ಕುರುಡುಮಲೆಯಲ್ಲಿ ಸೋಮೇಶ್ವರ ದೇವಾಲಯವೊಂದಿದ್ದು ಇದು ಲಯಕಾರಕನಾದ ಶಿವನ ದೇವಾಲಯವಾಗಿದೆ. ಇಲ್ಲಿ ಪ್ರತಿಷ್ಟಾಪಿಸಲಾಗಿರುವ ಶಿವಲಿಂಗವು ಅತ್ಯಂತ ಪ್ರಭಾವಶಾಲಿ ಎಂದು ಖ್ಯಾತಿ ಪಡೆದಿದೆ. ಕೆಲವೊಂದು ಸಣ್ಣ ಶಿವಲಿಂಗಗಳ ಚೂರುಗಳು ಈ ದೇವಾಲಯದ ಪ್ರಾಂಗಣದಲ್ಲಿ ಕಂಡುಬರುತ್ತದೆ. ಇತಿಹಾಸದ ಪ್ರಕಾರ ಈ ದೇವಾಲಯವು ಚೋಳರ ಕಾಲದಲ್ಲಿ ನಿರ್ಮಾಣಗೊಂಡಿದ್ದು, ಇದರ ಗೋಡೆಗಳಲ್ಲಿ ಸುಂದರ ಕೆತ್ತನೆಗಳನ್ನು ಮಾಡಲಾಗಿದೆ.ವಿಶ್ವಸನೀಯ ಮೂಲಗಳಿಂದ ತಿಳಿದುಬರುವದೇನೆಂದರೆ, ಈ ದೇವಾಲಯದ ಅರ್ಧ ಭಾಗವು ಖ್ಯಾತ ಶಿಲ್ಪಿ ಜಕಣಾಚಾರಿ ಕೆತ್ತಿದರೆ, ಇನ್ನರ್ಧ ಭಾಗವನ್ನು ಆತನ ಮಗ ಡಂಕಣಚಾರಿ ಕೆತ್ತಿ ಪೂರ್ಣಗೊಳಿಸಿದನಂತೆ. ಈ ದೇವಾಲಯದ ಮತ್ತೊಂದು ವಿಶೇಷವೆಂದರೆ ಇದು ಸಂಪೂರ್ಣ ಕಲ್ಲುಗಳಿಂದ ಕೆತ್ತಿ ನಿರ್ಮಿಸಲಾದ ದೇವಾಲಯವಾದರು, ಇದು ತಳಪಾಯವನ್ನು ಹೊಂದಿಲ್ಲ.