Click it and Unblock the Notifications
ದೇಶದ ಪ್ರಮುಖ ಭೂಮಿಯ ಭಾಗವಾಗಿರುವ ಕೊಚ್ಚಿಯಿಂದ ಈ ಕಲ್ಪೇನಿ ದ್ವೀಪ 150 ಮೈಲಿ ದೂರದಲ್ಲಿದೆ. ಇದರ ವ್ಯಾಪ್ತಿ ತುಂಬಾ ಕಿರಿದು, ಕೇವಲ 2.8 ಚದರ್ ಕಿ.ಮೀ. ನಷ್ಟಿದೆ. ಉತ್ತರ-ದಕ್ಷಿಣ ಭಾಗದಲ್ಲಿ ಚಾಚಿರುವ ಈ ಸರೋವರ ಪ್ರದೇಶ ಅತ್ಯಂತ ಆಕರ್ಷಕವಾಗಿದೆ.
ಕಲ್ಪೇನಿ ದ್ವೀಪ ಅತ್ಯಂತ ಜನಪ್ರಿಯವಾಗಿರುವುದು ಟಿಪ್ ಕಡಲತೀರದಿಂದಾಗಿ. ಬಿಳಿ ಮರಳಿನಿಂದ ಆವೃತ್ತವಾಗಿರುವ ಈ ಸ್ಥಳ ಹಸಿರು ಬಣ್ಣದ ಸರೋವರವನ್ನು ಹೊಂದಿದೆ. ಡೈವಿಂಗ್ಗೆ ಹೇಳಿ ಮಾಡಿಸಿದ ತಾಣ. ಕಡಲಿನಾಳಕ್ಕೆ ತೆರಳಿ ಅಲ್ಲಿನ ಜಲಚರಗಳನ್ನು ವೀಕ್ಷಿಸಲು ಇದು ಒಳ್ಳೆಯ ಸ್ಥಳ. ಈ ದ್ವೀಪದ ಉತ್ತರ ಭಾಗದ ಕೊನೆಯಲ್ಲಿ ಈ ಕಡಲತೀರವಿದೆ. ಸಮುದ್ರದಲ್ಲಿ ಬೋಟ್ ಮೂಲಕ ಸುತ್ತಾಡುವುದು, ನೀರಿನಾಳದಲ್ಲಿ ನಡೆದಾಡುವ ಕ್ರೀಡೆಗೆ ಹೆಚ್ಚು ಪ್ರೋತ್ಸಾಹ ಇಲ್ಲಿದೆ. ಅಲ್ಲದೇ ಇದು ಇಲ್ಲಿ ಅತ್ಯಂತ ಜನಪ್ರಿಯ ಕೂಡ. ತಿಲಕ್ಕಮ್, ಪಿಟ್ಟಿ, ಚೆರಿಯಾಮ್ ದ್ವೀಪಗಳು ಕಲ್ಪೇನಿ ದ್ವೀಪದ ಸಮೂಹ ದ್ವೀಪಗಳು. ಕಲ್ಪೇನಿಯಲ್ಲಿ 37 ಮೀಟರ್ ಎತ್ತರವಾದ ಲೈಟ್ಹೌಸ್ ಇದೆ. ಇದರ ತುತ್ತತುದಿಯಲ್ಲಿ ನಿಂತು ಕಲ್ಪೇನಿಯ ಸುತ್ತಲಿನ ರಮಣೀಯ ನೋಟ ಸವಿಯಬಹುದು. ಇದರ ಸಮೂಹ ದ್ವೀಪವನ್ನು ಕಾಣಬಹುದು ಹಾಗೂ ಉತ್ತಮ ಛಾಯಾಗ್ರಹಣಕ್ಕೆ ಇದು ಸೂಕ್ತವಾಗಿ ಲಭಿಸುತ್ತದೆ.
ಇಲ್ಲಿ ಬಾಡಿಗೆ ಆಧಾರದ ಮೇಲೆ ಕಾಟೇಜ್ಗಳು ಸಿಗುತ್ತವೆ. ಅಲ್ಲದೇ ಇಬ್ಬರು ಹಂಚಿಕೊಳ್ಳುವ ಮಾದರಿಯಲ್ಲಿ ದೊರೆಯುತ್ತವೆ. ಈ ದ್ವೀಪಕ್ಕೆ ಆಗಮಿಸಿದರೆ ಕೊಚ್ಚಿ ಬಂದರಿಗೆ ನೇರವಾಗಿ ತೆರಳುವ ಸಂಪರ್ಕ ವ್ಯವಸ್ಥೆ ಇಲ್ಲಿದೆ. ಸಮುದ್ರ ಮಾರ್ಗದಲ್ಲಿ ತೆರಳಬಹುದು.
