ಅಹಿಲೇಶ್ವರ ದೇವಸ್ಥಾನವು ಕೂಡ ಮಹೇಶ್ವರ ನಗರದಲ್ಲಿ ಶಿವನಿಗೆ ಅರ್ಪಿತವಾಗಿರುವ ದೇವಾಲಯವಾಗಿದೆ. ಈ ದೇವಾಲಯವು ಪವಿತ್ರ ನರ್ಮದ ನದಿಯ ತೀರದಲ್ಲಿ ನೆಲೆಗೊಂಡಿದೆ. ಈ ದೇವಸ್ಥಾನದಲ್ಲಿ ರಾಮನನ್ನು ಕೂಡ ಪೂಜಿಸಲಾಗುತ್ತದೆ. ಅಹಿಲೇಶ್ವರ ದೇವಾಲಯದ ಲಕ್ಷಣಗಳು ಮಹೇಶ್ವರದಲ್ಲಿರುವ ಎಲ್ಲ ದೇವಾಲಯಗಳಂತೆ ಇದೆ. ಅತ್ಯುತ್ತಮ ಕಾರ್ಯ ನೈಪುಣ್ಯತೆ ಮತ್ತು ಈ ದೇವಸ್ಥಾನದ ಗುಮ್ಮಟ ಮತ್ತು ಗೋಪುರಗಳ ವಾಸ್ತು ಶಿಲ್ಪ ಶೈಲಿ ಮತ್ತು ವಿನ್ಯಾಸ ಇದಕ್ಕೆ ಅತ್ಯುತ್ತಮ ಉದಾಹರಣೆ.
ಈ ದೇವಾಲಯದ ಆವರಣದಲ್ಲಿ ಮರಾಠ ಸೈನಿಕರ ಮತ್ತು ಆನೆಗಳ ಅದ್ಭುತವಾದ ಸುಂದರವಾದ ಕಲ್ಲಿನ ಕೆತ್ತನೆಗಳನ್ನು ಕಾಣಬಹುದು.ಇವು ದೇವಸ್ಥಾನಕ್ಕೆ ಭೇಟಿ ಕೊಡುವ ಯಾವುದೇ ಪ್ರವಾಸಿಗರ ಕಣ್ಮನಗಳನ್ನು ಆಕರ್ಷಿಸುತ್ತವೆ. ಈ ದೇವಾಲಯದ ಮಂಟಪವು ಬಹು ಆಕರ್ಷಣಿಯವಾದ, ಪ್ರಬಾವಶಾಲಿಯಾದ ಅಲಂಕಾರಣವನ್ನು ಒಳಗೊಂಡಿದೆ. ಒಟ್ಟಾರೆಯಾಗಿ ಈ ದೇವಸ್ಥಾನದ ಪರಿಸರವು ಶಾಂತಿ ಮತ್ತು ಶುದ್ಧತೆಯಿಂದ ಕೂಡಿದೆ.
ಇದು ಪವಿತ್ರ ನರ್ಮದ ನದಿಯ ತೀರದ ಸಮೀಪವಿರುವುದರಿಂದ ದೇವಾಲಯದ ಶಾಂತತೆಗೆ ವಿಶಿಷ್ಟ ಲಕ್ಷಣ ಬಂದಿದೆ. ಈ ಅಹಿಲೇಶ್ವರ ದೇವಾಲಯದ ದರ್ಶನಕ್ಕಾಗಿ ಭೇಟಿ ಕೊಡುವ ಸಮಯವು ಬೆಳಿಗ್ಗೆ 7.00 ಯಿಂದ ಸಾಯಂಕಾಲ 6.30 ರವರೆಗೆ. ಬೆಳಿಗ್ಗೆ 8 ಗಂಟೆಯಿಂದ ಸಾಯಂಕಾಲ 6 ಗಂಟೆಯವರೆಗೂ ಈ ದೇವಸ್ಥಾನದಲ್ಲಿ ಆರತಿಯನ್ನು ಮಾಡಲಾಗುತ್ತದೆ.