ಮಹೇಶ್ವರದಲ್ಲಿ ಶಿವನಿಗೆ ಸಮರ್ಪಿತವಾಗಿರುವ ಹಲವು ದೇವಾಲಯಗಳಲ್ಲಿ ಜಾಲೇಶ್ವರ ದೇವಸ್ಥಾನವು ಇಂದು. ಈ ಭವ್ಯವಾದ ದೇವಾಲಯವು ಭಗವಂತನಾದ ಶಿವನಿಗೆ ಸಮರ್ಪಿತವಾಗಿದೆ. ಈ ದೇವಸ್ಥಾನದಲ್ಲಿ ಶಿವನನ್ನು ಜಲದೇವತೆಯ ರೂಪದಲ್ಲಿ ಪೂಜಿಸಲಾಗುತ್ತದೆ. ಗಂಗಾನದಿಯು ಸ್ವರ್ಗದಿಂದ ರಭಸವಗಿ ಭೂಮಿಯ ಮೇಲೆ ಬಿದ್ದಾಗ, ಆಗ ಶಿವನು ಭೂಮಿಯನ್ನು ರಕ್ಷಿಸಲು ಇಲ್ಲಿ ಜಲದೇವತೆಯಾಗಿ ಉದ್ಭವಿಸಿದನು ಎಂಬ ಪ್ರತೀತಿ ಇದೆ. ಆದ್ದರಿಂದ ಈ ದೇವಸ್ಥಾನವನ್ನು ನಿರ್ಮಿಸಲಾಯಿತು.
ಈ ದೇವಾಲಯದಲ್ಲಿ ಬಹು ಪುರಾತನವಾದ ಲಿಂಗಗಳಿದ್ದು ಅದು ದೇವರ ಸ್ವರೂಪವಾಗಿದೆ. ಅನಾದಿ ಕಾಲದಿಂದಲೂ ಅದನ್ನು ಪೂಜಿಸಿಕೊಂಡು ಬರಲಾಗುತ್ತಿದೆ. ಪ್ರವಾಸಿಗರು ಈ ದೇವಾಲಯಕ್ಕೆ ಭೇಟಿ ಕೊಡುವ ಮೂಲಕ ತಮ್ಮ ಅಮೂಲ್ಯವಾದ ಸಮಯವನ್ನು ಮೌಲ್ಯಯುತವಾಗಿ ಕಳೆಯುತ್ತಾರೆ. ಈ ದೇವಸ್ಥಾನದ ಎತ್ತರದ ಗೋಪುರಗಳ ವಾಸ್ತುಶಿಲ್ಪವು ನಿಸ್ಸಂದೇಹವಾಗಿ ಅದ್ಭುತ ಕಲಾಕೃತಿಗೆ ಉದಾಹರಣೆಯಾಗಿದೆ. ಇದರ ಮೇಲೆ ಇರುವ ಕೆತ್ತನೆಗಳು ನಿಜಕ್ಕೂ ಆಕರ್ಷಣೀಯವಾಗಿವೆ. ಬಾಲ್ಕನಿಯ ಮೇಲೆ ಕೆತ್ತಲಾಗಿರುವ ಕೆತ್ತನೆಗಳು ಜಲೇಶ್ವರ ದೇವಸ್ಥಾನಕ್ಕೆ ವಿಭಿನ್ನ ಮತ್ತು ಸ್ಪಷ್ಟ ನೋಟವನ್ನು ನೋಡುತ್ತದೆ.
ಈ ದೇವಾಲಯದಲ್ಲಿ ಶಿವನನ್ನು ಜಲದೇವತೆಯ ರೂಪದಲ್ಲಿ ಆರಾಧಿಸಲಾಗುತ್ತದೆ. ಇದರ ಆವರಣವು ತುಂಬಾ ಪ್ರಶಾಂತವಾಗಿದ್ದು ಇಲ್ಲಿಯ ಪರಿಸರ ಭಕ್ತರಿಗೆ ಬಹು ಪ್ರಿಯ ಎನಿಸಿದೆ.