ತಿಲ್ಭಾನೇಶ್ವರ ದೇವಸ್ಥಾನದಲ್ಲಿ ಮಕರ ಸಂಕ್ರಾಂತಿ, ಅನ್ನ ಕೂಟ ಮುಂತಾದ ಹಬ್ಬಗಳನ್ನು ಸಂಭ್ರಮದಿಂದ ಆಚರಿಸಲಾಗುತ್ತದೆ. ತಿಲ್ಭಾನೇಶ್ವರ ದೇವಸ್ಥಾನವು ಮಹೇಶ್ವರದ ಎಲ್ಲ ದೇವಸ್ಥಾನಗಳಂತೆ ಇದು ಕೂಡ ಪವಿತ್ರ ನರ್ಮದಾ ನದಿಯ ತೀರದಲ್ಲಿದೆ. ನರ್ಮದಾ ನದಿಯಲ್ಲಿ ಈ ದೇವಾಲಯದ ಪ್ರತಿಬಿಂಬವನ್ನು ಸ್ಪಷ್ಟವಾಗಿ ನೋಡಬಹುದು. ಈ ದೇವಸ್ಥಾನದ ಬಾಗಿಲು ಮತ್ತು ಗೋಡೆಗಳ ಸುಂದರ ವಾಸ್ತು ಶಿಲ್ಪ ವಿನ್ಯಾಸವನ್ನು ನೋಡಿ ಪ್ರವಾಸಿಗರು ಬೆರಗಾಗುತ್ತಾರೆ. ಬಾಲ್ಕನಿಗಳು ಈ ದೇವಸ್ಥಾನದ ಇನ್ನೊಂದು ಅಧ್ಬುತ ಕಲಾಕೃತಿಗಳಾಗಿವೆ. ಶಿವನ ಭಕ್ತರು ತಿಲ್ಭಾನೇಶ್ವರ ದೇವಸ್ಥಾನಕ್ಕೆ ಭೇಟಿ ಕೊಡದೇ ಮಹೇಶ್ವರದಿಂದ ಮರಳುವುದಿಲ್ಲ.
