ರಾಜ ಸೆಂಗ್ಯೇ ನಂಗ್ಯಾಲ ಅವರು 17ನೇ ಶತಮಾನದಲ್ಲಿ ಈ ಪ್ಯಾಲೇಸ್‌ ನಿರ್ಮಿಸಿದರು. ಟಿಬೇಟ್‌ನಲ್ಲಿರುವ ಲಾಹ್ಸಾದ ಪೋರ್ಟಲ್‌ ಪ್ಯಾಲೇಸ್‌ಗೆ ಹೋಲಿಸುವ ಮಾದರಿಯಲ್ಲಿ ಇದು ನಿರ್ಮಾಣಗೊಂಡಿದೆ. 19ನೇ ಶತಮಾನದಲ್ಲಿ ದೋಗ್ರಾ ಅರಸು ಲಡಾಖ್‌ನ್ನು ತನ್ನ ವಶಕ್ಕೆ ಪಡೆದುಕೊಂಡಾಗ ಈ ಪ್ಯಾಲೇಸ್‌ ಶ್ರೀಮಂತ ಕುಟುಂಬದ ವಶಕ್ಕೆ ಬಂತು. ಸ್ಟಾಕ್‌ ಪ್ಯಾಲೇಸ್‌ ಆಗಿ ಪರಿವರ್ತನೆಯಾಯಿತು. ಈ ಪ್ಯಾಲೇಸ್‌ 9 ಅಂತಸ್ತುಗಳನ್ನು ಒಳಗೊಂಡಿದೆ. ಅತ್ಯಂತ ಮೇಲಿನ ಅಂತಸ್ತನ್ನು ಶ್ರೀಮಂತ ಕುಟುಂಬ ಬಳಸಿಕೊಂಡಿತು. ಕೆಳ ಮಹಡಿಗಳು ಸಂಗ್ರಹ ಕೋಣೆ ಹಾಗೂ ಇತ್ಯಾದಿ ಕಾರ್ಯಕ್ಕೆ ಬಳಕೆ ಆದವು.

ದೇಶದ ಪ್ರಾಚ್ಯವಸ್ತು ಶಾಸ್ತ್ರ ಇಲಾಖೆಯು ಈ ಪ್ಯಾಲೇಸ್‌ನ ನಿರ್ವಹಣೆಯ ಜವಾಬ್ದಾರಿ ವಹಿಸಿಕೊಂಡಿದೆ. ಸದ್ಯ ರಾಜ್ಯ ಸರ್ಕಾರ ಇದನ್ನು ನಿರ್ವಹಿಸುತ್ತಿದೆ. ಸುತ್ತಲಿನ ಪ್ರದೇಶದ ವಿಹಂಗಮ ನೋಟವನ್ನು ಸವಿಯಲು ಈ ಪ್ಯಾಲೇಸ್‌ ಹೇಳಿ ಮಾಡಿಸಿದಂತಿದೆ. ಸ್ಟೋಕ್ ಕಂಗರಿ, ಇಂಡಸ್‌ ಕಣಿವೆ ಹಾಗೂ ಲಡಾಖ್‌ ಪರ್ವತ ಶ್ರೇಣಿಗಳ ನೋಟ ಸವಿಯಬಹುದಾಗಿದೆ.